मर्कूस 9:2 - नेवाः बाइबल

² खुन्‍हु लिपा येशू पत्रुस, याकूब व यूहन्‍नायात ब्‍वनाः पहाडय् झाल। अन मेपिं सुं हे मदु। इमिसं स्‍वस्‍वं हे वय्‌कःयागु रूप हिला वन।

मर्कूस 9:2 ပူးပေါင်းရင်းမြစ်များ

१ राजा 18:33

अले वं वेदीइ सिँ मिलय् यात। द्वहंयात कुचा कुचा यानाः पालाः सिँया च्‍वय् तयाबिल। वं इमित धाल, “प्‍यंगः घः जाय्‌क लः तयाः उकियात थ्‍व बलिइ व सिँलय् प्‍वंकाब्‍यु।”

१ राजा 18:42

आहाब नयेत त्‍वनेत वन, एलिया धाःसा कर्मेल डाँडाया च्‍वकाय् थाहां वन। अन वं बँय् क्‍वछुनाः थःगु छ्यं पुलिया दथुइ तल।

प्रस्‍थान 24:13

अले मोशा व वयात ग्‍वाहालि बीम्‍ह यहोशू परमेश्‍वरयागु पर्वतय् थहां वन।

यशैया 33:17

छिमिगु मिखां जुजुयात व वय्‌कःया बांलाःसूयात खनी अले तापाक हे न्‍यनावंगु देशयात छिमिसं खनी।

यशैया 53:2

व ला वय्‌कःया न्‍ह्यःने क्‍यातूगु मा थें व गंगु बं पिहां वःगु हा थें तःमा जुयावल। वयात स्‍वयेत झःझः मधाः अले बांलाः नं मजू। वयागु ख्‍वालय् झीत यःगु छुं नं मदु।

मत्ती 14:13

थ्‍व न्‍यनाः येशू नांचाय् च्‍वनाः सुं मदुगु थासय् झाल। वय्‌कः झाल धयागु खँ न्‍यनाः मनूत शहरंनिसें वय्‌कःया ल्‍यूल्‍यू न्‍यासि वन।

मर्कूस 14:33

वय्‌कलं पत्रुस, याकूब व यूहन्‍नायात जक ब्‍वना यंकादिल। उबलय् वय्‌कलं तसकं हे नुगः मछिंकाः दिक्‍क जुयादिल।

मर्कूस 16:12

थनंलिपा इपिं मध्‍ये निम्‍ह चेला गामय् वनाच्‍वंबलय् वय्‌कः मेगु हे रूप कयाः इमिगु न्‍ह्यःने खनेदय्‌कः झाल।

मर्कूस 5:37

वय्‌कलं पत्रुस, याकूब व याकूबया किजा यूहन्‍ना बाहेक मेपिं सुयातं ब्‍वनायंकामदी।

लूका 6:12

छन्‍हु वय्‌कः पहाडय् प्रार्थना याः झाल। अबलय् चच्‍छिं हे वय्‌कलं परमेश्‍वरयात प्रार्थना यानादिल।

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

रोमी 12:2

आवंनिसें थ्‍व संसारयापिं मनूतय्‌सं याना जू थें छिमिसं याना जुइ मते, बरु मनयात हीकाः न्‍हूपिं मनूत जुयाच्‍वँ। थुकथं याना जूसा परमेश्‍वरयागु इच्‍छा छु खः, अले भिंगु, वय्‌कःयात यःगु, व छु खँ ठीक जू छिमिसं बांलाक सीके थुइके फइ।

२ कोरिन्‍थी 13:1

जि स्‍वकः खुसि छिमिथाय् वयेत्‍यनागु दु। धर्मशास्‍त्रय् थथे च्‍वयातःगु दु – “निम्‍ह, स्‍वम्‍ह मनुखं साक्षी ब्‍यूसा जक सुं मनूयात दोषी ठहरय् याये फइ।”

फिलिप्‍पी 3:21

वय्‌कलं फुक्‍कयात थःगु ल्‍हातय् कयादी फु। थ्‍व हे शक्तिं वय्‌कलं झीगु थ्‍व बमलाःगु व सिनावनीगु म्‍हयात वय्‌कःयागु थें सिना मवनीगु यानादी।

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।