मर्कूस 2:7 - नेवाः बाइबल

⁷ “छु धयाच्‍वंगु थ्‍व मनुखं? थ्‍वं ला परमेश्‍वरयात हे क्‍वह्यंकाच्‍वन। परमेश्‍वरं बाहेक मेपिं सुनां पाप क्षमा याये फु?”

मर्कूस 2:7 ပူးပေါင်းရင်းမြစ်များ

अय्‍यूब 14:4

सुनां अशुद्धपाखें शुद्ध लिकाये फइ? सुनानं फइ मखु।

भजनसंग्रहया सफू 130:4

तर छि क्षमा बियादीम्‍ह खः, अथे जुयाः हे छिगु भय काइ।

यशैया 43:25

“जि, जि व हे खः, गुम्‍हय्‌सिनं छंगु अपराध थःगु हे लागिं क्षमा यानाबी, जिं छंगु पाप गुबलें लुमंके मखु।

दानिएल 9:9

छिगु खँ मन्‍यंसे जिपिं विरोधी जुयागु दु। अथे जूसां परमप्रभु जिमि परमेश्‍वर, छि दयादुम्‍ह व क्षमा यानादीम्‍ह खः।

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

मत्ती 26:65

थ्‍व न्‍यनाः दकलय् तःधंम्‍ह पुजाहारीं थःम्‍हं फिनातःगु लं खुनाः थथे धाल – “थ्‍वं परमेश्‍वरयात क्‍वह्यंकाः खँ ल्‍हात। थ्‍वयां अप्‍वः मेगु दसि हे छु माल? थ्‍वं परमेश्‍वरयात क्‍वह्यंकूगु छिमिसं ता हे ताल।

मत्ती 9:3

थ्‍व न्‍यनाः अन च्‍वंपिं शास्‍त्रीत थःथवय् थथे खँ ल्‍हात – “थ्‍व मनुखं ला परमेश्‍वरयात क्‍वह्यंकाच्‍वन।”

मर्कूस 14:64

थ्‍वं परमेश्‍वरयात क्‍वह्यंकूगु छिमिसं ता हे ताल। छिमिगु छु बिचाः दु?” इमिसं “वयात स्‍याना हे छ्वयेमाः” धकाः धाल।

मर्कूस 2:6

उबलय् अन शास्‍त्रीत नं दुगु जुयाच्‍वन। इमिसं मनं मनं थथे धाल –

मर्कूस 2:8

इमिगु मनय् च्‍वंगु खँ थत्‍थें थःगु आत्‍माय्‌ थुइकाः वय्‌कलं इमित धयादिल – “छिमिसं छाय् मभिंगु मतिइ तया जुयागु?

लूका 5:21

फरिसीत व शास्‍त्रीतय्‌सं थथे धकाः मनय् खँ वाय्‌कल – “परमेश्‍वरयात क्‍वह्यंकाः खँ ल्‍हाइम्‍ह थ्‍व सु खः? परमेश्‍वरं बाहेक सुनां पाप क्षमा याये फइ?”

लूका 7:49

वय्‌कः नाप मेपिं नं नयाच्‍वंगु दु। वय्‌कलं अथे मिसायात धयादीगु न्‍यनाः इपिं थःथवय् थथे खुसखुस खँ ल्‍हात – “थ्‍व सु खः, हाइँ? पाप हे क्षमा बी फुम्‍ह?”

यूहन्‍ना 10:33

अले इमिसं वय्‌कःयात लिसः बिल – “भिंगु ज्‍या याःगुलिं जिमिसं छन्‍त ल्‍वहँतं कय्‌केत्‍यनागु मखु, बरु छं परमेश्‍वरयात क्‍वह्यंकाः खँ ल्‍हाःगुलिं कय्‌केत्‍यनागु खः। छं मनू जुयाः नं परमेश्‍वर धकाः धया जूगुलिं थथे यायेत्‍यनागु खः।”

यूहन्‍ना 10:36

बाःनं ल्‍ययाः थःम्‍ह हे यानाः संसारय् छ्वया हयादीम्‍हय्‌सित परमेश्‍वरयात क्‍वह्यंकल धकाः छिकपिन्‍सं धयादीया ला, छाय्‌धाःसा जिं ‘जि परमेश्‍वरया काय् खः’ धकाः धया?