मर्कूस 1:8 - नेवाः बाइबल

⁸ जिं ला छिमित लखं बप्‍तिस्‍मा बियाच्‍वना। वय्‌कलं छिमित पवित्र आत्‍मां बप्‍तिस्‍मा बियादी।”

मर्कूस 1:8 ပူးပေါင်းရင်းမြစ်များ

हितोपदेश 1:23

जिं न्‍वाना थें छिमिसं याःगु जूसा जिं छिमित जिगु नुगःखँ कनेगु खः, जिं थःगु बिचाः छिमित न्‍यंकेगु खः।

यशैया 32:15

च्‍वय्‌नं आत्‍मा झीके प्‍वंकामहतले अले मरुभूमि बांलाक अन्‍न सइगु बुँ व बांलाक अन्‍न सइगु बुँत गुँ मजुतले अथे जुइ।

यशैया 44:3

छाय्‌धाःसा जिं गंगु बँय् लः प्‍वंकाबी, व सुख्‍खा बुँइ खुसिचात न्‍ह्याकाबी। जिं छिमि सन्‍तानयाके जिगु आत्‍मा प्‍वंकाबी, अले जिं छिमि सन्‍तानतय्‌त आशिष बी।

योएल 2:28

“वया लिपा जिं जिगु आत्‍मां फुक्‍क मनूतय्‌त जाय्‌काबी। अले छिमि काय् म्‍ह्याय्‌पिन्‍सं अगमवाणी नवाइ। छिमि बुरापिं मनूतय्‌सं म्‍हगस खनी। अले छिमि ल्‍याय्‌म्‍ह मनूतय्‌सं दर्शन खनी।

मत्ती 3:11

“जिं ला छिमित पश्‍चातापया निंतिं लखं बप्‍तिस्‍मा बियाच्‍वना। जिगु लिपा जि सिबय् तसकं तःधंम्‍ह झायाच्‍वंगु दु। जि ला वय्‌कःयागु लाकां ज्‍वनाजुइत तक नं मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

मर्कूस 1:7

वं इमित थथे धयाजुल – “जिगु लिपा जि स्‍वयाः तःधंम्‍ह झायाच्‍वंगु दु। जि ला क्‍वछुनाः वय्‌कःयागु लाकां पुतु फ्‍यनेत तकं मल्‍वः।

मर्कूस 1:9

अबलय् येशू गालीलयागु नासरतं झाल, अले यूहन्‍नां वय्‌कःयात यर्दन खुसिइ बप्‍तिस्‍मा बिल।

लूका 3:16

उकिं यूहन्‍नां इमित थथे धाल – “जिं ला छिमित लखं बप्‍तिस्‍मा बियाच्‍वना। जि स्‍वयाः तःधंम्‍ह छम्‍ह झायाच्‍वंगु दु। वय्‌कःयागु लाकांया पुतु फ्‍यनेत तकं जि मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

यूहन्‍ना 1:26

वं लिसः बियाः धाल – “जिं ला छिमित लखं बप्‍तिस्‍मा बिया, अय्‌नं छिमिगु पुचलय् छिमिसं हे म्‍हमस्‍यूनिम्‍ह छम्‍ह दनाच्‍वंगु दु।

यूहन्‍ना 1:33

जिं थथःम्‍हं तुं वय्‌कःयात म्‍हमस्‍यू, अय्‌नं जितः लखं बप्‍तिस्‍मा बीके छ्वया हःम्‍हय्‌सिनं थथे धयादिल – ‘गुम्‍हय्‌सिके आत्‍मा क्‍वहां वयाः च्‍वनी, पवित्र आत्‍मां बप्‍तिस्‍मा बीम्‍ह व हे खः।’

प्रेरित 1:5

यूहन्‍नां ला लखं बप्‍तिस्‍मा बिल, आः याकनं हे पवित्र आत्‍मापाखें छिमिगु बप्‍तिस्‍मा जुइतिनि।”

प्रेरित 10:45

थथे यहूदीमखुपिन्‍त नं पवित्र आत्‍मां जाय्‌कादीगु खनाः पत्रुस नाप वःपिं यहूदी विश्‍वासीत अजू चाल,

प्रेरित 2:17

“‘दकलय् लिपा थथे जुइ धकाः परमेश्‍वरं धयादिल – जिं जिगु आत्‍मा फुक्‍क मनूतय्‌के प्‍वंकाबी। अले छिमि काय् म्‍ह्याय्‌पिन्‍सं अगमवाणी नवाइ। छिमि बुरापिं मनूतय्‌सं म्‍हगस खनी। अले छिमि ल्‍याय्‌म्‍ह मनूतय्‌सं दर्शन खनी।

प्रेरित 2:4

थुकथं इपिं फुक्‍कं पवित्र आत्‍मां जायाः वय्‌कःयागु शक्तिं इमिसं मेमेगु भाषां नवाना हल।

१ कोरिन्‍थी 12:13

थथे हे झीपिं यहूदीत, यहूदीमखुपिं, दास, दासमखुपिं फुक्‍कं छम्‍ह हे पवित्र आत्‍मां बप्‍तिस्‍मा कयागुलिं छगू म्‍ह जूगु दु। अले झीपिं फुक्‍कसिके छम्‍ह हे पवित्र आत्‍मा च्‍वनादीगु दु।