मर्कूस 7:20 - नेवाः बाइबल

²⁰ अले हानं वय्‌कलं धयादिल – “मनूयागु दुनें पिहांवइगु खं जक वयात अशुद्ध याइ,

मर्कूस 7:20 ပူးပေါင်းရင်းမြစ်များ

भजनसंग्रहया सफू 41:6

जिमि पासापिं धकाः स्‍वःवइपिन्‍सं नं जिगु मभिंगु खँ जक मुंकाः यंकी, अले न्‍ह्याम्‍हय्‌सितं न्‍यंका जुइ।

मीका 2:1

लासाय् ग्‍वारतुलाः मेपिन्‍त स्‍यंकेगु व मभिंगु ज्‍या यायेगु ग्‍वसाः ग्‍वइपिं मनूतय्‌त धिक्‍कार दु। सुथ जुइवं इमिसं व ज्‍या याइ, छाय्‌धाःसा इमिके अथे यायेगु शक्ति दु।

मत्ती 15:18

मनूतय्‌गु म्‍हुतुं पिहां वःगु खँ धाःसा इमिगु नुगलंनिसें हे पिहां वइ। अले थुकिं यानाः हे इपिं अशुद्ध जुइ।

मत्ती 4:4

येशूं लिसः बियादिल – “थथे च्‍वयातःगु दु – “‘मनूत मरिं जक मखु, परमेश्‍वरयागु म्‍हुतुं पिहां वःगु छगू छगू वचनं म्‍वाइ।’”

मर्कूस 7:15

नयेत्‍वनेगु छुकिं नं मनूया म्‍हय् दुने वनाः वयात अशुद्ध याइ मखु, बरु मनूयागु नुगलं पिहां वइगुलिं हे मनूयात अशुद्ध याइ।

मर्कूस 7:21

छाय्‌धाःसा मनूयागु दुनुगलंनिसें थथे मभिंगु बिचाः पिहां वइ – व्‍यभिचार यायेगु, खुइगु, स्‍यायेगु,

मर्कूस 7:23

थ्‍व फुक्‍क मभिंगु ज्‍या मनूयागु दुनेंनिसें पिहां वइ, अले वयात अशुद्ध याइ।”

हिब्रू 7:6

मल्‍कीसेदेकं लेवीया सन्‍तान मखुसां अब्राहामयाके झिब्‍वय् छब्‍व सम्‍पत्ति काल। अले हानं परमेश्‍वरं बाचा चिनादीम्‍हय्‌सित हे आशिष बिल।

याकूब 3:6

मे नं मि थें खः। थ्‍व झीगु म्‍हया मेमेगु म्‍हब्‍व स्‍वयाः मभिंगु म्‍हब्‍व खः। थ्‍वं झीगु म्‍ह छम्‍हं स्‍यंकाबी। अले नरकयागु मि कयाः झीगु जीवनयात हे छ्वय्‌काबी।

याकूब 4:1

छिमिगु दथुइ ल्‍वापुख्‍यापु गनं वल? मोजमज्‍जा यानाजुइगु बिचारं यानाः थथे जूगु मखु ला? थ्‍व इच्‍छा छिमिगु हे नुगलय् च्‍वंगु खः।