मर्कूस 6:41 - नेवाः बाइबल

⁴¹ अनंलि वय्‌कलं न्‍यापा मरि व निम्‍ह न्‍या कयाः स्‍वर्गपाखे स्‍वयाः परमेश्‍वरयात सुभाय् बियादी धुंकाः मरि कुचा थलाः चेलातय्‌त इंके बिल। अथे हे निम्‍ह न्‍या नं इनाबियादिल।

मर्कूस 6:41 ပူးပေါင်းရင်းမြစ်များ

मत्ती 14:19

वय्‌कलं फुक्‍कसित ख्‍यलय् फ्‍यतुकादिल। न्‍यापा मरि व निम्‍ह न्‍या कयाः स्‍वर्गय् थस्‍वयाः परमेश्‍वरयात सुभाय् बियादिल। अले मरि कुचा थलाः वय्‌कलं चेलातय्‌त बियादिल। इमिसं मनूतय्‌त इनाबिल।

मत्ती 15:36

अनंलि वय्‌कलं न्‍हय्‌पा मरि व न्‍या ल्‍हातय् कयाः परमेश्‍वरयात सुभाय् बियादिल। अले मरि कुचा थलाः चेलातय्‌त बियादिल। इमिसं मनूतय्‌त इनाबिल।

मत्ती 26:26

नयाच्‍वंबलय् येशूं मरि कयाः परमेश्‍वरयात सुभाय् बियाः कुचा कुचा थलादिल। अले चेलातय्‌त इनाः थथे धयादिल – “थ्‍व मरि कयाः न। थ्‍व जिगु म्‍ह खः।”

मर्कूस 14:22

नयाच्‍वंबलय् येशूं मरि कयाः परमेश्‍वरयात सुभाय् बियाः कुचा थलादिल। अले चेलातय्‌त इनाः थथे धयादिल – “थ्‍व मरि कयाः न, थ्‍व जिगु म्‍ह खः।”

मर्कूस 6:40

अले इपिं नेय्‌म्‍ह नेय्‌म्‍ह व सछिम्‍ह सछिम्‍हया ल्‍याखं झ्‍वः छुनाः फ्‍यतुत।

मर्कूस 6:42

इमिसं यतले नल।

मर्कूस 7:34

स्‍वर्गय् थस्‍वयाः झसुकाः तयाः वयात धयादिल – “इफ्‍फात!” थुकियागु अर्थ खः – “चालेमा!”

मर्कूस 8:19

न्‍याद्वः मनूतय्‌त नकेत जिं न्‍यापा मरि छिमित इनाबीत बियाबलय्, ग्‍वःगः दाला ल्‍यं दत?” इमिसं धाल – “झिंनिगः दाला।”

लूका 24:30

नयेत्‍यय्‌काः वय्‌कलं मरि कयाः सुभाय् बियाः कुचा थलाः इमित इनाबियादिल।

लूका 9:16

वय्‌कलं व न्‍यापा मरि व निम्‍ह न्‍या कयाः परमेश्‍वरयात सुभाय् बियाः कुचा थलाः मनूतय्‌त इनाब्‍यु धकाः चेलातय्‌त बियादिल।

यूहन्‍ना 11:41

अले इमिसं ल्‍वहं चीकल। वय्‌कलं च्‍वय् स्‍वयाः धयादिल – “बाः, जिं छितः सुभाय् बी। जिगु खँ छिं न्‍यनादीगु दु।

यूहन्‍ना 17:1

थुलि धयादी धुंकाः येशूं स्‍वर्गय् थस्‍वयाः धयादिल – “बाः, ई वये धुंकल, छि काय्‌यात तःधंकादिसँ, अले काय्‌नं नं छितः तःधंकी।

यूहन्‍ना 6:11

अले वय्‌कलं मरि कयाः सुभाय् बियादी धुंकाः मनूतय्‌त इनादिल। थथे हे न्‍या नं कयाः इनादिल। थुकथं इमित यतले नकादिल।

यूहन्‍ना 6:23

उबलय् तिबेरियासं मेमेगु नांचा येशूं सुभाय् बियाः न्‍याद्वः मनूतय्‌त मरि नकूगु थासय् थ्‍यंकः वल।

प्रेरित 27:35

थुलि धयाः पावलं मरि कयाः फुक्‍कसिया न्‍ह्यःने परमेश्‍वरयात सुभाय् बियाः कुचा कुचा यानाः नल।

रोमी 14:6

मेमेगु दिं स्‍वयाः छन्‍हुयात तःधंकीम्‍हं प्रभुया निंतिं हे तःधंकी। सुनां नयेनी याइ वं प्रभुया निंतिं नइ, छाय्‌धाःसा वं परमेश्‍वरयात सुभाय् बियाः नइ। अथे हे मनइम्‍हय्‌सिनं प्रभुया निंतिं नइ मखु, अय्‌नं वं नं परमेश्‍वरयात सुभाय् बी।

१ कोरिन्‍थी 10:31

अय्‌जूगुलिं छिमिसं नःसां त्‍वंसां न्‍ह्यागु याःसां परमेश्‍वरया महिमाया निंतिं या।

व्‍यवस्‍था 8:10

छिमिसं नयाः लुधने धुंकाः परमप्रभु छिमि परमेश्‍वरं छिमित भिंगु देश बियादीगुलिं वय्‌कःयात तःधंकि।

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

१ शमूएल 9:13

आराधना याइगु थासय् वय्‌कः भ्‍वय् नःवने न्‍ह्यः हे छिकपिन्‍सं वय्‌कःयात शहरय् दुहां वयाच्‍वंबलय् हे नापलाइ। वय्‌कः अन झायाः छायेहःगु बलिइ सुवाः मब्‍युतले मनूतय्‌सं भ्‍वय् नइ मखु। अथे जुयाः याकनं झासँ वय्‌कःयात नापलानादिसँ।”