मर्कूस 7:6 - नेवाः बाइबल

⁶ वय्‌कलं धयादिल – “छिपिं निपाः ख्‍वाःपाः दुपिं खः धकाः यशैया अगमवक्तां च्‍वयातःगु धात्‍थें हे खः खनी – “‘थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापाना च्‍वनी।

मर्कूस 7:6 ပူးပေါင်းရင်းမြစ်များ

यशैया 29:13

परमप्रभुं थथे धयादी, “थुपिं मनूत ख्‍वाः क्‍यनेत जिथाय् लिक्‍क वइ। अले थुमिसं म्‍हुतुं ला जितः तसकं हनाबना तइ। नुगलं धाःसा थुपिं तसकं तापानाः च्‍वनी। थुमिसं थःपिन्‍सं दय्‌कूगु थितिकुतियात परमेश्‍वरयागु आज्ञा खः धकाः मनूतय्‌त स्‍यना जुइ।

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

यूहन्‍ना 15:24

सुनानं मयाःगु ज्‍या जिं इमिगु न्‍ह्यःने यानाः मक्‍यंगु जूसा इमित पाप लाइ मखुगु। तर इमिसं थ्‍व अजू चायापुगु ज्‍या स्‍वयाः नं जितः व जिमि बाःयात नं हेला यात।

यूहन्‍ना 5:42

छिमिसं परमेश्‍वरयात माया मयाः धकाः जिं स्‍यू।

प्रेरित 28:25

थःथवय् खँ मिलय् मजूगुलिं इपिं अनं वनेत्‍यन। इपिं वने न्‍ह्यः पावलं थथे धाल – “यशैया अगमवक्तायागु म्‍हुतुं पवित्र आत्‍मां छिकपिनि तापाःबाज्‍यापिन्‍त थथे धयादीगु खःगु हे खँ खः –

२ तिमोथी 3:5

पिनें परमेश्‍वरयात मानय् यानाजुइपिं, दुनुगलं धाःसा वय्‌कःयागु शक्तियात मानय् मयाइपिं जुइ। थुपिंलिसे जुइ मते।

तीतस 1:16

इमिसं परमेश्‍वरयात म्‍हस्‍यू धकाः धयाजुइ, इमिगु ज्‍यां धाःसा इमिसं परमेश्‍वरयात म्‍हमस्‍यू धकाः क्‍यनी। इपिं घच्‍चायापुपिं, धयागु खँ मन्‍यनीपिं व छुं नं भिंगु ज्‍या यायेत मल्‍वःपिं खः।