मर्कूस 6:51 - नेवाः बाइबल

⁵¹ वय्‌कः इपिंनापं तुं नांचाय् च्‍वनादिल। उघ्रिमय् हे फय् दित। थ्‍व खनाः इपिं फुक्‍कं छक्‍क जुल।

मर्कूस 6:51 ပူးပေါင်းရင်းမြစ်များ

मत्ती 8:10

वय्‌कलं थ्‍व खँ न्‍यनाः अजू चायाः वय्‌कः नाप वःपिं मनूतय्‌त थथे धयादिल – “जिं छिमित धात्‍थें धाये – जिं थपाय्‌सकं विश्‍वास याइम्‍ह मनू ला इस्राएलय् हे नं मखना।

मर्कूस 1:27

थ्‍व खनाः फुक्‍क मनूत अजू चाल। अले थःथवय् थथे खँ ल्‍हात – “थ्‍व छु जूगु? थ्‍व ला अधिकारं जाःगु न्‍हूगु खँ खः। वय्‌कःयागु खँ ला भूतं नं न्‍यं।”

मर्कूस 2:12

थुलि धायेवं हे व मनू जुरुक्‍क दनाः थःगु लासा ज्‍वनाः फुक्‍कसिगु न्‍ह्यःनें पिहां वन। अन च्‍वंपिं फुक्‍कं छक्‍क जुल। अले थथे धकाः परमेश्‍वरयात तःधंकल – “जिमिसं ला थथे जूगु गुबलें हे मखंनि।”

मर्कूस 4:39

अले वय्‌कलं दनाः फय्‌यात ब्‍वःबियाः समुद्रयात धयादिल – “शान्‍त जु।” धाय्‌वं हे ग्‍वःफय् दित, अले फुक्‍कभनं शान्‍त जुल।

मर्कूस 4:41

इपिं तसकं ग्‍यानाः थःथवय् थथे खँ ल्‍हात – “वय्‌कः सु खः? फय् व लखं नं वय्‌कलं धाःगु खँ न्‍यं।”

मर्कूस 5:42

धाय्‌वं हे व जुरुक्‍क दनाः थुखे उखे जुल। व झिंनिदँ तिनि दुम्‍ह खः। थ्‍व खनेवं इपिं तसकं अजू चाल।

मर्कूस 6:32

अले इपिं अनं नांचाय् च्‍वनाः सुं मदुगु थासय् वन।

मर्कूस 7:37

थ्‍व खनाः मनूतय्‌सं अजू चायाः थथे धाल – “वय्‌कलं यानादीगु ला फुक्‍कं भिं जू, ख्‍वाँय्‌यात ताय्‌कादिल, अले खाखःयात नवाये फय्‌कादिल।”

यूहन्‍ना 6:21

अले इमिसं लय्‌तायाः वय्‌कःयात नांचाय् थकाल। अले इपिं याकनं हे थ्‍यनेमाःगु थासय् थ्‍यन।