मीका 7:5 - नेवाः बाइबल

⁵ छम्‍ह जःलाखःलायात पत्‍याः याये मते। छम्‍ह पासायात विश्‍वास याये मते। थःनापं च्‍वनीम्‍ह कलाःलिसे होश यानाः जक खँ ल्‍हा।

मीका 7:5 ပူးပေါင်းရင်းမြစ်များ

भजनसंग्रहया सफू 141:3

हे परमप्रभु, जिगु म्‍हुतुइ पिवाः तयादिसँ, जिगु म्‍हुतुसिइ तालं ग्‍वयादिसँ।

भजनसंग्रहया सफू 38:14

सुयागुं खँ मन्‍यनेगु हे बांलाः ताये धुंकल, अले सुयातं छुं हे लिसः मबी धुन।

भजनसंग्रहया सफू 41:9

छपाः हे भुइ नयाम्‍ह जिमि छम्‍ह स्‍याःन्‍याःम्‍ह पासा तकं जिगु विरोधय् वन। वयात जिं तसकं विश्‍वास यानातयागु खः।

यर्मिया 9:3

“इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

यर्मिया 9:4

“थः पासापिंपाखें होशियार जुयाच्‍वँ। थः दाजुकिजापिन्‍त तकं पत्‍याः याये मते। छाय्‌धाःसा फुक्‍क दाजुकिजापिं झंगःलाइपिं खः, पासापिं सकसिनं बदनाम यायेत मखुगु खँ ल्‍हाना जुइ।

विलाप 1:2

चान्‍हय् व ह्वाँय्‌ह्वाँय् ख्‍वइगु, वयागु नेतालय् ख्‍वबि वयाच्‍वनीगु, वया प्रेमीत मध्‍ये वयात ह्यय्‌कीम्‍ह सुं नं मदु। वया दक्‍वं पासापिन्‍सं वयात विश्‍वासघात याःगु दु, आः इपिं वया शत्रु जूगु दु।

मत्ती 10:16

“न्‍यँ, गुँखिचातय्‌गु हुलय् जिं छिमित फैचा थें यानाः छ्वयाच्‍वनागु दु। उकिं छिपिं सर्प थें चंख जुइमाः, अले सुकुभतु थें स्‍वजा जुइमाः।

न्‍यायकर्ता 14:17

भ्‍वय्‌या न्‍हय्‌न्‍हु तक क्‍वाःया लिसःया लागिं वया कलाः ख्‍वया हे च्‍वन। अथे जुयाः वया कलातं यक्‍व जिद्दी यानाः च्‍वंगुलिं न्‍हय्‌न्‍हु दुखुन्‍हु शिमशोनं क्‍वाःया लिसः थः कलाःयात कन। अले वं व क्‍वाःया लिसः थः दाजुकिजापिन्‍त धयाबिल।