मर्कूस 15:3 - नेवाः बाइबल

³ वय्‌कलं यक्‍व मखुगु खँ ल्‍हात धकाः तःधंपिं पुजाहारीतय्‌सं वय्‌कःयात पाः यात।

मर्कूस 15:3 ပူးပေါင်းရင်းမြစ်များ

भजनसंग्रहया सफू 38:14

सुयागुं खँ मन्‍यनेगु हे बांलाः ताये धुंकल, अले सुयातं छुं हे लिसः मबी धुन।

यशैया 53:7

व क्‍वत्‍यका च्‍वनेमाल, वयात सास्‍ती जुल, अय्‌नं वं थःगु म्‍हुतुं छसः नं न्‍वमवाः। स्‍यायेत यंकूम्‍ह चीधिकःम्‍ह भ्‍याःचायात थें वयात यंकल, तँय चाइम्‍हय्‌सिगु न्‍ह्यःने फै सुम्‍क च्‍वंथें वं थःगु म्‍हुतुं छुं न्‍वमवाः।

मत्ती 27:12

तःधंपिं पुजाहारीतय्‌सं व थकालिपिन्‍सं न्‍ह्याक्‍व हे द्वपं ब्‍यूसां वय्‌कलं छुं हे धयामदी।

मर्कूस 15:2

वं येशूयाके न्‍यन – “यहूदीतय् जुजु छ हे खः ला?” वय्‌कलं लिसः बियादिल – “छिं थःम्‍हं हे धयादिल।”

मर्कूस 15:4

हानं पिलातसं न्‍यन – “छं छुं नं धायेगु मदु ला? इमिसं गुलिमछि खँय् छन्‍त पाः यानाच्‍वन।”

मर्कूस 15:5

अय्‌नं वय्‌कलं छुं हे धयामदी। थ्‍व खनाः पिलातस अजू चाल।

यूहन्‍ना 19:12

थ्‍व न्‍यनाः पिलातसं वय्‌कःयात त्‍वःतेत स्‍वल। तर यहूदीत थथे धकाः हाला हल – “छिं थ्‍व मनूयात त्‍वःतल धाःसा छि कैसरया मनू मखुत। सुनां थःत जुजु धकाः धया जुइ वं कैसरयागु विरोध याःगु जुइ।”