मर्कूस 7:34 - नेवाः बाइबल

³⁴ स्‍वर्गय् थस्‍वयाः झसुकाः तयाः वयात धयादिल – “इफ्‍फात!” थुकियागु अर्थ खः – “चालेमा!”

मर्कूस 7:34 ပူးပေါင်းရင်းမြစ်များ

प्रस्‍थान 2:23

यक्‍व ई लिपा मिश्रयाम्‍ह जुजु सित। दास जुयाः च्‍वनेमाःगुलिं इस्राएलीतय्‌सं झसुकाः तयाः ग्‍वाहालि फ्‍वन। इमिगु सः परमेश्‍वरयाथाय् थ्‍यन।

यशैया 53:3

वयात मनूतय्‌सं हेला यानाः मयय्‌कल, व दुःखय् लाःम्‍ह मनू खः, वं दुःख बांलाक स्‍यू। व खनाः मनूतय्‌सं थःगु ख्‍वाः फहीकीगु। वयात हेला यात, झीसं वयात छुं मू वंम्‍ह मतायेका।

मर्कूस 1:41

येशूं माया यानाः थःगु ल्‍हातं वयात थियाः धयादिल – “ज्‍यू, छंगु ल्‍वय् लाया वनेमा।”

मर्कूस 15:34

तीन बजेपाखे येशू थथे धकाः तसकं हाला हल – “इलोई-इलोई लामा सबखथनी।” थुकियागु अर्थ – “जिमि परमेश्‍वर, जिमि परमेश्‍वर, छिं जितः छाय् त्‍वःतादिया?”

मर्कूस 5:41

वय्‌कलं सीम्‍ह मचायागु ल्‍हाः ज्‍वनाः धयादिल – “तालिथा कूमि!” थुकिया अर्थ खः – “नानी, दना वा!”

मर्कूस 6:41

अनंलि वय्‌कलं न्‍यापा मरि व निम्‍ह न्‍या कयाः स्‍वर्गपाखे स्‍वयाः परमेश्‍वरयात सुभाय् बियादी धुंकाः मरि कुचा थलाः चेलातय्‌त इंके बिल। अथे हे निम्‍ह न्‍या नं इनाबियादिल।

मर्कूस 7:35

अले वयागु न्‍हाय्‌पं चाल, मे सन, थथे वं त्‍याजिक नवाये फत।

मर्कूस 8:12

वय्‌कलं झसुकाः तयाः धयादिल – “छाय् थौंकन्‍हय्‌यापिं मनूतय्‌सं चिं माला जुइगु? जिं छिमित धात्‍थें धाये – थज्‍याःपिं मनूतय्‌त छुं हे चिं क्‍यनी मखु।”

लूका 18:42

वय्‌कलं धयादिल – “छंगु विश्‍वासं यानाः छंगु ल्‍वय् लन, छं मिखां खनेमा।”

लूका 19:41

यरूशलेमया न्‍ह्यःने थ्‍यंकः झाःबलय् शहरयात खनाः वय्‌कलं ख्‍वयाः धयादिल –

लूका 7:14

लिक्‍क झायाः वय्‌कलं कूताः थियादिल। सी क्‍वबिया वःपिं मनूत तक्‍क दित। वय्‌कलं धयादिल – “बाबु दँ।”

यूहन्‍ना 11:33

थुकथं मरियम अले व नाप वःपिं यहूदीत ख्‍वयाच्‍वंगु खनाः वय्‌कःयात तसकं नुगः मछिन।

यूहन्‍ना 11:35

येशू ख्‍वयादिल।

यूहन्‍ना 11:38

थुकथं तसकं नुगः मछिंकाः वय्‌कः चिहानय् झाल। थ्‍व चिहान छगू गुफाय् लाः। थुकियागु प्‍वाः ल्‍वहं छगलं तिनातःगु खः।

यूहन्‍ना 11:41

अले इमिसं ल्‍वहं चीकल। वय्‌कलं च्‍वय् स्‍वयाः धयादिल – “बाः, जिं छितः सुभाय् बी। जिगु खँ छिं न्‍यनादीगु दु।

यूहन्‍ना 11:43

थुलि धयाः वय्‌कलं तस्‍सलं सःतादिल – “अय् लाजरस, पिहां वा।”

यूहन्‍ना 17:1

थुलि धयादी धुंकाः येशूं स्‍वर्गय् थस्‍वयाः धयादिल – “बाः, ई वये धुंकल, छि काय्‌यात तःधंकादिसँ, अले काय्‌नं नं छितः तःधंकी।

प्रेरित 9:34

पत्रुसं वयात धाल – “एनियास, येशू ख्रीष्‍टं छिगु ल्‍वय् लाय्‌कादी। दनादिसँ, छिगु लासा थनादिसँ।” थुलि धायेवं व मनू जुरुक्‍क दन।

प्रेरित 9:40

अले वं इपिं फुक्‍कसितं पिने छ्वयाः पुलिं चुयाः प्रार्थना यात। प्रार्थना याये धुंकाः सीम्‍हय्‌सिथाय् स्‍वयाः धाल “तबीता, दना वा।” अले वं मिखा चाय्‌कल, पत्रुसयात खनाः व फ्‍यतुत।

हिब्रू 4:15

झी दकलय् तःधंम्‍ह पुजाहारी झी बमलाइबलय् छुं याये मफुम्‍ह मखु, बरु झीत थें वय्‌कःयात नं फुक्‍क खँय् शैतानं जाँचय् यात, अय्‌सां वय्‌कलं पाप यानामदी।