मर्कूस 6:52 - नेवाः बाइबल

⁵² इमिसं आः तक नं मरियागु खँ थुइके मफुनि, छाय्‌धाःसा इमिगु नुगः अज्‍जं छाःनि।

मर्कूस 6:52 ပူးပေါင်းရင်းမြစ်များ

यशैया 63:17

हे परमप्रभु, छिगु लँपुपाखें जिमित छाय् बिस्‍युंवनीपिं यानादियागु? अले छिगु हनाबना यायेगुपाखें जिमिगु नुगःयात छाय् छाकादियागु? छिगु थःगु अधिकार दुपिं कुलतय्‌गु कारणं अले छिकपिनि दासतय्‌गु कारणं जिपिंपाखे लिहांझासँ।

मर्कूस 16:14

लिपा झिंछम्‍ह चेलातय् नयाच्‍वंबलय् येशू इमिथाय् झायाः इमिसं विश्‍वास मयाःगु व इमिगु नुगः छाःगुलिं ब्‍वःबियादिल, छाय्‌धाःसा वय्‌कः म्‍वाना झाये धुंकाः वय्‌कःयात खंपिन्‍सं धाः वःगु खँय् इमिसं विश्‍वास मयाः।

मर्कूस 3:5

इमिगु नुगः छाःगु खनाः नुगः मछिंकाः तमं इमिथाय् मिखा ब्‍वयाः व मनूयात धयादिल – “ल्‍हाः तप्‍यंकी।” अले वं ल्‍हाः तप्‍यंकल। थथे गंगु ल्‍हाः लाल।

मर्कूस 7:18

अले वय्‌कलं धयादिल – “छिमिसं नं थुइके मफु ला? छिमिसं गथे थुइके मफुगु? म्‍हुतुं मनूया म्‍हय् दुहां वंगु खं वयात अशुद्ध याये फइ मखु।

लूका 24:25

अले वय्‌कलं धयादिल – “छिपिं ला मूर्ख मनूत जुयाच्‍वन खनी। अगमवक्तातय्‌सं धाःगु फुक्‍क खँय् विश्‍वास यायेत छिमिसं थाकु चायाच्‍वन।

यूहन्‍ना 12:40

“परमेश्‍वरं इमिगु मिखा कां यानाः नुगः छाय्‌का बिल। थथे जूगुलिं इमिसं मिखां खनी मखु, अले मनं थुइके फइ मखु, अले लाय्‌केत जिथाय् लिफः स्‍वयाः वइ मखु।”

रोमी 11:7

अले छु जुल लय्? इस्राएलीतय्‌सं छु कायेत कुतः यानाच्‍वंगु खः व काये मफुत। ल्‍यया तःपिन्‍सं धाःसा काये खन। मेपिन्‍सं परमेश्‍वरया खँ मन्‍यंसे अतेरि जुयाच्‍वन।