मर्कूस 9:9 - नेवाः बाइबल

⁹ पहाडं क्‍वहां झाया च्‍वंबलय् वय्‌कलं इमित थथे उजं बियादिल – “मनूया काय् सिनाः म्‍वाना मवतलय् थ्‍व खँ सुयातं धाये मते।”

मर्कूस 9:9 ပူးပေါင်းရင်းမြစ်များ

मत्ती 12:19

थ्‍व गुबलें सुंनाप ल्‍वाना जुइ मखु, तसकं हाला जुइ मखु। सुनानं थ्‍वयात लँय् लँय् हाला जूगु खनी मखु।

मत्ती 12:40

गथे योना न्‍यायागु प्‍वाथय् स्‍वन्‍हु स्‍वचा तक च्‍वन, अथे हे मनूया काय् नं पृथ्‍वीया दुने स्‍वन्‍हु स्‍वचा तक च्‍वनी।

मत्ती 16:21

उबलय् निसें येशूं चेलातय्‌त ध्‍वाथुइक धयादीगु यानादिल – “यरूशलेमय् वनाः जिं थकालिपिं, तःधंपिं पुजाहारीत व शास्‍त्रीतय्‌गु ल्‍हातं दुःखकष्‍ट फये मानि। लिपा इमिसं जितः स्‍यानाछ्वइ। अले स्‍वन्‍हु लिपा जि हानं म्‍वाना वये।”

मत्ती 27:63

थथे धाल – “हजुर, व ध्‍वंलाइम्‍हं म्‍वानाच्‍वंबलय् – ‘सिनाः स्‍वन्‍हु दय्‌काः हानं म्‍वाना वये’ धकाः धाःगु जिमि अज्‍ज लुमंनि।

मत्ती 8:4

अले वय्‌कलं वयात धयादिल – “न्‍यँ, थ्‍व खँ सुयातं कने मते। पुजाहारीतय्‌थाय् वनाः छं थःगु ल्‍वय् लाःगु क्‍यँ। अले फुक्‍कसितं सीकेत व्‍यवस्‍थाय् च्‍वया तः थें माःकथं छाय्‌छी या।”

मर्कूस 5:43

वय्‌कलं इमित थ्‍व खँ सुयातं कने मते धकाः उजं बियादिल। मचायात छुं नयेगु नकि धकाः नं धयादिल।

मर्कूस 7:36

अले “इमित सुयातं धाये मते” धकाः उजं बियादिल। गुलि गुलि वय्‌कलं इमित धाये मते धकाः धयादी, उलि उलि हे इमिसं बय्‌बय् याः जुइ।

मर्कूस 9:10

थथे धयादीगुलिं इमिसं सुयातं मसीकुसे मनय् जक तया तल। अय्‌सां इमिसं सिनाः म्‍वायेगु धाःगु छु जुइ धकाः थःथवय् खँ ल्‍हानाच्‍वन।

मर्कूस 9:8

इमिसं छचाःखेलं स्‍वल, सुं हे मखन, अन ला इपिं व येशू जक दु।

लूका 24:46

वय्‌कलं धयादिल – “मुक्ति बीम्‍ह ख्रीष्‍ट सिनाः हानं स्‍वन्‍हु दय्‌काः म्‍वाना वयेमाः धकाः च्‍वयातःगु दु।

लूका 9:36

अनंलि इमिसं अन येशू याकःचा जक खन। इमिसं थ्‍व खँ सुयातं मकंसे थथःगु नुगलय् तया तल।