मर्कूस 5:34 - नेवाः बाइबल

³⁴ अले वय्‌कलं धयादिल – “केहेँ मय्‌जु, छं विश्‍वास याःगुलिं छंगु ल्‍वय् लन। आः मनय् शान्‍ति कयाः हुँ, छंगु ल्‍वचं छन्‍त थी हे मथीमा।”

मर्कूस 5:34 ပူးပေါင်းရင်းမြစ်များ

२ राजा 5:19

एलीशां नामानयात धाल, “याउँक हुँ।” अले नामान अनं वनाः भचा तापाक थ्‍यंबलय्,

उपदेशक 9:7

थःगु लँपुइ हुँ, थःम्‍हं नयेगु नसाय् लय्‌ताया च्‍वँ, लय्‌तातां दाखमद्य त्‍वँ, छाय्‌धाःसा छं याःगु ज्‍यायात परमेश्‍वरं ज्‍यू धाःगु दु।

लेवी 14:48

“पुजाहारीं हाकनं छेँयात स्‍वःवइबलय् लेवं तये धुंकूबलय्‌निसें अशुद्धगु खाःचि खने मदयाच्‍वंसा व छेँयात वं शुद्ध भाःपीमाः। छाय्‌धाःसा आः खाःचि मदये धुंकल।

मत्ती 9:2

मनूतय्‌सं वय्‌कःयाथाय् छम्‍ह पक्षवातं कःम्‍ह मनूयात लासानापं हल। इमिगु थज्‍याःगु विश्‍वास खनाः वय्‌कलं धयादिल “बाबु, ग्‍याये मते, छं याःगु पाप क्षमा जुल।”

मत्ती 9:22

अले वय्‌कः फहिलादिल। व मिसायात खनाः वय्‌कलं धयादिल – “केहेँ मय्‌जु, ग्‍याये मते। छं विश्‍वास याःगुलिं छंगु ल्‍वय् लन।” अबलय् हे व मिसायागु ल्‍वय् लन।

मर्कूस 10:52

वय्‌कलं धयादिल – “वा, छंगु विश्‍वासं छं मिखां खनी।” उघ्रिमय् हे वं मिखां खन, अले व वय्‌कःया ल्‍यूल्‍यू वन।

मर्कूस 3:10

यक्‍वसिगु ल्‍वय् लाय्‌का ब्‍यूगुलिं वय्‌कःयात थीत यक्‍व हे उसाँय्‌मदुपिं मनूत घ्‍वात्तुमतुघ्‍वानाः वयेत सनाच्‍वन।

मर्कूस 5:29

थीवं हे हि क्‍वहां वयाच्‍वंगु दित, अले वं थः लंगु सीकाकाल।

मर्कूस 5:33

हि क्‍वहां वइगु ल्‍वय् दुम्‍ह मिसां थःगु ल्‍वय् लाःगु सियाः ग्‍याग्‍यां, थरथर खाखां वय्‌कःया न्‍ह्यःने भ्‍वसुलाः थःत जूगु फुक्‍क खँ कनाबिल।

लूका 17:19

अले वयात धयादिल – “दँ, छेँय् हुँ। छं विश्‍वास याःगुलिं हे छंगु कोह्रि ल्‍वय् लात।”

लूका 18:42

वय्‌कलं धयादिल – “छंगु विश्‍वासं यानाः छंगु ल्‍वय् लन, छं मिखां खनेमा।”

लूका 7:50

वय्‌कलं मिसायात धयादिल – “छंगु विश्‍वासं यानाः छंगु उद्धार जुल। आः याउँक हुँ।”

लूका 8:48

अले वय्‌कलं धाल – “केहेँ मय्‌जु, छं विश्‍वास याःगुलिं छंगु ल्‍वय् लन। आः याउँक हुँ।”

प्रेरित 14:9

पावलं न्‍यंकाच्‍वंगु खँ वं नं न्‍यन। पावलं वयात मिखा हे लिमकासे स्‍वयाच्‍वन। वयाके थःगु ल्‍वय् लाय्‌काबी धयागु विश्‍वास दु धकाः सीकाः पावलं वयात

प्रेरित 15:33

तःन्‍हु तक च्‍वने धुंकाः अन च्‍वंपिं विश्‍वासीतय्‌सं इमित याउँक बिदा बियाः यरूशलेमया मण्‍डली छ्वल।

प्रेरित 16:36

अले झ्‍यालखानाया हाकिमं पावलयात थ्‍व खँ कन – “हाकिमतय्‌सं छिकपिन्‍त त्‍वःताछ्व धकाः धाय्‌के हल। आः छिकपिं याउँक झासँ।”

याकूब 2:16

“परमेश्‍वरं छिमित आशिष बियादीमा, अले बांलाक नया तिया जु” धकाः जक धयाः छिमिसं इमित माःगु नसा वसः बिया मछ्वल धाःसा छिमिगु विश्‍वास छु ज्‍यालगय् जुल?

१ शमूएल 1:17

एलीं लिसः बिल, “याउँक हुँ, अले इस्राएलया परमेश्‍वरं छं वय्‌कःयाके फ्‍वंगु खँ छन्‍त बियादीमा।”

१ शमूएल 20:42

अनंलि जोनाथनं दाऊदयात धाल, “याउँक हुँ, छ व जि अले छिकपिनि सन्‍तान व जिमि सन्‍तानया दथुइ सदां साक्षी जुयादीम्‍ह परमप्रभुया नामं झीसं बाचा चिनागु दु।” अले दाऊद याकनं हे अनं वन, जोनाथन धाःसा शहरय् तुं लिहां वन।