मीका 7:9 - नेवाः बाइबल

⁹ परमप्रभुं जिगु पं कयाः न्‍ववानाः जिगु हक पक्‍का यानामदीतले जिं वय्‌कःयागु तंयात सहयाना च्‍वने। छाय्‌धाःसा जिं वय्‌कःया विरोधय् पाप यानागु दु। तर वय्‌कलं जितः पित हयाः जलय् हयादी। वय्‌कःयागु न्‍याय व धार्मिकता जिं स्‍वये दइ।

मीका 7:9 ပူးပေါင်းရင်းမြစ်များ

२ शमूएल 24:17

अले दाऊदं मनूतय्‌त स्‍यानाच्‍वंम्‍ह स्‍वर्गदूतयात खन अले वं परमप्रभुयात धाल, “पाप यानाम्‍ह जि खः। द्वंकाःगु जिं खः। थुपिं फैत थें छुं मस्‍यूपिन्‍सं छु याःगु दु धकाः? हे परमप्रभु जिमि परमेश्‍वर, जि व जिमि परिवारयात सजाँय बियादिसँ। अय्‌नं थ्‍व विपत्ति छिकपिनि मनूतय्‌के मलायेमा।”

अय्‍यूब 23:10

तर वय्‌कलं जिगु फुक्‍क पहःचहः स्‍यू। वय्‌कलं जितः जाँचय् यानादीबलय् जि लुँ थें जुयाः पिहां वये।

अय्‍यूब 35:14

अले वय्‌कलं छिगु बिन्‍ति छुं न्‍यनादी धकाः, जिं वय्‌कःयात मखं धकाः छिं धयादी धाःसा। तर छिगु मुद्दा वय्‌कःया न्‍ह्यःने दु, अले छिं वय्‌कःया लँ स्‍वयादीमा!

भजनसंग्रहया सफू 119:154

जिगु मुद्दा ल्‍वानादिसँ, अले जितः त्‍वःतकादिसँ। थःगु बचंकथं जिगु जीवन रक्षा यानादिसँ।

भजनसंग्रहया सफू 37:6

वय्‌कलं छंगु विश्‍वासयात जः थें अले छ सत्‍यम्‍ह खः धकाः न्‍हिनय्‌सिया निभाः थें क्‍यनादी।

भजनसंग्रहया सफू 43:1

हे परमेश्‍वर, जि दोष मदुम्‍ह खः धकाः क्‍यनादिसँ। छितः म्‍हमस्‍यूपिं सकल मनूतपाखें जितः रक्षा यानादिसँ। मखुगु खँ ल्‍हाइपिं व दुष्‍टपिं मनूतपाखें जितः बचय् यानादिसँ।

भजनसंग्रहया सफू 7:6

हे परमप्रभु, दनाः थःगु तं क्‍यनादिसँ। जिमि शत्रुतय्‌गु तंया विरोधय् दनादिसँ। हे परमेश्‍वर, न्‍ह्यलं चाय्‌कादिसँ, अले न्‍याय यानादिसँ।

भजनसंग्रहया सफू 94:15

अदालतय् हाकनं न्‍याय दइ, धर्मी मनूतय्‌सं उकिया पँली।

यशैया 42:16

जिं जिमि कांपिं प्रजातय्‌त इपिं गुबलें मवंगु लँपुइ यंके। इमिसं मस्‍यूगु लँपुइ जिं इमित लँ क्‍यँक्‍यं यंके। जिं इमिगु निंतिं खिउँगुयात जलय् अले गाः वंगु थाय्‌यात माथं वंकाबी। थज्‍याःगु ज्‍या जिं याये। जिं इमित त्‍वःते मखु।

यशैया 42:7

गुकिं यानाः छं मिखां मखंपिन्‍त खंकाबी कुना तःपिं कैदीतय्‌त झ्‍यालखानां व खिउँगु थासय् च्‍वंपिन्‍त खिउँगु कालकोठरीं लिकाइ।

यशैया 46:13

जिं थःगु धार्मिकता लिक्‍क हयाच्‍वनागु दु। व तामपाः, छिमिगु लिक्‍क हे दु। जिगु उद्धारं लिबाकी मखु। जिं सियोनयात उद्धार बी, अले इस्राएलयात जिगु महिमा क्‍यने।

यशैया 51:22

छिमि परमप्रभु, छिमि परमेश्‍वर, गुम्‍हय्‌सिनं थः प्रजायात रक्षा यानादिल, वय्‌कलं थथे धयादी, “स्‍व, जिं छंगु ल्‍हातं व धेधेचुइकीगु ख्‍वला कयागु दु, व तंया ख्‍वला खः! व छं हाकनं गुबलें त्‍वनी मखु।

यशैया 56:1

परमप्रभुं थथे धयादी, “न्‍याय यायेगु त्‍वःते मते। छु पाय्‌छि जू व हे या, छाय्‌धाःसा जिपाखें उद्धार कायेगु दिं लिक्‍क वयाच्‍वंगु दु, अले जिगु धार्मिकता याकनं खनेदः वइ।

यर्मिया 10:19

जिगु घाःया निंतिं जितः धिक्‍कार दु! जिगु घाः मलनीगु घाः खः। अय्‌नं जिं थःम्‍हं थःत धया, “थ्‍व ला जिगु ल्‍वय् खः, थुकियात जिं सह याये हे माः।”

यर्मिया 14:7

जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

यर्मिया 51:10

“‘परमप्रभुं झीत दोष मदुपिं ठहरय् यानादीगु दु। वा, झीसं परमप्रभु झी परमेश्‍वरं छु यानादीगु खः व सियोनय् कं वनेनु।’

विलाप 1:18

“परमप्रभु धर्मीम्‍ह खः, जिं हे वय्‌कःयागु आज्ञा मानय् मयानागु खः। हे दक्‍व मनूत, जिगु खँ न्‍यँ अले जिगु दुःखयात स्‍व। जिमि ल्‍याय्‌म्‍ह व ल्‍यासेतय्‌त ज्‍वनायंकूगु दु।

लेवी 26:41

इमिगु विरोधय् वनाः जिं इमित शत्रुतय्‌गु देशय् हःगु खः धकाः इमिसं छाःगु नुगःयात क्‍वमिलु यानाः पापया मू पुल धाःसा

मलाकी 3:18

अले धर्मी व दुष्‍ट, वय्‌कःयागु सेवा याइम्‍ह व मयाइम्‍हय्‌सिगु दथुइ छु पा व छिमिसं हाकनं खनी।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

२ तिमोथी 4:8

आः ला धर्मी ठहरय् जूपिन्‍त धकाः तयातःगु श्रीपेच जक काये ल्‍यंदनि, गुगु सुयागुं ख्‍वाः मस्‍वसे न्‍याय यानादीम्‍ह प्रभुं झायाः पुइकादी। जितः जक मखु, वय्‌कः झाइगु यःपिं फुक्‍कसितं वय्‌कलं व श्रीपेच पुइकादी।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

१ शमूएल 24:15

परमप्रभुं हे झीगु न्‍याय यानादी अले झीपिं निम्‍ह मध्‍ये सु ठीक जू अले सुयाके दोष दु धकाः फैसला यानादी। वय्‌कलं हे थुकिया जाँच यानादीमा अले जितः बचय् यानाः जि खःम्‍ह मनू खः धकाः थहरय् यानादीमा।”

१ शमूएल 25:39

नाबाल सित धकाः दाऊदं न्‍यन अले धाल, “परमप्रभुया प्रशंसा जुइमा! जितः मभिंकाः हेस्‍याःगुलिं वय्‌कलं वयात ब्‍वलासायादिल अले जितः मभिं यायेगुपाखें बचय् यानादिल। नाबालं याःगु मभिंगु ज्‍या परमप्रभुं वयागु हे छेनय् प्‍वंकादिल।” अनंलि दाऊदं थः च्‍यःतपाखें अबीगेलयात थःनापं ब्‍याहा यायेगु निंतिं खबर छ्वल।

१ शमूएल 26:10

दाऊदं धाल, “धात्‍थें परमप्रभु म्‍वाःम्‍ह खः थें, परमप्रभुं थःम्‍हं हे वयात स्‍यानादी वा व थःगु कालं सी अथवा व लडाइँ याः वनीबलय् सी।

१ शमूएल 3:18

अथे जुयाः शमूएलं वयात छुं नं खँ सुमचुकूसे फुक्‍क खँ धयाबिल, अले एलीं धाल, “वय्‌कः परमप्रभु खः। वय्‌कःयात छु भिं ताल व हे यानादीमा।”