मर्कूस 2:2 - नेवाः बाइबल

² यक्‍व हे मनूत वय्‌कःयाथाय् वल। थुकिं यानाः अन लुखाया पिने तक नं च्‍वनेत थाय् मन्‍त। अन येशूं परमेश्‍वरयागु वचन न्‍यंकादिल।

मर्कूस 2:2 ပူးပေါင်းရင်းမြစ်များ

भजनसंग्रहया सफू 40:9

हे परमप्रभु, तःधंगु सभाय् जिं सकसितं छि जिमित बचय् यानादीम्‍ह खः धकाः न्‍यंका। छिं सि हे स्‍यू, थ्‍व खँ कनेत जि गुबलें नं लिचिले मखु।

मत्ती 5:2

अले वय्‌कलं इमित थथे धकाः स्‍यनादिल –

मर्कूस 1:14

यूहन्‍नायात ज्‍वने धुंकाः येशूं भिंगु खँ न्‍यंकुं न्‍यंकुं गालीलय् झायाः थथे धयादिल –

मर्कूस 1:33

शहरय् च्‍वंपिं दक्‍व मनूत लुखाय् मुंवल।

मर्कूस 1:37

अले वय्‌कःयात लुइकाः थथे धाल – “फुक्‍कसिनं छितः मालाच्‍वंगु दु।”

मर्कूस 1:45

व मनुखं धाःसा वनाः फुक्‍क थासय् थ्‍व खँ बय्‌बय् यानाबिल। थुकिं यानाः येशूयात शहरय् वयेत थाकुल अले वय्‌कः सुं मदुथाय् च्‍वंझाल। मनूत धाःसा प्‍यखेरं वय्‌कःयाथाय् वयाच्‍वन।

मर्कूस 2:1

छुं दिं लिपा वय्‌कः कफर्नहुमय् लिहां झाल। वय्‌कः छेँय् झाल धयागु न्‍यनाः

मर्कूस 2:13

वय्‌कः हानं गालील समुद्र सिथय् झायादिल। थन नं मनूत ग्‍वाः ग्‍वाः मुंवःगुलिं वय्‌कलं इमित स्‍यनादिल।

मर्कूस 6:34

वय्‌कः नांचां कुहां झाःबलय् यक्‍व मनूत मुनाच्‍वंगु खनाः वय्‌कःयात तसकं माया वन, छाय्‌धाःसा इपिं जवाः मदुपिं फैचात थें च्‍वं। अले वय्‌कलं इमित तःता खँय् स्‍यनेकने यानादिल।

लूका 12:1

अबलय् अन द्वलंद्वः मनूत कात्तुकाक्‍क मुं वयाच्‍वन। वय्‌कलं चेलातय्‌त धयादिल – “बांलाक होश या। निपाः ख्‍वाःपाः दुपिं फरिसीतय्‌गु सोडापाखें बचय् जुयाच्‍वँ।

लूका 5:17

छन्‍हु येशूं स्‍यनेकने यानाच्‍वंबलय् फरिसीत व शास्‍त्रीत नं अन वयाः फ्‍यतुनाः न्‍यनाच्‍वन। इपिं गालीलं, यहूदियायागु गां गामं व यरूशलेमं वःपिं खः। ल्‍वय् लाय्‌केगु शक्ति परमप्रभुं वय्‌कःयात बियादीगु दु।

लूका 8:1

अनं लिपा वय्‌कलं शहर पतिकं व गांगामय् चाःहुलाः परमेश्‍वरयागु राज्‍ययागु भिंगु खँ न्‍यंकादिल। वय्‌कः नाप झिंनिम्‍ह चेलात नं दु।

लूका 8:11

“उखानयागु अर्थ थ्‍व खः – पुसा परमेश्‍वरयागु वचन खः।

प्रेरित 11:19

स्‍तिफनसयात स्‍यायेधुंकाः सास्‍ती फये मफयाः विश्‍वासीतय्‌सं फोनिके, साइप्रस व एन्‍टिओखियाय् बिस्‍युं वनाः अन इमिसं यहूदीतय्‌त जक भिंगु खँ न्‍यंकाजुल।

प्रेरित 14:25

पर्गाय् नं भिंगु खँ न्‍यंकाः इपिं अटालिया क्‍वहां वन।

प्रेरित 16:6

इमित पवित्र आत्‍मां एशियाय् प्रभुयागु खँ न्‍यंक वने मते धकाः पनादीगुलिं इपिं फ्रिगिया व गलातिया देश जुयाः वन।

प्रेरित 8:25

थथे पत्रुस व यूहन्‍नां सामरियाय् च्‍वंपिन्‍त प्रभुयागु वचन व थःपिनिगु साक्षी न्‍यंकाः सामरिया जुकाः यरूशलेम लिहां वंबलय् लँय् लाःगु गामय् नं प्रभुयागु भिंगु खँ न्‍यंका वन।

रोमी 10:8

परमेश्‍वरयागु वचन छिमिगु न्‍ह्यःने हे दु, छिमिगु म्‍हुतुइ व नुगलय् दु। जिमिसं न्‍यंकागु भिंगु खँ हे थ्‍व विश्‍वासयागु खः।

२ तिमोथी 4:2

परमेश्‍वरयागु वचन न्‍यंकि। भिंगु इलय् नं मभिंगु इलय् नं न्‍यंकि, न्‍ह्यागु जूसां सह यानाः मनूतय्‌त इमिगु दोष क्‍यनाः स्‍यनेकने या, ब्‍वःब्‍यु, अले साहस नं ब्‍यु।