मर्कूस 5:7 - नेवाः बाइबल

⁷ ततःसलं थथे धाल – “हे दक्‍वसिबय् तःधंम्‍ह परमेश्‍वरया काय्, छि जिमिथाय् छाय् झायागु? जितः दुःख बी मते।”

मर्कूस 5:7 ပူးပေါင်းရင်းမြစ်များ

उत्‍पत्ति 3:15

छंगु व मिसाया दथुइ अले छं मस्‍त व मिसाया मस्‍तय् दथुइ जिं ल्‍वापु थनाबी। वं छंगु छ्यं तछ्याइ, छं वयागु ग्‍वालिइ न्‍याइ।”

१ राजा 22:16

आहाबं वयात धाल, “परमप्रभुया नामय् छु सत्‍य खः जितः व जक धा धकाः जिं छन्‍त ग्‍वकः पाफय्‌केगु?”

होशे 14:8

अय् एफ्राइमया मनूत, मूर्तितनापं जिगु छुं हे ज्‍या मदु। जिं छिमिगु प्रार्थनाया लिसः बी अले छिमिगु सुसाःकुसाः याये। जि न्‍ह्याबलें वाउँसे च्‍वनीगु सल्‍लाया सिमा थें खः। जि हे छिमिगु आशिषया मूल खः।”

मत्ती 16:16

सिमोन पत्रुसं लिसः बिल – “छि म्‍वाःम्‍ह परमेश्‍वरया काय्, मुक्ति बीम्‍ह ख्रीष्‍ट खः।”

मत्ती 26:63

वय्‌कलं छुं हे धयामदी। अले दकलय् तःधंम्‍ह पुजाहारीं हानं धाल – “म्‍वाःम्‍ह परमेश्‍वरयागु नामं जिं छन्‍त धयाच्‍वना – छ परमेश्‍वरया काय्, मुक्ति बीम्‍ह ख्रीष्‍ट खः ला?”

मत्ती 4:3

अबलय् हे शैतानं वयाः वय्‌कःयात थथे धाल – “छि परमेश्‍वरया काय् खःसा थ्‍व ल्‍वहंयात मरि जुइमा धकाः धयादिसँ।”

मत्ती 8:29

वय्‌कःयात खनेवं हे इपिं थथे धकाः चिल्‍लाय् दनाः हाल – “हे परमेश्‍वरया काय्, छि जिमिथाय् छाय् झायागु? मत्‍यवं हे जिमित सजाँय बीत झायागु ला?”

मर्कूस 1:24

“हे नासरतयाम्‍ह येशू, छि जिमिथाय् झायेमाःगु हे छाय्? छि जिमित नाश यायेत झायागु ला? जिं छितः म्‍हस्‍यू, छि परमेश्‍वरया पवित्रम्‍ह मनू खः।”

मर्कूस 14:61

वय्‌कलं छुं हे धयामदी। हानं दकलय् तःधंम्‍ह पुजाहारीं वय्‌कःयात न्‍यन – “छ दकलय् धन्‍यम्‍हय्‌सिया काय् मुक्ति बीम्‍ह ख्रीष्‍ट खः ला?”

मर्कूस 3:11

भूतआत्‍मां वय्‌कःयात खनेवं वय्‌कःया न्‍ह्यःने क्‍वपुसां पुयाः थथे धकाः हाल – “छि परमेश्‍वरया काय् खः।”

मर्कूस 5:6

येशूयात तापाकंनिसें हे खनेवं ब्‍वाँय् ब्‍वाँय् वनाः वं वय्‌कःया तुतिइ भ्‍वपुलाः

मर्कूस 5:8

“अय् भूतआत्‍मा, थ्‍व मनूया म्‍हं पिहां वाः” धकाः वय्‌कलं धयादीगुलिं व थथे हाला हःगु खः।

लूका 1:32

थ्‍व मचा तसकं तःधनी, अले दकलय् तःधंम्‍ह परमेश्‍वरया काय् धकाः नां जाइ। अले परमप्रभु परमेश्‍वरं वयात वया तापाःबाज्‍या दाऊदयागु सिंहासन बियादी।

लूका 4:34

“हे नासरतय् च्‍वंम्‍ह येशू, छि जिमिथाय् छाय् झायेमाःगु? छि जिमित स्‍यंकेत झायागु ला? जिं छितः म्‍हस्‍यू, छि परमेश्‍वरया पवित्रम्‍ह मनू खः।”

लूका 6:35

“अय्‌जूगुलिं छिमिसं शत्रुतय्‌त माया यानाः इमित भिं या। लित कायेगु मतिइ मतसे त्‍यासा ब्‍यु। अले छन्‍त तःधंगु सिरपाः दइ। अले हानं छिपिं दकलय् तःधंम्‍ह परमेश्‍वरया काय्‌पिं जुइ। छिमि परमेश्‍वर बाःनं लोभीतय्‌त नं, तसकं मभिंपिं मनूतय्‌त नं, उतिकं हे दया माया यानादी।

लूका 8:28

वय्‌कःयात खनेवं व पिच्‍याना हालाः तुतिइ भ्‍वपू वल। अले तःसलं हालाः थथे धाल – “हे दक्‍वसिबय् तःधंम्‍ह परमेश्‍वरया काय् येशू, छिं जितः छु याये मास्‍ति वः? जितः दुःख बियादी मते।”

यूहन्‍ना 20:31

अय्‌नं छिमिसं येशू परमेश्‍वरया काय्, मुक्ति बीम्‍ह ख्रीष्‍ट हे खः धकाः विश्‍वास याये फयेमा, अले विश्‍वास यानाः वय्‌कःयागु नामय् छिमित जीवन दयेमा धकाः थ्‍व च्‍वयातःगु खः।

प्रेरित 16:17

पावल व जिमिगु ल्‍यूल्‍यू वयाः वं थथे धाल – “थुपिं दकलय् तःधंम्‍ह परमेश्‍वरया मनूत खः। थुमिसं मुक्तियागु लँ क्‍यनाबी।”

प्रेरित 19:13

थ्‍व खनाः चाचाःहिलाः झाँक्री ज्‍या यानाजुइपिं यहूदीतय्‌सं नं येशूयागु नामं थथे धयाः भूतआत्‍मा पितिनाछ्वयेत सना जुल – “पावलं न्‍यंका जूम्‍ह येशूया नामं जिं छन्‍त पिहां वनेत उजं बियाच्‍वना।”

प्रेरित 8:36

इपिं वँवं छथाय् लः दुथाय् थ्‍यन। अले वं फिलिपयात धाल – “स्‍वयादिसँ, थन लः दु। जितः बप्‍तिस्‍मा कायेत छुकिं पनी?”

रोमी 16:20

थुकथं याना जूसा शान्‍ति बियादीम्‍ह परमेश्‍वरं शैतानयात छिमिगु तुतिं याकनं हे न्‍हुइके बी। झी प्रभु येशू ख्रीष्‍टयागु दया माया छिमिके दयाच्‍वनेमा।

हिब्रू 2:14

उपिं काय्‌म्‍ह्याय्‌पिं ला व हिया शरीर जूगुलिं येशू नं उपिं थें हे ला व हि दुम्‍ह मनू जुयादिल। थुकथं वय्‌कलं मनू जुयाः सिनाः मृत्‍युयागु शक्ति दुम्‍ह शैतानयात बुकादिल।

हिब्रू 7:1

थ्‍व मल्‍कीसेदेक शालेमयाम्‍ह जुजु, अले दकलय् तःधंम्‍ह परमेश्‍वरया पुजाहारी खः। लडाइँलय् जुजुपिन्‍त त्‍याकाः लिहां वयाच्‍वंम्‍ह अब्राहामयात नाप लानाः मल्‍कीसेदेकं आशिष बिल।

याकूब 2:19

परमेश्‍वर छम्‍ह हे जक दु धकाः छं विश्‍वास याना च्‍वंसा, बां हे लात। भूतआत्‍मां नं थथे वय्‌कः छम्‍ह हे जक दु धकाः विश्‍वास याः, अले वय्‌कः खनाः ग्‍याः।

२ पत्रुस 2:4

पाप याःपिं स्‍वर्गदूततय्‌त हे नं परमेश्‍वरं ल्‍यंका मदिसे नरकय् छ्वयादिल। न्‍याय याइगु दिं मवतले इमित नरकया खिउँथासय् चिनाः तया तल।

१ यूहन्‍ना 3:8

शैतानं न्‍हापांनिसें पाप याना वयाच्‍वंगु दु, उकिं पाप यानां तुं च्‍वनीपिं मनूत नं शैतानया मनू खः। अथे जूगुलिं शैतानयागु ज्‍या स्‍यंकेत परमेश्‍वरया काय् थन झायादी माःगु खः।

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।

प्रकाश 12:12

उकिं स्‍वर्ग व स्‍वर्गय् च्‍वंपिं फुक्‍कं लय्‌ताः। अय्‌नं पृथ्‍वी व समुद्रयात धिक्‍कार, छाय्‌धाःसा तसकं तं पिकयाः शैतान छिमिथाय् वःगु दु। वयागु ई अप्‍वः मन्‍त धकाः स्‍यूगुलिं वं थथे याःगु खः।”