मर्कूस 13:2 - नेवाः बाइबल

² वय्‌कलं लिसः बियादिल – “छु छिमिसं थ्‍व ततःखागु छेँ खना ला? थुपिं फुक्‍कं दुना वनाः ल्‍वहं छगः नं दइ मखुत।”

मर्कूस 13:2 ပူးပေါင်းရင်းမြစ်များ

यर्मिया 26:18

“यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

दानिएल 9:26

“अले खुइनिगू वाः लिपा व अभिषेक जूम्‍ह मनूयात स्‍याइगु जुइ अले वयाके छुं ल्‍यं दइ मखु। अले हमला याःवइम्‍ह छम्‍ह शासकया सेनां शहर व देगः नाश याइ। खुसिबाः वःगु थें अन्‍त वइ। उकिं परमेश्‍वरं तयार यानादीगु लडाइँ व विनाश हइ।

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।

मत्ती 24:2

अले वय्‌कलं धयादिल – “बांलाक स्‍वयाच्‍वँ। जिं छिमित खःगु खँ धाये – थ्‍व फुक्‍क दुना वनाः ल्‍वहं छगः नं दइ मखुत।”

लूका 21:6

अले येशूं धयादिल – “छिमिसं खनाच्‍वंगु थ्‍व फुक्‍कं छन्‍हु नाश जुइतिनि, अबलय् थ्‍व फुक्‍कं दुना वनाः ल्‍वहं छगः नं दइ मखुनि।”

प्रेरित 6:14

नासरतयाम्‍ह येशूं थ्‍व देगःयात स्‍यंकी, अले मोशां झीत ब्‍यूगु रितिथिति नं हिली हं।”

प्रकाश 11:2

देगः पिने च्‍वंगु चुकय् धाःसा नापय् याये मते, छाय्‌धाःसा व ला यहूदीमखुपिन्‍त बी धुन। इमिसं थ्‍व पवित्रगु शहरयात पिइनिला तक न्‍हुत्तुन्‍हुया तइ।