मर्कूस 13:7 - नेवाः बाइबल

⁷ न्‍यँ, छिमिसं जवंखवं तसकं ल्‍वापु जूगु व ल्‍वापु जुइत्‍यंगु खँ न्‍यनी। अय्‌सां, छिपिं ग्‍याये मते, छाय्‌धाःसा थथे जुइ हे माः। थथे जुइवं संसार नाश जुयावनी मखु।

मर्कूस 13:7 ပူးပေါင်းရင်းမြစ်များ

२ शमूएल 14:14

बँय् वानाः मदयावंगु लः थें झीपिं नं छन्‍हु सिनावने मानि, तर परमेश्‍वरं प्राण कयादी मखु। बरु वय्‌कःपाखें मनूत तापानाः मवनेमा धकाः वय्‌कलं उपाय पिकयादी।

भजनसंग्रहया सफू 112:7

बांमलाःगु खबर न्‍यनाः व ग्‍याइ मखु, परमप्रभुयाके भरोसा तःगुलिं वयागु नुगः बल्‍लाः।

भजनसंग्रहया सफू 27:3

फुक्‍क सिपाइँत जिगु विरोधय् दनावःसां जि ग्‍याये मखु। सुनानं जितः हय्‌क्‍कावःसां जि लिचिले मखु।

हितोपदेश 3:25

दुष्‍टतय्‌त आकाझाकां वइगु विपत्तिपाखें छ ग्‍यायेमाली मखु।

यशैया 8:12

“गुगु नं खँयात थुमिसं जाः ग्‍वयातःगु धकाः धाइ उकियात छं पत्‍याः याये मते। छु खं इपिं ग्‍याइ छ ग्‍याये मते अले नुगः भाराभारा मिंके मते।

यर्मिया 51:46

देशय् छुं हल्‍ला न्‍यनाः नुगः क्‍वतुंके मते वा ग्‍याये मते. छगू दँय् छगूकथंया हल्‍ला वइ, मेगु दँय् मेगुकथंया हल्‍ला। देशय् ल्‍वापुख्‍यापुया हल्‍ला अले शासकया विरोधय् शासक दंगु हल्‍ला।

मत्ती 18:7

“थ्‍व गुलि दुःखयागु खँ खः – संसारय् मनूतय्‌त स्‍यंकीगु खँ नं दु। थज्‍याःगु खँ दया हे च्‍वनी। अथेसां थथे स्‍यंकेत स्‍वइम्‍ह मनूयात धिक्‍कार दु।”

मत्ती 2:3

थ्‍व खँ न्‍यनाः हेरोद जुजुया तसकं नुगः भाराभारा मिन। यरूशलेमय् च्‍वंपिं फुक्‍क मनूत नं ग्‍यात।

मर्कूस 13:6

छाय्‌धाःसा यक्‍व हे मनूतय्‌सं वयाः – ‘जि मुक्ति बीम्‍ह ख्रीष्‍ट खः’ धकाः छिमिगु मिखाय् धुलं छ्वाकेत स्‍वइ।

मर्कूस 13:8

देश देशतय्‌गु दथुइ ल्‍वापु जुइ। राज्‍य राज्‍ययागु दथुइ ल्‍वापु जुइ। प्‍यखें अनिकाल जुइ, अले भ्‍वखाय् ब्‍वइ। थ्‍व ला दुःखकष्‍टयागु छुमां जक खः।”

यूहन्‍ना 14:1

“छिमिसं नुगः मछिंके मते, परमेश्‍वरयात विश्‍वास याःथें जितः नं विश्‍वास या।

यूहन्‍ना 14:27

“छिमित शान्‍ति बिया थके। जिं जिगु शान्‍ति छिमित बी। संसारं बीगु थज्‍याःगु शान्‍ति ला जिं छिमित बी मखु। छिमिसं नुगः मछिंके म्‍वाः, अले ग्‍याये नं म्‍वाः।

प्रेरित 17:3

मुक्ति बीम्‍ह ख्रीष्‍टं दुःख फये हे माः, सी हे माः, अले हानं म्‍वाना वयेमाः धकाः पावलं इमित ध्‍वाथुइक कनाः धाल – “जिं धया च्‍वनाम्‍ह येशू हे ख्रीष्‍ट खः।”