मर्कूस 10:52 - नेवाः बाइबल

⁵² वय्‌कलं धयादिल – “वा, छंगु विश्‍वासं छं मिखां खनी।” उघ्रिमय् हे वं मिखां खन, अले व वय्‌कःया ल्‍यूल्‍यू वन।

मर्कूस 10:52 ပူးပေါင်းရင်းမြစ်များ

भजनसंग्रहया सफू 146:8

परमप्रभुं मिखां मखंपिन्‍त मिखां खंकादी, परमप्रभुं ग्‍वतुलाच्‍वंपिन्‍त थनादी। परमप्रभुं भिंपिं मनूतय्‌त माया यानादी।

भजनसंग्रहया सफू 33:9

वय्‌कलं धयादिसेंलि संसारया सृष्‍टि जुल। वय्‌कःया उजं दयेवं फुक्‍कं खनेदयावल।

यशैया 35:5

अनंलि कांपिनिगु मिखा चाय्‌कादी, अले ख्‍वाँय्‌तय्‌गु न्‍हाय्‌पं चाय्‌कादी।

मत्ती 11:5

कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत हानं म्‍वानावल, अले चीमिपिन्‍सं भिंगु खँ न्‍यन।

मत्ती 12:22

मनूतय्‌सं येशूयाथाय् छम्‍ह कांम्‍ह लाताम्‍ह व भूत दुब्‍यूम्‍ह मनूयात हल। वय्‌कलं वयात लाय्‌कादिल। अले वं मिखां खन, नवाये नं फत।

मत्ती 15:28

अले वय्‌कलं वयात धयादिल – “केहेँ मय्‌जु, छिगु विश्‍वास तसकं तःधं, छिं मनं तुं थें जुइमा।” उबलय् हे वया म्‍ह्याय् लन।

मत्ती 21:14

कांपिं व लंग्रापिं देगलय् वय्‌कःयाथाय् वल। वय्‌कलं इमित लाय्‌कादिल।

मत्ती 8:3

अले वय्‌कलं वयात थियाः धयादिल – “छ शुद्ध जुइमा।” थुलि धाय्‌वं हे व कोह्रि ल्‍वचं शुद्ध जुल।

मत्ती 9:22

अले वय्‌कः फहिलादिल। व मिसायात खनाः वय्‌कलं धयादिल – “केहेँ मय्‌जु, ग्‍याये मते। छं विश्‍वास याःगुलिं छंगु ल्‍वय् लन।” अबलय् हे व मिसायागु ल्‍वय् लन।

मर्कूस 1:31

वय्‌कलं अन झायाः वयात ल्‍हाः ज्‍वनाः थन, अले वयागु ज्‍वर क्‍वलाना वन। अले वं दना वनाः वय्‌कःपिन्‍त नके त्‍वंके याः जुल।

मर्कूस 5:34

अले वय्‌कलं धयादिल – “केहेँ मय्‌जु, छं विश्‍वास याःगुलिं छंगु ल्‍वय् लन। आः मनय् शान्‍ति कयाः हुँ, छंगु ल्‍वचं छन्‍त थी हे मथीमा।”

मर्कूस 8:25

वय्‌कलं हानं वयागु मिखाय् ल्‍हाः तयादिल। अले ला वं बांलाक हे स्‍वये फत, फुक्‍कं यचुक खनेदत।

लूका 7:50

वय्‌कलं मिसायात धयादिल – “छंगु विश्‍वासं यानाः छंगु उद्धार जुल। आः याउँक हुँ।”

लूका 9:48

इमित धयादिल – “सुनां जिगु नामय् थज्‍याःम्‍ह मचायात दुकाइ, वं जितः हे दुकाःगु ति ग्‍यनी। अथे हे सुनां जितः दुकाइ, जितः छ्वया हयादीम्‍हय्‌सित हे दुकाःगु ति ग्‍यनी। अय्‌जूगुलिं छिपिं मध्‍ये सु दकलय् चिधंम्‍ह खः, व हे दकलय् तःधंम्‍ह खः।”

यूहन्‍ना 9:32

संसार सृष्‍टि जूसांनिसें थौं तक बूसांनिसें कां जूम्‍हय्‌सिगु मिखा चाय्‌का ब्‍यूगु खँ न्‍यनागु मदुनि।

यूहन्‍ना 9:39

वय्‌कलं धयादिल – “जि थ्‍व संसारय् न्‍याय यायेत वयागु खः। आवंनिसें कांपिन्‍सं खनी, अले मिखां खंपिं कां जुइ।”

प्रेरित 26:18

इमिगु मिखा चाय्‌का बीत, इमित खिउँथासं जलय् हयेत, अथे हे जितः विश्‍वास याकाः पाप क्षमा याकेत, शैतानपाखें लिगनाः परमेश्‍वरयाथाय् पवित्र याके हयेत जिं छन्‍त इमिथाय् छ्वयाच्‍वना।’”