मर्कूस 1:5 - नेवाः बाइबल

⁵ यहूदियायागु फुक्‍क गां व यरूशलेमयापिं सकल मनूत यूहन्‍नायाथाय् वल। अले यूहन्‍नां थःगु पाप मानय् याःपिं फुक्‍कसित यर्दन खुसिइ बप्‍तिस्‍मा बिल।

मर्कूस 1:5 ပူးပေါင်းရင်းမြစ်များ

भजनसंग्रहया सफू 32:5

अले जिं छिगु न्‍ह्यःने जिगु पाप मानय् याना। जिं जिगु मभिंगु ज्‍याखँ छिगु न्‍ह्यःने मसुचुका। जिं थःम्‍हं थःत धया, “जिं परमप्रभुया न्‍ह्यःने थःगु पाप मानय् याये।” अले छिं जिगु फुक्‍क पापया दोष क्षमा बियादिल। सेला

हितोपदेश 28:13

थःगु पापया पश्‍चाताप मयात कि छ गुबलें थाहां वये फइ मखु। छं थःगु पापया पश्‍चाताप यानाः त्‍वःतल धाःसा परमेश्‍वरयागु दया माया छन्‍त दइ।

मत्ती 4:25

गालील, डेकापोलिस, यरूशलेम, यहूदिया व यर्दन खुसिया पारिंनिसें वःपिं ग्‍वाः ग्‍वाः मनूत वय्‌कः नाप नाप जुल।

मर्कूस 1:4

अले बप्‍तिस्‍मा बीम्‍ह यूहन्‍ना मरुभूमिइ खनेदय्‌कः वल। वं पापयागु पश्‍चाताप यानाः परमेश्‍वरपाखें क्षमा कायेत बप्‍तिस्‍मा का धकाः न्‍यंकाजुल।

मर्कूस 1:6

यूहन्‍ना ऊँटया सँयागु लं फिनाजुइम्‍ह व जँय् छेंगूयागु जनी चिनाजुइम्‍ह खः। वं क्‍वःबुइँचा व गुँ कस्‍ति जक नइगु खः।

यूहन्‍ना 1:28

यर्दन पारिइ बेथानिया धाःगु थासय् यूहन्‍नां बप्‍तिस्‍मा बिया च्‍वंथाय् थ्‍व खँ जूगु खः।

यूहन्‍ना 3:23

सालीमया लिक्‍कसं एनोन धाःगु थासय् यक्‍व लः दुगुलिं यूहन्‍नां नं अन हे बप्‍तिस्‍मा बियाच्‍वन। मनूत वयाः बप्‍तिस्‍मा काल।

यूहन्‍ना 5:35

यूहन्‍ना ला च्‍याःगु व थीगु मत जक खः। वयागु जलय् छिमिसं छुं ई तक जक जूसां लय्‌ताय्‌गु हे यय्‌कल।

प्रेरित 19:18

यक्‍व हे विश्‍वासीतय्‌सं ग्‍यानाः दक्‍वसिया न्‍ह्यःने वयाः थःपिन्‍सं झाँक्री ज्‍या यानाच्‍वंगु खँ न्‍यंकल।

प्रेरित 2:38

अले पत्रुसं इमित धाल – “पश्‍चाताप या, अले छिकपिं छम्‍ह छम्‍हय्‌सिनं थःगु पापया क्षमा या लागि येशू ख्रीष्‍टयागु नामं बप्‍तिस्‍मा कयादिसँ। अले छिकपिन्‍सं परमेश्‍वरयागु वरदान पवित्र आत्‍मा कायेखनी।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।

यहोशू 7:19

अले यहोशूं आकानयात धाल, “हे जिमि काय्, परमप्रभु इस्राएलया परमेश्‍वरयात महिमा ब्‍यु, वय्‌कःयात इज्‍जत या! अले छं छु यानागु दु व जितः धा, जिगु न्‍ह्यःने व खँ सुचुके मते।”