मर्कूस 7:7 - नेवाः बाइबल

⁷ थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ। उकिं थुमिसं जिगु सेवा याःसां छप्‍तिं ज्‍यालगय् मजू।’

मर्कूस 7:7 ပူးပေါင်းရင်းမြစ်များ

यशैया 29:13

परमप्रभुं थथे धयादी, “थुपिं मनूत ख्‍वाः क्‍यनेत जिथाय् लिक्‍क वइ। अले थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापानाः च्‍वनी। थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ।

मलाकी 3:14

“छिमिसं धाःगु दु, ‘परमेश्‍वरया सेवा यायेगु सितिं वंगु ज्‍या खः। अले वय्‌कःयागु आज्ञायात मानय् यानाः व दक्‍व शक्ति दुम्‍ह परमप्रभुया न्‍ह्यःने दुखं च्‍वंपिं थें जुयाः झीत छु फाइदा जुल?

मत्ती 15:9

थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ। उकिं थुमिसं जिगु सेवा याःसां छप्‍तिं ज्‍यालगय् मजू।’”

मत्ती 6:7

“प्रार्थना यायेबलय् छिमिसं परमेश्‍वरयात म्‍हमस्‍यूपिन्‍सं थें म्‍वाःमदुगु हालाः ताःहाकय्‌क याये मते। थुकथं याःगु प्रार्थना जक परमेश्‍वरं न्‍यनादी धयागु इमिगु धापू खः।

१ कोरिन्‍थी 15:14

ख्रीष्‍ट हानं म्‍वानावःगु मखु धकाः धाःगु खँ सत्‍य खःसा जिमिसं न्‍यंका जुइमाःगु नं मन्‍त, अले छिमिसं ख्रीष्‍टयात विश्‍वास याःगु नं ज्‍यालगय् मजुल।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

व्‍यवस्‍था 12:32

जिं छु छु आज्ञा बियागु दु उपिं फुक्‍क बांलाक मानय् या। उकी छुं तने नं मते लिकाये नं मते।

कलस्‍सी 2:22

थ्‍व फुक्‍कं छ्यलेवं मदयावनीगु खः। थ्‍व ला मनूतय्‌सं हे दय्‌कातःगु खः।

तीतस 3:9

म्‍वाःमदुगु खँय् हाः जुइ मते, तापाःबाज्‍यापिनिगु नां कयाः फुइँ याना जुइ मते, व्‍यवस्‍थायागु खँय् ल्‍वाः जुइ मते, छाय्‌धाःसा अथे यानाः छुं भिनि मखु, अले बांलाइ नं मखु।

याकूब 1:26

धर्मीम्‍ह धकाः धया जुइम्‍ह मनुखं न्‍ह्यःने लाः थें नवाना जुइ मज्‍यू। न्‍ह्यःने लाः थें नवाना जुइम्‍ह मनुखं परमेश्‍वरयात मानय् याना जूगु सितिं वनी। अले हानं थुकथं याना जूम्‍ह मनुखं थःम्‍हं थःत थगय् याइ।

याकूब 2:20

अय् मूर्ख, ख्रीष्‍टयात विश्‍वास याना जू थें ज्‍या याना मक्‍यनीम्‍ह मनुखं वय्‌कःयात विश्‍वास याःगु सितिं वनी धकाः छन्‍त क्‍यनाबी माल ला?

प्रकाश 22:18

थ्‍व सफुलिइ च्‍वयातःगु अगमवाणी न्‍यंपिं फुक्‍कसितं जिं ख्‍याच्‍वः बी – सुनानं थुकी छुं खँ तन धाःसा वयात परमेश्‍वरं थ्‍व सफुलिइ च्‍वयातःगु महामारी तनादी।

१ शमूएल 12:21

ज्‍यालगय् मजूपिं द्यःतय् ल्‍यू वने मते। इमिसं न त ग्‍वाहालि याये फइ न बचय् याये फइ छाय्‌धाःसा इपिं ज्‍यालगय् मजूपिं खः।