मीका 7:2 - नेवाः बाइबल

² विश्‍वास यायेबहःपिं मनूत पृथ्‍वीं नाश जुयावने धुंकल। छम्‍ह नं भिंम्‍ह मनू मदय् धुंकल। सकलें मनूत स्‍याये पालेत पियाच्‍वनीगु। दक्‍व मनूतय्‌सं जाः ह्वलाः थः दाजुकिजापिनिगु शिकार याइगु।

मीका 7:2 ပူးပေါင်းရင်းမြစ်များ

भजनसंग्रहया सफू 10:9

सिंह थें इपिं दुःखय् लाःपिन्‍त हय्‌कायेत सुलाच्‍वनी। अले इमिसं दुःखय् लाःपिन्‍त थःगु जालय् लाकाः लुत्तुलुयायनी।

भजनसंग्रहया सफू 12:1

हे परमप्रभु! जिमित ग्‍वाहालि यानादिसँ। भिंपिं मनूत छम्‍ह हे मदये धुंकल। विश्‍वास यायेबहःपिं सुं हे मन्‍त।

भजनसंग्रहया सफू 12:2

सकसिनं थःथवय् मखुगु खँ ल्‍हानाजुइगु, म्‍हुतु जक पिचुकाः थवंथवय् झंगः लानाजुइगु।

भजनसंग्रहया सफू 57:6

जिमि शत्रुतय्‌सं जिगु निंतिं जाः ग्‍वयातःगु दु। जि दुःखं न्‍यलेधुन। इमिसं जिगु लँय् गाः म्‍हुयातल, तर इपिं थःपिं हे व गालय् कुतुंवन। सेला

हितोपदेश 1:11

इमिसं धायेफु, “जिपिंलिसें वा, सुयातं सुलाः सुलाः स्‍याये नु! छुं मस्‍यूपिन्‍त हय्‌कयाः लुतय् याये नु!

हितोपदेश 12:6

दुष्‍टतय्‌गु खं ग्‍यानापुगु जालय् लाकी, तर धर्मीतय्‌गु खं बचय् याइ।

यशैया 3:5

मनूत छम्‍हय्‌सिनं मेम्‍हय्‌सित क्‍वत्‍यलेगु याइ, मनूत छम्‍ह मेम्‍हय्‌सिगु विरोधय् दनी, जःलाखःलाया विरोधय् मेपिं जलाःखलाः, बुरातय्‌गु विरोधय् ल्‍याय्‌म्‍हपिं, हनेबहःपिनिगु विरोधय् क्‍वह्यंपिं दनी।

यशैया 57:1

धर्मी मनूत नाश जुयावनी अय्‌नं थ्‍व खँयात सुनानं वास्‍ता याइ मखु। भक्ततय्‌त ल्‍ह्वनाः यंकी, तर मभिंपाखें बचय् यायेत धर्मी मनूयात ल्‍ह्वनाः यंकूगु खँ सुनानं थुइ मखु।

यशैया 59:7

इमिगु तुति पापया ज्‍या यायेत ब्‍वाँय् वनी अले छुं दोष मदुपिनिगु हिबाः न्‍ह्याकेत इपिं हथाय् चाइ। इमिगु बिचाः अधर्मया बिचाः खः। दुःख व नाशं इमिगु लँ म्‍हसीकी।

यशैया 9:19

दक्‍व शक्ति दुम्‍ह परमप्रभुया तमं देश भस्‍म जुइ। मनूत नं मियागु निंतिं इन्‍धन जुइ। सुं मनुखं थः किजायात तकं त्‍वःती मखु।

यर्मिया 16:16

“तर आः जिं यक्‍व न्‍या लाइपिं छ्वये, इमिसं थुपिं मनूतय्‌त लाइ,” परमप्रभुं धयादी। “अनंलि जिं थःम्‍हं हे यक्‍व शिकारीतय्‌त छ्वये, इमिसं थुमित फुक्‍क पर्वत, डाँडा व गुफां मामां लिकाइ।

यर्मिया 5:16

इमिगु वाण तयेगु थल चाःगु चिहान थें च्‍वँ, उपिं सकलें बहादुर सिपाइँत खः।

यर्मिया 5:26

“जिमि मनूतय् दथुइ मभिंपिं मनूत च्‍वनाच्‍वंगु दु। इपिं झंगःपन्छित लायेत जाः ह्वलाच्‍वंपिं मनूत थें पियाच्‍वनी तर इमिसं मनूतय्‌त लायेत थःगु जाः ह्वलाच्‍वंगु दु।

यर्मिया 8:6

जिं ध्‍यान बियाः खँ न्‍यनागु दु, तर इमिसं खःगु खँ ल्‍हाः हे मल्‍हाः, सुनानं “थ्‍व जिं छु यानागु” धयाः थःगु मभिंगु ज्‍याया निंतिं पश्‍चाताप मयाः। लडाइँलय् वंम्‍ह सल थें सकलें थथःगु लँय् ब्‍वांवनाच्‍वंगु दु।

विलाप 4:18

मनूत जिमिगु पला पतिकं लिउलिउ वल, अले जिपिं बांलाक जिमिगु लँय् न्‍यासि जुइ मफुत। जिमिगु अन्‍त लिक्‍क दु, जिमिगु आयु फुइधुंकल। छाय्‌धाःसा जिमिगु अन्‍त वये धुंकल।

इजकिएल 22:12

छंके हे मनूतय्‌सं मनू स्‍यायेत ध्‍यबा काइगु, गुलिं मनूतय्‌सं ब्‍याजय् नं यक्‍व ब्‍याज काइगु, थः जःलाखःलायात अन्‍याय यानाः जबरजस्‍तिं लबः काइगु। छं जितः ल्‍वःमंकूगु दु, परमप्रभु परमेश्‍वरं धयादी।

इजकिएल 24:6

“‘छाय्‌धाःसा जि, परमप्रभु परमेश्‍वरं थथे धाये, “‘धिक्‍कार, थ्‍व ज्‍यानमारा शहरयात! व खतं नःगु थलयात, गुकियागु खतं नःगु उकिं वंगु मदुनि, छकु छकु यानाः लाः लिका, बांलाःगु धकाः छुं छकु नं ल्‍यंके मते।

होशे 5:1

“अय् पुजाहारीत, थ्‍व खँ न्‍यँ! अय् इस्राएलीत, ध्‍यान बियाः न्‍यँ! अय् जुजुया घराना, ध्‍यान बियाः न्‍यँ! थ्‍व न्‍यायया फैसला छिमिगु विरोधय् दु। छिपिं मिस्‍पाय् जाः व तबोरय् पानातःगु जाः जूगु दु।

होशे 6:9

गथे दाखुँतय्‌सं मनूतय्‌त सुलाः पियाच्‍वनी, अथे हे पुजाहारीतय् पुचलं शकेम वनेगु लँय् मनूत स्‍यायेगु यानाच्‍वनी, इमिसं तःधंगु अपराध याःगु दु।

मीका 2:8

नकतिनि जक जि मनूत शत्रुत थें दंगु दु। छुं वास्‍ता मयासें न्‍ह्यःनं वनीपिंपाखें छिमिसं लडाइँनं लिहांवःपिं मनूतय्‌सं थें मू वंगु वसः लाका यंकीगु।

मीका 3:10

छिमिसं हि बाः वय्‌काः सियोनयात अले मभिंगु ज्‍या यानाः यरूशलेमयात दय्‌कीगु।

मीका 3:2

छिमिसं ला भिंयात तस्‍सकं मयय्‌कू व मभिंयात यय्‌कू। छिमिसं जि प्रजाया छेंगू तुलीगु अले क्‍वँचं ला लिकाइगु।

जकरिया 11:6

आवंलि जिं देशय् च्‍वंपिं सुयातं हे दया याये मखुत,” परमप्रभुं धयादी। “जिं मनूतय्‌त छम्‍हय्‌सित मेम्‍हय्‌सिगु विरोधी यानाबी। अले इमित इमि शासकतय्‌गु ल्‍हातिइ तयाबी। इमिसं देशयात क्‍वत्‍यली। अय्‌नं जिं थ्‍वयात इमिगु ल्‍हातिं बचय् याये मखु।”

प्रेरित 24:9

व नाप वःपिं यहूदीतय् नायःतय्‌सं नं वं धाःगु खँ सत्‍य खः धकाः बडा-हाकिमयात धाल।

१ शमूएल 24:11

स्‍वयादिसँ! हनेबहःम्‍ह अबु, जिगु ल्‍हातय् दुगु थ्‍व छिगु हे गाया कुचा खः। स्‍वयादिसँ! जिं व जक चाना, छितः मस्‍याना। थुकिं हे छिसं सीकादिसँ, छिगु विरोधय् विद्रोह यायेगु अले छितः मभिं यायेगु नं मति मतया। जिं छिगु छुं हे मभिं मयाना। अय्‌नं छिं जितः स्‍यायेत लिनाजुल।

१ शमूएल 26:20

परमप्रभुया न्‍ह्यःने पाखें तापाक जितः स्‍याके बियादी मते छाय्‌धाःसा छम्‍ह मनुखं पहाडय् चिखायात लिनाजूगु थें इस्राएलयाम्‍ह जुजु छम्‍ह कुसियात मालेत झाःगु दु।”