मर्कूस 2:4 - नेवाः बाइबल

⁴ अन ग्‍वाः ग्‍वाः मनूत दुगुलिं इपिं येशूयाथाय् वने मफुत। अले इमिसं येशू च्‍वनाच्‍वंगु थाय्‌या च्‍वसं च्‍वंगु पौ प्‍वलाः पक्षवातं कःम्‍ह मनूयात लासानापं क्‍वय् क्‍वछ्वत।

मर्कूस 2:4 ပူးပေါင်းရင်းမြစ်များ

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।

लूका 5:19

मनूतय्‌गु हुलं यानाः इमिसं वयात दुने यंके मफुत। अले इमिसं कःसि स्‍यंकाः ल्‍वगियात लासांनापं येशू च्‍वनाच्‍वंगु थासय् क्‍वछ्वत।

व्‍यवस्‍था 22:8

न्‍हूगु छेँ दय्‌कीबलय् कःसिइ प्‍यखेरं पखाः ग्‍व, अले अनं सुं मनू कुतुं वंसा मनू सीगु दोष छिमिगु छेँयात लाइ मखु।