मर्कूस 6:2 - नेवाः बाइबल

² छन्‍हु विश्रामबार खुन्‍हु धर्मशास्‍त्र स्‍यनीगु छेँय् झायाः स्‍यनेकने यानादिल। वय्‌कःयागु खँ न्‍यनाः मनूतय्‌सं अजू चायाः थथे धाल – “थ्‍वयाके थज्‍याःगु बुद्धि व अजू चायापुगु ज्‍यायागु शक्ति गनं वल?

मर्कूस 6:2 ပူးပေါင်းရင်းမြစ်များ

मत्ती 4:23

येशू गालील फुक्‍कभनं चाःहिलादिल। धर्मशास्‍त्र स्‍यनीगु छेँय् झायाः मनूतय्‌त स्‍यनेकने यानाः परमेश्‍वरयागु राज्‍ययागु भिंगु खँ न्‍यंकादिल। अले तःतामछि ल्‍वय् दुपिं मनूतय्‌त नं लाय्‌कादिल।

मत्ती 7:28

अन च्‍वंपिं मनूत फुक्‍कं येशूं धयादीगु थ्‍व खँ न्‍यनाः छक्‍क जुल।

मर्कूस 1:39

अले गालीलया फुक्‍क धर्मशास्‍त्र स्‍यनीगु छेँय् न्‍यंकु न्‍यंकुं व भूत दुब्‍यूपिन्‍त लाय्‌केगु ज्‍या यायां चाःहिलादिल।

मर्कूस 10:1

गालील त्‍वःताः येशू यहूदिया जिल्‍लाय् झायाः अनं यर्दन खुसिया पारिइ झाल। अन नं वय्‌कःयाथाय् ग्‍वाः ग्‍वाः मनूत मुंवःगुलिं न्‍ह्याबलें थें वय्‌कलं इमित स्‍यनेकने यानादिल।

लूका 2:47

अन च्‍वंपिं फुक्‍क वय्‌कःयागु बुद्धि व लिसः न्‍यनाः छक्‍क जुयाच्‍वन।

लूका 4:15

थाय् थासय् धर्मशास्‍त्र स्‍यनीगु छेँय् वनाः वय्‌कलं मनूतय्‌त स्‍यनेकने यानादिल। अय्‌जूगुलिं मनूतय्‌सं वय्‌कःयात तसकं तःधकंल।

यूहन्‍ना 6:42

इमिसं धाल – “थ्‍व योसेफया काय् येशू मखु ला? थ्‍वया मांबौपिन्‍त झीसं म्‍हमस्‍यू ला? थ्‍व मनुखं ‘जि स्‍वर्गं वयाम्‍ह खः’ धकाः गथे धायेफत?”

यूहन्‍ना 7:15

नायःतय्‌सं छक्‍क जुयाः थथे धाल – “थ्‍व मनुखं ब्‍वँ हे मब्‍वंकं थुलिमछि खँ गथे यानाः सय्‌कल?”