मर्कूस 13:5 - नेवाः बाइबल

⁵ वय्‌कलं धयादिल – “होश‍ यानाच्‍वँ, सुनानं छिमित मिखाय् धुलं छ्वाके मफयेमा,

मर्कूस 13:5 ပူးပေါင်းရင်းမြစ်များ

यर्मिया 29:8

खः, दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “छिपिंनापं दुपिं छिमि अगमवक्तात व ज्‍वखना स्‍वइपिन्‍सं छिमित धोखा मबीमा। इमिसं खंगु म्‍हगसय् ध्‍यान बी मते।

मर्कूस 13:4

“छिं धयादी थें गुबलय् जुइ? अले थथे गुबलय् जुइ धकाः जिमिसं गथे यानाः सीकेगु?”

मर्कूस 13:6

छाय्‌धाःसा यक्‍व हे मनूतय्‌सं वयाः – ‘जि मुक्ति बीम्‍ह ख्रीष्‍ट खः’ धकाः छिमिगु मिखाय् धुलं छ्वाकेत स्‍वइ।

लूका 21:8

वय्‌कलं धयादिल – “होश‍ यानाच्‍वँ, सुनानं छिमिगु मिखाय् धुलं छ्वाके मफयेमा, छाय्‌धाःसा यक्‍व हे मनूतय्‌सं जिगु नामय् वयाः – ‘जि व हे खः’ अले ‘ई न्‍ह्यःने थ्‍यंकः वये धुंकल’ धकाः धाइ। अय्‌नं छिपिं इपिं नाप वने मते।

१ कोरिन्‍थी 15:33

मूर्ख जुइ मते, “मभिंपिं लिसे बुला जूसा भिंपिं नं स्‍यनावनी।”

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

कलस्‍सी 2:8

होश‍ यानाच्‍वँ। मखुसा मनूतय्‌गु ज्ञान व बुद्धियागु फय्‌गं खं छिमित स्‍यंकी। थज्‍याःगु खँ ख्रीष्‍टपाखें वःगु मखु, बरु मनूतय्‌गु हे थितिकुति व संसारयापाखें वःगु खः।

२ थेसलोनिकी 2:3

सुनानं छिमित मिखाय् धुलं छ्वाके मफयेमा। मनूतय्‌सं धर्म यायेगु मत्‍वःतुतले, अले नाश जुइमाःम्‍ह पापयाम्‍ह मनू खनेदय्‌कः मवतले प्रभु झाइ मखु।

१ यूहन्‍ना 4:1

यःपिं दाजुकिजापिं, आत्‍मा दु धकाः धयाजुइपिं न्‍ह्याम्‍हय्‌सित नं विश्‍वास याये मते। न्‍हापां परमेश्‍वरयागु आत्‍मा खः मखु धकाः निं जाँचय् याना स्‍व, छाय्‌धाःसा यक्‍व हे फताहा अगमवक्तात खने दया वयाच्‍वंगु दु।