मर्कूस 7:5 - नेवाः बाइबल

⁵ फरिसीत व शास्‍त्रीतय्‌सं वय्‌कःयाके न्‍यन – “छिमि चेलातय्‌सं छाय् तापाःबाज्‍यापिनिगु थितिकुति मानय् याना मच्‍वंगु, अले हानं ल्‍हाः मस्‍युसे नल?”

मर्कूस 7:5 ပူးပေါင်းရင်းမြစ်များ

मत्ती 15:2

“छिकपिनि चेलातय्‌सं तापाःबाज्‍यापिनिगु थितिकुति छाय् मानय् मयाःगु? हानं ल्‍हाः मस्‍युसे नं नइगु?”

मर्कूस 7:13

थुकथं छिमिगु थितिकुतिं परमेश्‍वरयागु आज्ञायात ज्‍यालगय् मजुइका छ्वइ। थज्‍याःगु ला छिमिसं यक्‍व हे यानाच्‍वंगु दु।”

मर्कूस 7:8

“छिमिसं परमेश्‍वरयागु आज्ञायात मानय् मयासें मनूतय्‌गु थितिकुतियात मानय् यानाच्‍वन।”

मर्कूस 7:9

वय्‌कलं हानं धयादिल – “छिमिसं गुलि अःपुक परमेश्‍वरयागु आज्ञायात छखे चीकाः मनूतय्‌गु थितिकुति मानय् याये सः।

प्रेरित 21:21

इमिसं छता निता छंगु खँ नं न्‍यनातःगु दु। छिं यहूदीमखुपिनिगु देशय् च्‍वनाच्‍वंपिं यहूदीतय्‌त ‘आः मोशायागु व्‍यवस्‍थायात नं मस्‍तय्‌त म्‍हय् चिं तय्‌केगु नं त्‍वःताछ्व, व्‍यवस्‍थाय् च्‍वया तः थें नं जुइ मते’ धकाः धयाजुल हं।

प्रेरित 21:24

इपिं लिसे शुद्ध जुइत छि नं देगलय् झासँ। अले इमित सँ खायेत नं छिं हे धिबा पुलाबिया दिसँ। अले तिनि छिं थथे व्‍यवस्‍थाय् च्‍वया तः थें याःगु खनाः इमिसं थःपिन्‍सं न्‍यनातःगु खँ मखु धकाः ताय्‌की।

रोमी 4:12

अले हानं चिं तये धुंकूपिं जूसां चिं दु धकाः भरोसा मतसे अब्राहामं चिं तये न्‍ह्यः याःगु विश्‍वासया लँपुइ जुइपिनि नं अबु यायेत खः।

गलाती 1:14

जि ज्‍वलिंज्‍वःपिं मध्‍ये दकलय् अप्‍वः यहूदी धर्म मानय् याना जुयाम्‍ह नं जि हे खः। झी तापाःबाज्‍यापिनिगु थितिकुति दकलय् अप्‍वः मानय् याना जुयाम्‍ह नं जि हे खः।

२ थेसलोनिकी 3:11

छिपिं मध्‍ये गुम्‍हं गुम्‍हय्‌सिनं थःम्‍हं ज्‍या मयासें मेपिनिगु ज्‍याय् जक ल्‍हाः तयाः सना जुयाच्‍वन धयागु खँ न्‍यनाः थथे च्‍वयाच्‍वनागु खः।

२ थेसलोनिकी 3:6

दाजुकिजापिं, थाकु चायाः जुइपिं व जिमिसं धयागु खँ मन्‍यंपिं नाप जुइ मते धकाः प्रभुयागु नामं जिमिसं छिमित बिन्‍ति यानाच्‍वनागु दु।