मर्कूस 1:4 - नेवाः बाइबल

⁴ अले बप्‍तिस्‍मा बीम्‍ह यूहन्‍ना मरुभूमिइ खनेदय्‌कः वल। वं पापयागु पश्‍चाताप यानाः परमेश्‍वरपाखें क्षमा कायेत बप्‍तिस्‍मा का धकाः न्‍यंकाजुल।

मर्कूस 1:4 ပူးပေါင်းရင်းမြစ်များ

मत्ती 3:11

“जिं ला छिमित पश्‍चातापया निंतिं लखं बप्‍तिस्‍मा बियाच्‍वना। जिगु लिपा जि सिबय् तसकं तःधंम्‍ह झायाच्‍वंगु दु। जि ला वय्‌कःयागु लाकां ज्‍वनाजुइत तक नं मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

मत्ती 3:6

अले थथःगु पाप स्‍वीकार यानाः यर्दन खुसिइ यूहन्‍नापाखें बप्‍तिस्‍मा काल।

मर्कूस 1:5

यहूदियायागु फुक्‍क गां व यरूशलेमयापिं सकल मनूत यूहन्‍नायाथाय् वल। अले यूहन्‍नां थःगु पाप मानय् याःपिं फुक्‍कसित यर्दन खुसिइ बप्‍तिस्‍मा बिल।

लूका 1:77

परमेश्‍वरया थःमनूतय्‌गु पाप क्षमा जुइ, अले हानं इपिं बचय् जुइ धकाः इमित धायेगु नं छंगु ज्‍या जुइ।

यूहन्‍ना 3:23

सालीमया लिक्‍कसं एनोन धाःगु थासय् यक्‍व लः दुगुलिं यूहन्‍नां नं अन हे बप्‍तिस्‍मा बियाच्‍वन। मनूत वयाः बप्‍तिस्‍मा काल।

प्रेरित 10:37

थ्‍व हे भिंगु खँ यूहन्‍नां बप्‍तिस्‍मायागु खँ न्‍यंकाजूगु लिपा गालीलंनिसें यहूदिया तकं न्‍यनावंगु दु धकाः छिकपिन्‍सं सि हे स्‍यू।

प्रेरित 22:16

अय्‌जूगुलिं आः छुकियात लिबाका च्‍वनेगु? दनादिसँ, वय्‌कःया नामं बप्‍तिस्‍मा कयाः थःगु पाप सिला छ्वयादिसँ।’”