मर्कूस 7:4 - नेवाः बाइबल

⁴ इमिसं बजारय् वनाः लिहां वयाः म्‍हय् लः हा हा यानाः थःत च्‍वख मयातले नइ मखु। थुलि जक मखु, इमिसं मानय् यानाच्‍वंगु यक्‍व हे दु – ख्‍वलाखिला, जासिकेँसि, अले कँय्‌यागु थलबलय् नं लः हा हा यायेमाः।

मर्कूस 7:4 ပူးပေါင်းရင်းမြစ်များ

भजनसंग्रहया सफू 26:6

जिं थः दोष मदुम्‍ह धकाः क्‍यनेत ल्‍हाः सिले, हे परमप्रभु! छिगु वेदीइ वयाः चाःहुलाः

यशैया 1:16

छिपिं थःम्‍हं थःत सिलाः शुद्ध या। जिं खनागु पाप ज्‍या छिमिसं यायेगु त्‍वःताछ्व। मभिंगु ज्‍याखँ त्‍वःति।

यर्मिया 35:5

अनंलि जिं दाखमद्यया बात्‍चात व छुं ख्‍वलाचात कयाः रेकाबीतय् न्‍ह्यःने तयाबिया, अले इमित धया, “दाखमद्य भचा त्‍वँ।”

यर्मिया 4:14

हे यरूशलेम, छ बचय् जुइत थःगु नुगलं मभिंगु खँ सिलाछ्व। गुबलय् तक मभिंगु बिचाः छंगु नुगलय् तया तयेगु?

मत्ती 23:25

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं थःपिन्‍त पिनें पिनें जक भु व ख्‍वला सिले थें यचुका जुइ। दुने धाःसा छिमिसं लाक्‍व पाक्‍व यायेगु, कर्पिन्‍त लुतय् यायेगु याना जुइ।

मत्ती 23:26

अय् कांपिं फरिसीत, न्‍हापां भु व ख्‍वलाया दुने निं बांलाक स्‍यू। अले तिनि पिने नं यचुकी।

मत्ती 27:24

मनूत थथे हाला हःगुलिं पिलातसं छुं हे याये फइ थें मच्‍वनाः सकसिगुं न्‍ह्यःने ल्‍हाः सिलाः थथे धाल – “थ्‍व मनूयात स्‍याःगु दोष छिमित हे लाइ, जितः लाइ मखु।”

मर्कूस 7:8

“छिमिसं परमेश्‍वरयागु आज्ञायात मानय् मयासें मनूतय्‌गु थितिकुतियात मानय् यानाच्‍वन।”

यूहन्‍ना 2:6

यहूदीतय्‌गु चलन कथं च्‍वख यायेत अन सछि-सछि लिटर ति न्‍ह्यंगु ल्‍वहंयागु खुगः त्‍यप तयातःगु दु।

यूहन्‍ना 3:25

उबलय् यूहन्‍नाया चेलातय् छम्‍ह मनू नाप च्‍वख जुइगु खँय् जवाःसवाः जुल।

हिब्रू 9:10

थथे नयेत्‍वनेगु व थीथी कथं म्‍वःल्‍हुइगु ला पिने क्‍यनेत जक खः। थज्‍याःगु थितिकुति न्‍हूगु बाचा चिना मदीतलेयात जक खः।

याकूब 4:8

परमेश्‍वरया लिक्‍क वा, अले वय्‌कः नं छिमि लिक्‍क झायादी। हे पापीत, छिमिसं थःगु ल्‍हाः सिलाछ्व। हे दोमन यानाजुइपिं, छिमिसं थःगु नुगःयात शुद्ध या।

१ यूहन्‍ना 1:7

वय्‌कः जः जू थें, झीपिं नं जलय् च्‍वनाच्‍वन धाःसा छम्‍ह मेम्‍हनापं संगतिइ जुइ, अले परमेश्‍वरया काय्‌यागु हिं झीगु दक्‍व पापपाखें शुद्ध यानादी।