मीका 7:7 - नेवाः बाइबल

⁷ तर जिं धाःसा जिम्‍ह परमप्रभुयाके आशा तयाच्‍वने, जि जितः उद्धार याइम्‍ह परमेश्‍वरयात पियाच्‍वने छाय्‌धाःसा वय्‌कलं जिगु प्रार्थना बिन्‍ति न्‍यनादी।

मीका 7:7 ပူးပေါင်းရင်းမြစ်များ

उत्‍पत्ति 49:18

परमप्रभु! जि छिं उद्धार याइगु पियाच्‍वनागु दु।

भजनसंग्रहया सफू 109:4

जिं इमित माया याना, अले इमिगु लागि प्रार्थना यानागु दु। अय्‌नं इमिसं जिगु विरोध याइगु।

भजनसंग्रहया सफू 130:5

जिं परमप्रभुयात पियाच्‍वना, जिं दुनुगलंनिसें हे वय्‌कःया लँ स्‍वयाच्‍वना। अले जिगु आशा वय्‌कःया वचनय् दु।

भजनसंग्रहया सफू 25:5

छिगु सत्‍यया लँपुइ जितः यंकादिसँ, अले स्‍यनादिसँ, छाय्‌धाःसा छि जितः बचय् यानादीम्‍ह परमेश्‍वर खः। न्‍हियान्‍हिथं जिं छिगु भलसा कयागु दु।

भजनसंग्रहया सफू 37:7

सह यानाः परमप्रभुयात पियाच्‍वँ मनूतय्‌सं याना जूगु ज्‍याखँ व इमिगु मभिंगु ग्‍वसाः खनाः हीमी चाये मते।

भजनसंग्रहया सफू 38:15

हे परमप्रभु, जिं आः छितः हे जक पियाच्‍वनागु दु। हे परमप्रभु, जि परमेश्‍वर! छिं जितः लिसः बियादी।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 65:2

हे जिमिगु प्रार्थना न्‍यनीम्‍ह परमेश्‍वर, फुक्‍क मनूत छिथाय् वइ।

भजनसंग्रहया सफू 85:5

छु छि जिपिं खनाः न्‍ह्याबलें तंचायाच्‍वनादीगु ला? छिगु तं गुबलें क्‍वलाइ मखु ला?

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यशैया 17:7

व दिं वइबलय् मनूत ग्‍वाहालिया निंतिं थः सृष्‍टिकर्ता इस्राएलया पवित्र परमेश्‍वरपाखे लिहां वइ।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 45:22

“जिपाखे फःहिला वा, अले बचय् जु, हे पृथ्‍वीया कुन्‍चाय् थ्‍यंक च्‍वंपिं फुक्‍क मनूत, छाय्‌धाःसा जि हे परमेश्‍वर खः, जि बाहेक मेपिं सुं नं मदु।

यशैया 8:17

याकूबया घरानापाखें थःगु ख्‍वाः फहिकादीम्‍ह परमप्रभुयाके हे जिं भरोसा तयाच्‍वने।

विलाप 3:24

जिगु मनं धाल, “परमप्रभु हे जिगु सर्बय खः, अथे जुयाः जिं वय्‌कःयाके आशा यानाच्‍वना।”

दानिएल 3:17

ह्वाना ह्वाना च्‍यानाच्‍वंगु मिया भट्टीइ जिमित वांछ्वःसां जिमिसं सेवा यानाम्‍ह परमेश्‍वरं जिमित बचय् यानादी फु। वय्‌कलं जिमित छःपिनिगु ल्‍हातं त्‍वःतकादी फु।

होशे 12:6

तर छिपिं थः परमेश्‍वरयाथाय् लिहां वये हे माः। दयामाया व न्‍यायया ज्‍या न्‍ह्याबलें याना हे च्‍वँ, अले न्‍ह्याबलें परमेश्‍वरया लँपु स्‍वयाच्‍वँ।

योएल 1:19

हे परमप्रभु, जिं छिके ग्‍वाहालि फ्‍वने। छाय्‌धाःसा मरुभूमिइ च्‍वंगु घाँय्‌ख्‍यः मिं नःगु दु, अले मिंयागु जलां गुँइच्‍वंगु सिमा छ्वय्‌काब्‍यूगु दु।

हबकूक 2:1

जि पिवाच्‍वनेगु किल्‍लाय् हे दनाच्‍वने, जि थः हे पखलय् दनाच्‍वने। वय्‌कलं जितः छु धयादी व जिं स्‍वया हे च्‍वने। जिगु कचकचया छु लिसः बियादी व जिं स्‍वये।

हबकूक 2:3

थ्‍व दर्शन लिपाया निंतिं खः। थुकिं लिपा जुइगु खँ धाइ, अले थ्‍व मखुगु खँ जुइ मखु। थ्‍व खँ पूवनेगु लिपा लाःसां थ्‍वयात पियाच्‍वनी, छाय्‌धाःसा थ्‍व धात्‍थें हे पूवनी, अले लिपालाइ मखु।

गन्‍ती 5:28

अय्‌नं व मिसा अशुद्ध जूगु मदुसा अले शुद्धम्‍ह खःसा व दोषं मुक्त जुइ, अले व मस्‍त बुइके फुम्‍ह जुइ।