मर्कूस 1:34 - नेवाः बाइबल

³⁴ वय्‌कलं तसकं म्‍हंमफय्‌का च्‍वंपिन्‍त व तःतामछि ल्‍वय् दुपिन्‍त लाय्‌कादिल। वय्‌कलं यक्‍व भूततय्‌त पितिनादिल। भूततय्‌सं वय्‌कःयात म्‍हस्‍यूगुलिं वय्‌कलं इमित नवाके मब्‍यू।

मर्कूस 1:34 ပူးပေါင်းရင်းမြစ်များ

मत्ती 4:23

येशू गालील फुक्‍कभनं चाःहिलादिल। धर्मशास्‍त्र स्‍यनीगु छेँय् झायाः मनूतय्‌त स्‍यनेकने यानाः परमेश्‍वरयागु राज्‍ययागु भिंगु खँ न्‍यंकादिल। अले तःतामछि ल्‍वय् दुपिं मनूतय्‌त नं लाय्‌कादिल।

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।

मर्कूस 1:25

वय्‌कलं वयात थथे धकाः ब्‍वःबियादिल – “सुम्‍क च्‍वँ। वयागु म्‍हं पिहां वा।”

मर्कूस 3:12

अले वय्‌कलं थ्‍व खँय् सुयातं छुं धाये मते धकाः इमित उजं बियादिल।

लूका 4:41

तःम्‍ह मछि मनूतय्‌गु म्‍हं नं भूतत थथे धकाः हालाः पिहां वन – “छि परमेश्‍वरया काय् खः।” वय्‌कलं इमित हक्‍काः न्‍ववाके बियामदी, छाय्‌धाःसा इमिसं वय्‌कः मुक्ति बीम्‍ह ख्रीष्‍ट खः धकाः स्‍यू।