मर्कूस 1:32 - नेवाः बाइबल

³² बहनी निभाः बीधुंकाः अन च्‍वंपिन्‍सं उसाँय् मदुपिन्‍त व भूत दुब्‍यूपिन्‍त वय्‌कःयाथाय् हल।

मर्कूस 1:32 ပူးပေါင်းရင်းမြစ်များ

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।

मत्ती 8:16

बहनी जूबलय् मनूतय्‌सं भूत दुबिना च्‍वंपिं तःम्‍हय्‌सित हे वय्‌कःयाथाय् हल। म्‍हुतुं जक नवानाः येशूं भूत दुबिना च्‍वंपिन्‍त लाय्‌कादिल, अले हानं म्‍हंमफुपिन्‍त नं लाय्‌कादिल।

मत्ती 8:17

यशैया अगमवक्तां धयाथकूगु खँ पूवंकेत वय्‌कलं थथे यानादीगु खः – “प्रभु थःम्‍हय्‌सिनं हे झीगु ल्‍वय्‌ली फुक्‍कं लिकयाः यंकादिल।”

मर्कूस 1:21

अले वय्‌कःपिं कफर्नहुमय् झाल। अन वय्‌कलं विश्रामबार खुन्‍हु धर्मशास्‍त्र स्‍यनीगु छेँय् झायाः स्‍यनेकने यानादिल।

मर्कूस 1:31

वय्‌कलं अन झायाः वयात ल्‍हाः ज्‍वनाः थन, अले वयागु ज्‍वर क्‍वलाना वन। अले वं दना वनाः वय्‌कःपिन्‍त नके त्‍वंके याः जुल।

मर्कूस 3:2

विश्रामबार खुन्‍हु जूगुलिं वय्‌कःया विरोधीतय्‌सं थ्‍वखुन्‍हु ल्‍हाः गंम्‍ह मनूयात लाय्‌की ला कि धकाः चिवा कयाच्‍वन।

लूका 4:40

सन्‍ध्‍याकाः इलय् तःतामछि ल्‍वय् दुपिं मनूतय्‌त वय्‌कःयाथाय् हल। वय्‌कलं फुक्‍कसित ल्‍हातं थियाः लाय्‌कादिल।

लूका 4:41

तःम्‍ह मछि मनूतय्‌गु म्‍हं नं भूतत थथे धकाः हालाः पिहां वन – “छि परमेश्‍वरया काय् खः।” वय्‌कलं इमित हक्‍काः न्‍ववाके बियामदी, छाय्‌धाःसा इमिसं वय्‌कः मुक्ति बीम्‍ह ख्रीष्‍ट खः धकाः स्‍यू।