मर्कूस 13:8 - नेवाः बाइबल

⁸ देश देशतय्‌गु दथुइ ल्‍वापु जुइ। राज्‍य राज्‍ययागु दथुइ ल्‍वापु जुइ। प्‍यखें अनिकाल जुइ, अले भ्‍वखाय् ब्‍वइ। थ्‍व ला दुःखकष्‍टयागु छुमां जक खः।”

मर्कूस 13:8 ပူးပေါင်းရင်းမြစ်များ

२ इतिहास 15:6

परमप्रभुं इमित फुक्‍क कथंयागु विपत्तिं दुःख बियादीगुलिं छगू जातियात मेगु जातिं अले छगू शहरयात मेगु शहरं क्‍वत्‍यला च्‍वन।

भजनसंग्रहया सफू 48:6

ग्‍यानाः इपिं अन हे मूहाल। मचाबू ब्‍यथा जूम्‍ह मिसा थें इपिं वाथा वाथा कन।

यशैया 19:2

परमप्रभुं धयादी, “जिं मिश्रीतय्‌गु दथुइ थवंथः ल्‍वाकाबी। इमि दाजुकिजाया विरोधय् दाजुकिजा ल्‍वाइ। अले जःलाखःलाया विरोधय् जःलाखःला ल्‍वाइ। शहर शहरतय् दथुइ ल्‍वापु यानाबी। अले राज्‍य राज्‍यतय् दथुइ ल्‍वापु यानाबी।

यशैया 29:6

दक्‍व शक्ति दुम्‍ह परमप्रभु नँ न्‍याःगु सः, भुखाय्, तःधंगु सः, चाकः फय् व ग्‍वःफय्, नाश याइगु मिंनापं झायादी।

यशैया 37:3

इमिसं वयात धाल, “हिजकिया जुजुं थथे धाःगु दु – थौं झीसं दुःख सीगु दिं खः। झीसं सजाँय फयाच्‍वनागु दु अले झीगु बेइज्‍जत जूगु दु! थ्‍व मचाबुइगु ई त्‍ययाः नं मचाबुइकेगु बल मदुगु थें खः।

यर्मिया 13:21

वय्‌कलं छं थःम्‍हं हे स्‍यंपिं छिमि न्‍हापायापिं पासापिन्‍त हे छंगु च्‍वय्‌यागु थासय् तयादीबलय् छं छु धायेगु? मचा बुइकेत्‍यंम्‍ह मिसायात मचाबू ब्‍यथा जूगु थें छन्‍त मजुइ ला?

यर्मिया 22:23

छिपिं लेबनानय् च्‍वनीपिं, छिपिं देवदारुया दथुइ थःत याउँक तइपिं, छिमित मचाबू ब्‍यथा थें सास्‍ती जुइबलय् छिपिं गुलि पिच्‍यानाः हाली।”

यर्मिया 25:32

दक्‍व शक्ति दुम्‍ह परमप्रभुं थथे धयादी, “स्‍व, विपत्ति छगू जातिं मेगु जाति तक न्‍यनावनी। पृथ्‍वीयागु कुन्‍चां तःधंगु ग्‍वःफय् वयाच्‍वंगु दु।”

यर्मिया 4:31

मचाबू ब्‍यथा जूम्‍ह मिसायागु थें हाःसः, न्‍हापांम्‍ह मचा बुइकूम्‍ह मिसायागु थें ख्‍वःसः जिं ताल। स्‍वाँ स्‍वाँ यानाः थःगु ल्‍हाः फयाः बांलाःम्‍ह यरूशलेमं थथे धयाच्‍वंगु जिं ताल, “जि बेहोश जुयाच्‍वंगु दु, आः जि गथे याये! इपिं जितः स्‍यायेत वयाच्‍वंगु दु।”

यर्मिया 49:24

दमस्‍कस कमजोर जूगु दु। व बिस्‍युं वनेत्‍यंगु दु। भयनं वयात ज्‍वंगु दु। मचाबू ब्‍यथा जूम्‍ह मिसायात थें च्‍यूताः व सास्‍तीं वयात ज्‍वंगु दु।

यर्मिया 50:43

बेबिलोनयाम्‍ह जुजुं इमिगु बारे न्‍यन, वयागु ल्‍हाः याग्‍लाप्‍याग्‍ला जुल। मचाबू ब्‍यथा जूम्‍ह मिसा थें वयात धन्‍दा जुल।

यर्मिया 6:24

थ्‍व खँ न्‍यनेवं जिमिगु ल्‍हाः याग्‍लाप्‍याग्‍ला जुल। जिमित तसकं कष्‍ट जुल। जिपिं मचाबू ब्‍यथा जूम्‍ह मिसा थें जुल।

हाग्‍गै 2:22

जिं राज्‍य राज्‍यया गद्दी फातापुइकाबी व देश देशतय्‌गु शक्ति मदय्‌काबी। जिं रथ व उकी च्‍वनावइपिं सिपाइँतय्‌त फातापुइकाबी। सलत क्‍वदइ अले इमि सल गयावइपिन्‍सं छम्‍हय्‌सिनं मेम्‍हय्‌सित स्‍याइ।

जकरिया 14:13

उखुन्‍हु हे परमप्रभुं इमित भ्‍वय्‌भ्‍वय् कंकादी। इपिं छम्‍हय्‌सिनं मेम्‍हय्‌सिगु ल्‍हाः ज्‍वनी अले छम्‍हय्‌सिनं मेम्‍हय्‌सित हमला याइ।

मत्ती 24:8

थ्‍व ला दुःखकष्‍टयागु छुमां जक खः।”

मर्कूस 13:7

न्‍यँ, छिमिसं जवंखवं तसकं ल्‍वापु जूगु व ल्‍वापु जुइत्‍यंगु खँ न्‍यनी। अय्‌सां, छिपिं ग्‍याये मते, छाय्‌धाःसा थथे जुइ हे माः। थथे जुइवं संसार नाश जुयावनी मखु।

मर्कूस 13:9

“न्‍ह्यागु जूसां छिमिसं होश‍ यानाच्‍वँ। इमिसं छिमित अदालतय् यंकी, धर्मशास्‍त्र स्‍यनीगु छेँय् नं छिमिसं दाय्‌काः च्‍वनेमाली। जितः विश्‍वास याःगुलिं छिमित हाकिमत व जुजुपिनिगु न्‍ह्यःने थने यनी, अले छिमिसं जिगु नामय् साक्षी बी माली।

प्रेरित 11:28

इपिं मध्‍ये अगाबस धाःम्‍हय्‌सिनं संसारय् न्‍यंक हे अनिकाल जुइतिनि धकाः आत्‍मायागु शक्तिं अगमवाणी कन। थ्‍व अनिकाल कैसर क्‍लौडियसया पालय् जुल।

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।

प्रकाश 6:4

अले हानं प्‍वालाप्‍वाला थीक ह्याउँसे च्‍वंम्‍ह छम्‍ह सल पिहां वल। थ्‍व सल गया वःम्‍हय्‌सिनं पृथ्‍वीइ शान्‍ति मदयेका बिल। अले मनूतय्‌सं मनूतय्‌त स्‍याकेत वयात छपु ताहाकःगु तरवार नं बिल।