मर्कूस 2:5 - नेवाः बाइबल

⁵ इमिगु थज्‍याःगु विश्‍वास खनाः वय्‌कलं ल्‍वगियात धयादिल – “छं याःगु पाप क्षमा जुल।”

मर्कूस 2:5 ပူးပေါင်းရင်းမြစ်များ

उत्‍पत्ति 22:12

दूतं धयाहल, “छं छिमि काय्‌यात ल्‍हाः ल्‍ह्वने मते, अले वयात छुं हे याये मते। जिं सिल, छ धात्‍थें हे परमेश्‍वरं धाःथे याइम्‍ह खः। छाय्‌धाःसा छं थः याकः काय्‌यात तकं वय्‌कःया लागि होमबलि बीत स्‍वल।”

भजनसंग्रहया सफू 103:3

वय्‌कलं जिगु फुक्‍क पाप क्षमा यानादी अले जिगु फुक्‍क ल्‍वय् लंकादी

यशैया 38:17

धात्‍थें हे जिगु उन्‍नतिया निंतिं जिं थथे सास्‍ती नये माल। छिं जितः माया यानाः सीगालय् वनेगुपाखें बचय् यानादिल। छिं जिगु फुक्‍क पाप क्षमा यानादिल।

यशैया 53:11

वं थःगु प्राणं तसकं सास्‍ती नये धुंकाः वं जीवनया जः खनी अले थः लुधनी। थःगु ज्ञानं यानाः जिमि धर्मीम्‍ह दासं यक्‍वसित धर्मी यानाबी, वं हे इमिगु अधर्म क्‍वबिइ।

मत्ती 9:2

मनूतय्‌सं वय्‌कःयाथाय् छम्‍ह पक्षवातं कःम्‍ह मनूयात लासानापं हल। इमिगु थज्‍याःगु विश्‍वास खनाः वय्‌कलं धयादिल “बाबु, ग्‍याये मते, छं याःगु पाप क्षमा जुल।”

मत्ती 9:22

अले वय्‌कः फहिलादिल। व मिसायात खनाः वय्‌कलं धयादिल – “केहेँ मय्‌जु, ग्‍याये मते। छं विश्‍वास याःगुलिं छंगु ल्‍वय् लन।” अबलय् हे व मिसायागु ल्‍वय् लन।

मत्ती 9:5

‘छंगु पाप क्षमा जुल’ धायेगु अःपु ला कि ‘दनाः न्‍यासि हुँ’ धायेगु अःपु?

मर्कूस 2:6

उबलय् अन शास्‍त्रीत नं दुगु जुयाच्‍वन। इमिसं मनं मनं थथे धाल –

मर्कूस 5:34

अले वय्‌कलं धयादिल – “केहेँ मय्‌जु, छं विश्‍वास याःगुलिं छंगु ल्‍वय् लन। आः मनय् शान्‍ति कयाः हुँ, छंगु ल्‍वचं छन्‍त थी हे मथीमा।”

लूका 5:20

अले वय्‌कलं इमिगु विश्‍वास खनाः म्‍हमफुम्‍हय्‌सित थथे धयादिल – “छं यानादीगु पाप क्षमा जुल।”

लूका 8:48

अले वय्‌कलं धाल – “केहेँ मय्‌जु, छं विश्‍वास याःगुलिं छंगु ल्‍वय् लन। आः याउँक हुँ।”

यूहन्‍ना 2:25

सुनानं वय्‌कःयात थ्‍व मनू थज्‍याःम्‍ह धकाः धयाच्‍वने म्‍वाः। मनूतय्‌गु नुगलय् छु दु धकाः वय्‌कलं हे स्‍यू।

यूहन्‍ना 5:14

लिपा येशूं वयात देगलय् नाप लानाः धयादिल – “स्‍व, छंगु ल्‍वय् लाये धुंकल। आवंनिसें पाप याये मते, अले छन्‍त छुं नं जुइ मखु।”

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

प्रेरित 14:9

पावलं न्‍यंकाच्‍वंगु खँ वं नं न्‍यन। पावलं वयात मिखा हे लिमकासे स्‍वयाच्‍वन। वयाके थःगु ल्‍वय् लाय्‌काबी धयागु विश्‍वास दु धकाः सीकाः पावलं वयात

प्रेरित 5:31

परमेश्‍वरं हे वय्‌कःयात तःधंकाः जव ल्‍हातय् तयादिल। इस्राएलीतय्‌त पश्‍चाताप याकाः पाप क्षमा बीकेत वय्‌कःयात हे जुजु व मुक्ति बीम्‍ह यानादिल।

१ कोरिन्‍थी 11:30

उकिं हे ला खः नि, छिपिं मध्‍ये यक्‍व हे म्‍हंमफु, बमलाः अले सिना नं वन।

२ कोरिन्‍थी 2:10

थुकथं छिमिसं सुयात क्षमा याइ वयात जिं नं क्षमा बी। छाय्‌धाःसा जिं सुयातं छुं खँय् क्षमा याये माःसा छिमिगु हे निंतिं ख्रीष्‍टया न्‍ह्यःने यानाबी।

एफिसी 2:8

परमेश्‍वरयात छिमिसं विश्‍वास याःगुलिं छिमित वय्‌कलं दया माया यानाः मुक्ति बियादीगु खः। छिमिगु थःगु हे कुतलं थ्‍व मुक्ति दुगु मखु। थ्‍व ला परमेश्‍वरयागु वरदान खः।

कलस्‍सी 3:13

थःथवय् सह यानाः दया माया या। थःत सुनानं मभिंकूसां वयात क्षमा बीगु या। गथे प्रभुं छिमित क्षमा यानादिल, अथे हे छिमिसं नं क्षमा बीमाः।

याकूब 5:15

परमेश्‍वरयात क्‍वात्तुक विश्‍वास यानाच्‍वंम्‍ह मनूयागु प्रार्थनां उसाँय् मदया च्‍वंम्‍हय्‌सिगु ल्‍वय् लंकाबी। व मनुखं पाप हे याःगु जूसां वयात क्षमा यानादी।