नहूम 2:3 - नेवाः बाइबल

³ शत्रुतय् सिपाइँतय्‌गु ढालत ह्याउँसे च्‍वं अले इमिसं ह्याउँगु लं फिनातःगु दु। इमिसं हमला यायेत तयारी यानाच्‍वंगु दु। इमिगु रथय् दुगु धातु प्‍वालाप्‍वाला थी, थसिँया भालात संका च्‍वंगु दु।

नहूम 2:3 ပူးပေါင်းရင်းမြစ်များ

अय्‍यूब 39:23

वयागु विरोधय् वाण तयेगु थल ध्‍यारध्‍यार सनी अले अन भाला व तरवार प्‍वालाप्‍वाला थी।

भजनसंग्रहया सफू 80:13

आः गुँफातय्‌सं वयाः न्‍हुयाः स्‍यंकाथके फु, अले गुँपशुतय्‌सं वयाः नयाः वने फु।

यशैया 14:8

थसिँया सिमात व लेबनानया देवदारुया सिमातय्‌सं जुजुया अन्‍त जूगुलिं लय्‌तायाः थथे धाइ, “छन्‍त पाला क्‍वःथबलय् निसें जिमित पालेत सुं सिमा पालीम्‍ह वःगु मदु।”

इजकिएल 23:24

इपिं छंगु विरोधय् उत्तरं ल्‍वाभः, रथत व गाडात व जाति जातियापिं सिपाइँतय्‌गु पुचःनापं वइ। तःधंगु व चिधंगु ढालत ज्‍वनाः व नँयागु तपुलि पुनाः इमिसं छन्‍त घेरय् याइ। जिं छन्‍त इमिगु ल्‍हातय् सजाँयया लागि बी। इमिसं थःगु चलन कथं छन्‍त सजाँय बी।

इजकिएल 26:7

“परमप्रभु परमेश्‍वरं थथे धयादी – जिं उत्तरं जुजुतय् जुजु बेबिलोनया जुजु नबूकदनेसरयात सलत, रथत, सलगइपिं व छगू तःधंगु सेना ज्‍वनाः टुरोसयात हमला यायेत ब्‍वनाहये।

नहूम 3:2

न्‍यँ! कोर्रायागु सः, पांग्रा गुर्र याःगु सः, सलत ब्‍वाय्‌वंगु सः, रथत थर्केजूइक तसकं ब्‍वाकूगु सः।

जकरिया 1:8

चान्‍हय् दर्शनय् जिं छम्‍ह मनूयात ह्याउँम्‍ह सल गयाच्‍वंगु खना। व यरूशलेमया छगू न्‍हसिकापय्‌ दुगु मेहदीया सिमातय् दथुइ दनाच्‍वन। वयागु ल्‍युने ह्याउँपिं, भुयुपिं व तुयुपिं सल दु।

जकरिया 11:2

हे थाकुराःमा ख्‍व! छाय्‌धाःसा देवदारुया सिमात क्‍वःदःगु दु। ततःमागु व बांबालाःगु सिमात नाश जूगु दु। हे बाशानयागु स्‍वसिमा ख्‍व! ख्‍वातुगु गुँया सिमात पालाब्‍यूगु दु।

जकरिया 6:2

न्‍हापांगु रथ ह्याउँपिं सलतय्‌सं, निगूगु रथ हाकुपिं सलतय्‌सं,

प्रकाश 12:3

हानं मेगु छगू चिं स्‍वर्गय् खनेदत। छम्‍ह तसकं ग्‍यानापुसे च्‍वंम्‍ह, ह्याउँसे च्‍वंम्‍ह, न्‍हय्‌गः छ्यं, झिपु नेकू व न्‍हय्‌गः छेनय् श्रीपेच दुम्‍ह अजिङ्गरयात खना।

प्रकाश 6:4

अले हानं प्‍वालाप्‍वाला थीक ह्याउँसे च्‍वंम्‍ह छम्‍ह सल पिहां वल। थ्‍व सल गया वःम्‍हय्‌सिनं पृथ्‍वीइ शान्‍ति मदयेका बिल। अले मनूतय्‌सं मनूतय्‌त स्‍याकेत वयात छपु ताहाकःगु तरवार नं बिल।