मर्कूस 7:26 - नेवाः बाइबल

²⁶ व सिरियाया फोनिकेय् च्‍वंम्‍ह छम्‍ह ग्रीक खः। वं वया म्‍ह्याय्‌याके दुबिना च्‍वंम्‍ह भूतआत्‍मायात पिछ्वयादिसँ धकाः वय्‌कःयात बिन्‍ति यात।

मर्कूस 7:26 ပူးပေါင်းရင်းမြစ်များ

यशैया 49:12

स्‍व, इपिं तापाक्‍कंनिसें वइ, गुलिं उत्तरपाखें, गुलिं पच्‍छिमपाखें व गुलिं दच्‍छिनय् आश्‍वानया देशं वइ।”

मत्ती 15:22

अन छम्‍ह कनानी मिसां वयाः वय्‌कःयात थथे धाल – “प्रभु, दाऊदया काय्, जितः दया यानादिसँ। जिमि म्‍ह्याय्‌यात भूत दुबिनाः तसकं सास्‍ती जुयाच्‍वन।”

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।

मर्कूस 7:25

भूतआत्‍मा दुबिना च्‍वंम्‍ह छम्‍ह मिसामचाया मांनं येशू छेँय् दी धयागु सीकाः काचाकाचां वयाः वय्‌कःया तुतिइ भ्‍वपुल।

मर्कूस 7:27

वय्‌कलं धयादिल – “न्‍हापां मस्‍तय्‌त निं गाक्‍क नके ब्‍यु, छाय्‌धाःसा मस्‍तय्‌सं नयाच्‍वंगु लाकाः खिचायात वान्‍छ्वया बी मज्‍यू।”

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

कलस्‍सी 3:11

यहूदीमखुपिं जुइमा, यहूदी जुइमा, म्‍हय् चिं तःपिं जुइमा, मतःपिं जुइमा, सःस्‍यूपिं जुइमा, छुं मस्‍यूपिं जुइमा, अले दास जुइमा, दासमखुपिं जुइमा, फुक्‍कं उथें खः। सकसिकें ख्रीष्‍ट दी। ख्रीष्‍ट हे फुक्‍कं खः।