मर्कूस 1:7 - नेवाः बाइबल

⁷ वं इमित थथे धयाजुल – “जिगु लिपा जि स्‍वयाः तःधंम्‍ह झायाच्‍वंगु दु। जि ला क्‍वछुनाः वय्‌कःयागु लाकां पुतु फ्‍यनेत तकं मल्‍वः।

मर्कूस 1:7 ပူးပေါင်းရင်းမြစ်များ

मत्ती 3:11

“जिं ला छिमित पश्‍चातापया निंतिं लखं बप्‍तिस्‍मा बियाच्‍वना। जिगु लिपा जि सिबय् तसकं तःधंम्‍ह झायाच्‍वंगु दु। जि ला वय्‌कःयागु लाकां ज्‍वनाजुइत तक नं मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

मत्ती 3:14

यूहन्‍नां वय्‌कःयात थथे धकाः पनेत स्‍वल – “छिं जक जितः बप्‍तिस्‍मा बियादीमाः। छि जिथाय् झायादीयागु ला?”

मर्कूस 1:6

यूहन्‍ना ऊँटया सँयागु लं फिनाजुइम्‍ह व जँय् छेंगूयागु जनी चिनाजुइम्‍ह खः। वं क्‍वःबुइँचा व गुँ कस्‍ति जक नइगु खः।

मर्कूस 1:8

जिं ला छिमित लखं बप्‍तिस्‍मा बियाच्‍वना। वय्‌कलं छिमित पवित्र आत्‍मां बप्‍तिस्‍मा बियादी।”

लूका 3:16

उकिं यूहन्‍नां इमित थथे धाल – “जिं ला छिमित लखं बप्‍तिस्‍मा बियाच्‍वना। जि स्‍वयाः तःधंम्‍ह छम्‍ह झायाच्‍वंगु दु। वय्‌कःयागु लाकांया पुतु फ्‍यनेत तकं जि मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

यूहन्‍ना 1:27

जि स्‍वयाः लिपा झायादीम्‍ह वय्‌कः हे खः। वय्‌कःयागु लाकां पुतु फ्‍यनेत तकं जि मल्‍वः।”

प्रेरित 13:25

यूहन्‍नां थःगु ज्‍या सिधय्‌काः थथे धाःगु खः – ‘छिमिसं जि सु धकाः ताय्‌का च्‍वना? जि व हे मखु। जि लिपा छम्‍ह झायाच्‍वंगु दु। जि ला वय्‌कःयागु लाकां पुतु फ्‍यनेत नं मल्‍वः।’”

प्रेरित 19:4

थ्‍व न्‍यनाः वं धाल – “यूहन्‍नां ब्‍यूगु बप्‍तिस्‍मा पश्‍चातापयागु बप्‍तिस्‍मा खः। वं थः लिपा वयाच्‍वंम्‍ह येशूयात विश्‍वास याः धकाः मनूतय्‌त कनीगु खः।”

१ शमूएल 25:41

व जुरुक्‍क दन अले बँय् भ्‍वपुयाः थथे धाल, “जि वय्‌कःया दासी खः अले वय्‌कःया च्‍यःतय्‌गु तुति तकं सिलेमासां नं सिले।”