मर्कूस 6:6 - नेवाः बाइबल

⁶ इमिसं वय्‌कःयात विश्‍वास याये मफुगुलिं थुपिं खनाः वय्‌कः छक्‍क जुल। थथे जूगुलिं वय्‌कलं गामय् गामय् झायाः स्‍यनेकने यानादिल।

मर्कूस 6:6 ပူးပေါင်းရင်းမြစ်များ

यशैया 59:16

परमप्रभुं क्‍वत्‍यलातःपिन्‍त ग्‍वाहालि याइपिं सुं नं मखन। अले वय्‌कः दथुइ च्‍वनाः बिन्‍ति याइम्‍ह सुं छम्‍ह नं मखंगुलि अजू चायादिल। अनंलि वय्‌कःया थःगु हे जव ल्‍हातं इमित उद्धार यानादिल, अले वय्‌कःयागु हे धार्मिकतां इमित बचय् यानादिल।

यर्मिया 2:11

मेगु छुं नं जातिं थः द्यःतय्‌त उपिं ईश्‍वर मखुसां हीगु दु ला? तर जिमि प्रजां थःगु महिमां जाःम्‍ह परमेश्‍वरयात ज्‍यालगय् मजूपिं द्यःतनापं हिल।

मत्ती 4:23

येशू गालील फुक्‍कभनं चाःहिलादिल। धर्मशास्‍त्र स्‍यनीगु छेँय् झायाः मनूतय्‌त स्‍यनेकने यानाः परमेश्‍वरयागु राज्‍ययागु भिंगु खँ न्‍यंकादिल। अले तःतामछि ल्‍वय् दुपिं मनूतय्‌त नं लाय्‌कादिल।

मत्ती 8:10

वय्‌कलं थ्‍व खँ न्‍यनाः अजू चायाः वय्‌कः नाप वःपिं मनूतय्‌त थथे धयादिल – “जिं छिमित धात्‍थें धाये – जिं थपाय्‌सकं विश्‍वास याइम्‍ह मनू ला इस्राएलय् हे नं मखना।

मत्ती 9:35

थुकथं येशूं शहरय् व गांगामय् चाःहिलाः धर्मशास्‍त्र स्‍यनीगु छेँय् झायाः स्‍यनेकने यायां परमेश्‍वरयागु राज्‍ययागु भिंगु खँ न्‍यंकादिल। अले तःतामछि ल्‍वय् दुपिं मनूतय्‌त नं लाय्‌कादिल।

मर्कूस 1:39

अले गालीलया फुक्‍क धर्मशास्‍त्र स्‍यनीगु छेँय् न्‍यंकु न्‍यंकुं व भूत दुब्‍यूपिन्‍त लाय्‌केगु ज्‍या यायां चाःहिलादिल।

मर्कूस 10:1

गालील त्‍वःताः येशू यहूदिया जिल्‍लाय् झायाः अनं यर्दन खुसिया पारिइ झाल। अन नं वय्‌कःयाथाय् ग्‍वाः ग्‍वाः मनूत मुंवःगुलिं न्‍ह्याबलें थें वय्‌कलं इमित स्‍यनेकने यानादिल।

लूका 13:22

येशू शहर शहर व गां गां जुयाः स्‍यनेकने यायां यरूशलेमपाखे झाया च्‍वंबलय्

लूका 4:31

अनं येशू गालीलय् च्‍वंगु हे कफर्नहुमय् क्‍वहां झाल। अन नं वय्‌कलं विश्रामबार खुन्‍हु अन च्‍वंपिन्‍त स्‍यनादिल।

लूका 4:44

थथे वय्‌कलं यहूदियाय् फुक्‍कभनं च्‍वंगु धर्मशास्‍त्र स्‍यनीगु छेँय् झायाः भिंगु खँ स्‍यनेकने यानादिल।

यूहन्‍ना 9:30

अले वं लिसः बिल – “थ्‍व हे ला खः, अजू चायापुगु खँ। वय्‌कः गनं झायादीम्‍ह खः धकाः छिकपिन्‍सं मस्‍यूसां वय्‌कलं जिगु मिखा चाय्‌कादिल।

प्रेरित 10:38

अले हानं गथे परमेश्‍वरं थ्‍व हे नासरतयाम्‍ह येशूयात पवित्र आत्‍मां जाय्‌काः यक्‍व शक्ति बियादिल। अले येशूं फुक्‍कसितं भिंकाः शैतानं दुःखकष्‍ट बियातःपिन्‍त लाय्‌कादिल। छाय्‌धाःसा परमेश्‍वर वय्‌कः नाप दीगु खः धकाः छिकपिन्‍सं नं स्‍यू।