मर्कूस 1:30 - नेवाः बाइबल

³⁰ सिमोनया ससःमां ज्‍वरं म्‍हंमफय्‌का च्‍वन। इमिसं थ्‍व खँ वय्‌कःयात धाल।

मर्कूस 1:30 ပူးပေါင်းရင်းမြစ်များ

मत्ती 8:14

छन्‍हु येशू पत्रुसयागु छेँय् झाल। उबलय् पत्रुसया ससःमां तसकं ज्‍वर वय्‌काः लासाय् ग्‍वारातुलाच्‍वन।

मर्कूस 1:29

धर्मशास्‍त्र स्‍यनीगु छेँनं पिहां झायाः वय्‌कः याकूब व यूहन्‍ना नाप सिमोन व अन्‍द्रियासयागु छेँय् झाल।

मर्कूस 1:31

वय्‌कलं अन झायाः वयात ल्‍हाः ज्‍वनाः थन, अले वयागु ज्‍वर क्‍वलाना वन। अले वं दना वनाः वय्‌कःपिन्‍त नके त्‍वंके याः जुल।

मर्कूस 5:23

थथे बिन्‍ति यात – “जिमि चीधिकःम्‍ह म्‍ह्याय् सी थें च्‍वनाच्‍वन। छकः झायाः छिं वयात थिया द्यूसा व लनी, अले म्‍वाइ।”

यूहन्‍ना 11:3

उकिं मार्था व मरियमं वय्‌कःयात थथे धाय्‌के छ्वयाहल – “प्रभु, छिं माया यानादीम्‍ह जिमि किजा तसकं मफय्‌का च्‍वन।”

१ कोरिन्‍थी 9:5

मेपिं प्रेरिततय्‌सं याना जू थें जिं जक याना जुइ मदु ला? प्रभुया किजापिन्‍सं व केफासं याना जू थें जि जक थः कलाः ज्‍वनाः चाःहुला जुइ मदु ला?