मर्कूस 7:31 - नेवाः बाइबल

³¹ येशू टुरोस जिल्‍लां सीदोन जुयाः डेकापोलिसपाखें गालील समुद्र थ्‍यंक झाल।

मर्कूस 7:31 ပူးပေါင်းရင်းမြစ်များ

मत्ती 11:21

“हे खोराजीन व बेथसेदाय् च्‍वंपिं मनूत, छिमित धिक्‍कार दु, छाय्‌धाःसा छिमिथाय् याःगु अजू चायापुगु ज्‍याखँ टुरोस व सीदोनय् याःगु जूसा अन च्‍वंपिन्‍सं उबलय् हे भांग्रां हिनाः नौनं बुयाः पश्‍चाताप याये धुंकल जुइ।

मत्ती 4:18

छन्‍हु येशूं गालील समुद्र सिथय् झाया च्‍वंबलय् जाः ह्वानाः न्‍या लानाच्‍वंपिं निम्‍ह दाजुकिजापिं सिमोन व वया किजा अन्‍द्रियासयात खन। इपिं न्‍या लाइपिं खः।

मत्ती 4:25

गालील, डेकापोलिस, यरूशलेम, यहूदिया व यर्दन खुसिया पारिंनिसें वःपिं ग्‍वाः ग्‍वाः मनूत वय्‌कः नाप नाप जुल।

मर्कूस 5:20

व मनू अनं वनाः येशूं वयात गुलि तःधंगु ज्‍या यानादिल धकाः डेकापोलिस धाःगु झिगू शहरय् बय्‌बय् यात। थ्‍व न्‍यनाः फुक्‍क मनूत अजू चाल।

मर्कूस 7:24

वय्‌कः अनं टुरोस व सीदोन जिल्‍लाय् झाल। सुनानं मसीमा धकाः वय्‌कः छखा छेँय् दुहां झाल। अय्‌नं मनूतय्‌सं सीकाकाल।

मर्कूस 7:30

छेँ थ्‍यंबलय् वं भूतआत्‍मा मचाया म्‍हं पिहां वने धुंकूगुलिं मचा लासाय् द्यनाच्‍वंगु खन।