मर्कूस 12:9 - नेवाः बाइबल

⁹ येशूं इमिके न्‍यनादिल – “दाखक्‍यबया थुवालं थुमित आः छु याइगु जुइ? वं वयाः फुक्‍कसितं स्‍यानाः क्‍यब मेपिन्‍त हे ज्‍याके बी।

मर्कूस 12:9 ပူးပေါင်းရင်းမြစ်များ

यशैया 29:17

छु याकनं हे लेबनान बांलाक अन्‍न सइगु बुँइ हिला मवनी ला? अले बांलाक अन्‍न सइगु बुँत गुँ थें खने मदइ ला?

यशैया 65:15

छिमिसं थःपिनिगु नां जिं ल्‍ययापिनिगु निंतिं सरा कथं त्‍वःतावनि। अले जि, परमप्रभु परमेश्‍वरं छिमित स्‍यानाबी। तर जिं थः दासतय्‌गु निंतिं मेगु नां बी।

यर्मिया 17:3

थ्‍व देशय् दुगु जिगु पर्वत व छिमिगु फुक्‍क धन-सम्‍पत्ति छिमिगु पुजा याइगु थाय्‌नापं देश न्‍यंकया पापया कारणं जिं छिमि शत्रुतय्‌त लुटपाट याकेबी।

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

मत्ती 12:45

अले वं वनाः थः स्‍वयाः मभिंपिं न्‍हय्‌म्‍ह भूततय्‌त सःता हइ। इपिं वयाः अन बाय् च्‍वनी। अले व मनू न्‍हापा स्‍वयाः गति मलाना वनी। आःयापिं मभिंपिं मनूतय्‌गु गति नं थथे हे जुइ।”

मत्ती 21:34

दाख खायेगु इलय् वं थःगु भागय् वःगु दाख कायेत च्‍यःतय्‌त म्‍हय्‌याथाय् छ्वल।

मत्ती 21:43

“उकिं जिं छिकपिन्‍त धाये – परमेश्‍वरयागु राज्‍य छिकपिनिगु ल्‍हातं लिफ्‍यानाः परमेश्‍वरयागु ज्‍या बांलाक याइपिं मनूतय्‌त बियादी।

मत्ती 22:7

“जुजुं तमं मि जुयाः सिपाइँतय्‌त छ्वयाः व ज्‍यानमारातय्‌त स्‍याकल। अले इमिगु शहर नं छ्वय्‌काबिल।

मर्कूस 12:10

थथे च्‍वयातःगु खँ छिमिसं मब्‍वना ला? “‘दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जूवल।

मर्कूस 12:8

इमिसं काय्‌म्‍हय्‌सित ज्‍वनाः स्‍यात, अले बुं पिने वान्‍छ्वया बिल।”

लूका 19:27

जितः जुजु मयायेत संपिं जिमि शत्रुतय्‌त हयाः जिगु न्‍ह्यःने हे स्‍या।’”

रोमी 10:20

यशैयां अज्‍ज मग्‍यासे धाल – “जितः माला मस्‍वःपिन्‍सं जितः लुइकल। जितः न्‍यनेकने मयाःपिन्‍त जिं हे जि सु खः धकाः क्‍यनाबिया।”

यहोशू 23:15

तर परमप्रभु छिमि परमेश्‍वरयागु फुक्‍क भिंगु बचं पूवंगु थें वय्‌कलं छिमित बियादीगु थ्‍व भिंगु देशं छिमित नाश यानामदीतले वय्‌कलं छिमिथाय् फुक्‍क विपत्ति नं छ्वयाहयादी।