Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




मीका 7:18 - नेवाः बाइबल

18 छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

အခန်းကိုကြည့်ပါ။ ကော်ပီ




मीका 7:18
80 ပူးပေါင်းရင်းမြစ်များ  

छं भिंगु ज्‍या याःसा ला छन्‍त नं यय्‌कीगु खः नि। छं भिंगु ज्‍या मयात धाःसा पाप छंगु लुखाय् हे वयाच्‍वनी। वं छन्‍त ल्‍हातय् कायेत स्‍वइ, तर छं वयात बसय् काये हे माः।


प्रार्थना यात, “हे परमप्रभु! हे इस्राएलयाम्‍ह परमेश्‍वर! च्‍वय् स्‍वर्ग व क्‍वय् पृथ्‍वीइ छि थें जाःम्‍ह मेम्‍ह सुं हे ईश्‍वर मदु। छिं थः मनूतलिसें थःगु तःधंगु दयामाया या बाचा पूरा यानादी, गुपिन्‍सं दुनुगलंनिसें छिगु खँ न्‍यनाः जीवन हनी।


“छिपिं परमप्रभुयाथाय् लिहां वल धाःसा छिमि थःथितिपिं व छिमि काय् म्‍ह्याय्‌पिन्‍त ज्‍वनायंकूपिन्‍सं इमित दया माया याइ। अले इपिं थ्‍व देशय् लिहां वयेखनी। छाय्‌धाःसा परमप्रभु छिमि परमेश्‍वर दया माया दुम्‍ह खः। छिपिं वय्‌कःपाखे लिहां वल धाःसा वय्‌कलं थःगु ख्‍वाः छिमिगुपाखें फस्‍वय्‌कादी मखु।”


छिकपिनि दास व छिकपिनि मनूत इस्राएलीतय्‌सं थ्‍व थाय्‌यात स्‍वयाः प्रार्थना याइबलय् इमिगु बिन्‍ति छिं न्‍यनादिसँ। थः च्‍वनादीगु थाय् स्‍वर्गय् इमिगु बिन्‍ति न्‍यनादिसँ, अले न्‍यनाः इमित क्षमा यानादिसँ।


इमिसं आज्ञा पालन यायेत म्‍हाः धाल अले छिं यानादीगु फुक्‍क ज्‍या व अजू चाइपुगु ज्‍या लुममंकू। इमिसं जिराहा जुयाः विरोधी जुल हाकनं दासत्‍वय् लिहां वनेत छम्‍ह नायः ल्‍यल। अय्‌नं छि क्षमा यानादीम्‍ह, दयादुम्‍ह, नुगः क्‍यातुम्‍ह, तंचायेत लिबाकादीम्‍ह व दया मायां जाःम्‍ह परमेश्‍वर खः। छिं इमित त्‍वःतामदी।


बौनं थःकाय् म्‍ह्याय्‌यात माया याःथें हे परमप्रभुं वय्‌कःया भय काइपिन्‍त माया यानादी।


तर छि क्षमा बियादीम्‍ह खः, अथे जुयाः हे छिगु भय काइ।


जिं दुनुगलंनिसें वय्‌कःयात तःधंकाः धाये, “हे परमप्रभु! छि थें ज्‍याःम्‍ह सुं नं मदु। छिं बमलाःपिन्‍त बल्‍लाःपिंपाखें बचय् यानादी। अले चीमि व ग्‍वाहालि मदुपिन्‍त इमित क्‍वत्‍यलेत स्‍वइपिंपाखें बचय् यानादी।”


जिपिं पापं बिलिबिलि जायाच्‍वने धुंकूसां छिं जिपिं फुक्‍कसित क्षमा यानादिसँ।


धन्‍य खः छिं ल्‍ययाः थःनापं पवित्र थासय् हःपिं मनूत। छिगु पवित्रगु देगःया आशिषं जिपिं तसकं लुधं।


हे परमेश्‍वर, छिगु धार्मिकता स्‍वर्ग स्‍वयाः च्‍वजाः। छिं गुलि अजू चायापुगु ज्‍या यानादीगु दु, हे परमेश्‍वर, छि थें ज्‍याःम्‍ह सु दु धकाः?


तर परमप्रभु, छि दयादुम्‍ह, माया यानादीम्‍ह परमेश्‍वर खः। छि तंचायेत लिबाकादीम्‍ह, सदां दया माया यानादीम्‍ह व तसकं विश्‍वास याये बहःम्‍ह खः।


हे परमप्रभु, छि भिंम्‍ह व क्षमा बियादीम्‍ह खः। अले गुलिसिनं ग्‍वाहालिया लागि छितः इनाप याइ, इपिं सकसितं छिं सदां दया माया यानादी।


छाय्‌धाःसा स्‍वर्गय् परमप्रभु थें जाःम्‍ह सुं नं मदु, परमप्रभुनापं ज्‍वःलाःम्‍ह सुं नं स्‍वर्गयाम्‍ह प्राणी मदु।


हे दक्‍व शक्ति दुम्‍ह परमप्रभु परमेश्‍वर, छि थें ज्‍याःम्‍ह सु दु धकाः? हे परमप्रभु, फुक्‍क खँय् छि विश्‍वास याये बहःम्‍ह खः।


हे परमप्रभु, छि थें जाःम्‍ह सु द्यः दु धकाः? छि थें पवित्रम्‍ह सु दु धकाः? छि थें तःधंगु महिमां जाःम्‍ह व भय कायेबहःम्‍ह सु दु धकाः? छिं थें सुनां अजू चायापुगु ज्‍या क्‍यनेफु?


वं धाल, “हे परमप्रभु, छिं जिमित धात्‍थे माया यानादियागु खःसा छि जिपिंनापं झासँ। थ्‍व छगू जिराहा जाति जूसां जिमिगु अधर्म व पाप क्षमा यानादिसँ, अले जिमित थःगु हे सम्‍पत्ति थें नाला कयादिसँ।”


परमप्रभुं थथे धयादी, “थन वा, झीपिंनापं च्‍वनाः थःथवय् खँल्‍हाबल्‍हा याये। छिमिगु पाप ह्याउँसे च्‍वंसां उपिं च्‍वापु थें तुयुसे च्‍वंकाबी। उपिं तच्‍वकं ह्याउँसे च्‍वंसां ऊन थें तुयुसे च्‍वनी।


सियोनय् च्‍वनीपिं सुनानं “जि म्‍हंमफु” धकाः धाइ मखु अले अन च्‍वनीपिं मनूतय्‌गु पाप क्षमा याइ।


धात्‍थें हे जिगु उन्‍नतिया निंतिं जिं थथे सास्‍ती नये माल। छिं जितः माया यानाः सीगालय् वनेगुपाखें बचय् यानादिल। छिं जिगु फुक्‍क पाप क्षमा यानादिल।


अनंलि छिमिसं परमेश्‍वरयात सुनापं दाँजय् यायेगु? अले वय्‌कःयात छु मूर्ति नाप दाँजय् यायेगु?


“छिमिसं जितः सुनापं दाँजय् यायेगु? जि थें ज्‍याःम्‍ह सु दु?” पवित्र परमेश्‍वरं धयादी।


“जि, जि व हे खः, गुम्‍हय्‌सिनं छंगु अपराध थःगु हे लागिं क्षमा यानाबी, जिं छंगु पाप गुबलें लुमंके मखु।


जिं छंगु अपराधत सुपाँय् थें अले छंगु पाप सुथय्‌या खसु थें चीकाछ्वयागु दु। जिथाय् लिहां वा, छाय्‌धाःसा जिं छन्‍त उद्धार यानागु दु।”


दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।


छिमिगु फुक्‍क चालचलनं यानाः छिपिं त्‍यानुचाल, अय्‌नं छिमिसं थथे मधाः, ‘आशा मन्‍त।’ छिमित न्‍हूगु बल दत, अय्‌जूगुलिं छिपिं इकुसे च्‍वंसां क्‍वमदल।


जिं न्‍ह्याबलें दोष बियाच्‍वने मखु, जि न्‍ह्याबलें तंम्‍वयाच्‍वने मखु, गुकिं यानाः जिं थम्‍हं दय्‌कागु मनूतय्‌गु नुगः जिं यानाः क्‍वतुं मवनेमा।


छिमि मस्‍तय्‌सं थःपिन्‍त छन्‍त लःल्‍हाइ, हे यरूशलेम, गथे छम्‍ह ल्‍याय्‌म्‍ह मिजंनं थःत भम्‍चायात लःल्‍हाइ, अले छिमि परमेश्‍वर छंगु निंतिं लय्‌तायादी। गथे ब्‍याहा याःम्‍ह मिजं थः भम्‍चाया निंतिं लय्‌ताइ।


हे परमप्रभु तसकं तंपिकयादी मते, जिमिगु पाप न्‍ह्याबलें लुमंकादी मते। बिन्‍ति याये, जिमित दया यानादिसँ, छाय्‌धाःसा जिपिं फुक्‍कं छिकपिनि हे प्रजा खः।


जि यरूशलेमयात खनाः लय्‌ताये, अले जिमि प्रजापाखें खुशी जुये। अन ख्‍वःसः व ततःसलं हाला हइगु सः हाकनं गुबलें न्‍यनेमाली मखु।


उकिं छ वनाः उत्तर पाखे थ्‍व खँ धा, “हे विश्‍वास यायेबहः मजूम्‍ह इस्राएल, छ लिहां वा, जि छ खनाः तम्‍वये मखु, छाय्‌धाःसा जि दयामाया दुम्‍ह खः, जि न्‍ह्याबलें तंचायाच्‍वने मखु,” परमप्रभुं धयादी।


छु छि न्‍ह्याबलें तंचायाच्‍वनादीगु ला? छु छिगु तं न्‍ह्याबलें दयाच्‍वनी ला?’ छं थथे ला धाःगु दु, अय्‌नं छं फतले मभिंगु ज्‍या याःगु दु।”


छु! एफ्राइम जिम्‍ह यःम्‍ह काय्, मखु ला? छु व जितः लय्‌तायेकीम्‍ह मचा, मखु ला? वयागु विरोधय् जिं न्‍ह्याक्‍व हे खँ ल्‍हाना सां जिं धात्‍थें वयात आः तक नं लुमंका च्‍वना। उकिं वयात जिं यय्‌का। जिं धात्‍थें वयात तसकं माया याना,” परमप्रभुं धयादी।


‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी। इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी। अले इमिगु पाप नं जिं लुमंके मखु,” परमप्रभुं धयादी।


इमिगु भिं यायेगुलिइ हे जि लय्‌ताये, धात्‍थें हे जिं दुनुगलंनिसें न्‍ह्याबलेंयात इमित थ्‍व देशय् तये।


जिं इमित इमिसं जिगु विरोधय् याःगु फुक्‍क अधर्म व पापपाखें शुद्ध याये। जिगु विरोधय् विद्रोही जुयाः याःगु इमिगु फुक्‍क पाप जिं क्षमा यानाबी।


अथे जुयाः एबेद-मेलेकं दरबारं पिहां वनाः जुजुयात थथे धाल,


परमप्रभुं धयादी, “उपिं दिनय्, उगु इलय् इस्राएलया अपराधयात माली, तर छगू नं लुइ मखु, अले यहूदाया पाप नं माली तर छगू नं लुइ मखु। छाय्‌धाःसा जिं बचय् यानातयागु ल्‍यं दुगु ब्‍वयात जिं क्षमा याये।”


तर सुयां तःधंछुइ मास्‍ति वःसा, वं जितः म्‍हमस्‍यूगु व थूगु खँय् तःधंछुइमाः। पृथ्‍वीइ सदां दयाच्‍वनीगु दयामाया, न्‍याय व धार्मिकतायागु ज्‍या याइम्‍ह परमप्रभु जि हे खः। छाय्‌धाःसा थ्‍व खँय् हे जि लय्‌ताः,” परमप्रभुं धयादी।


“छु! दुष्‍ट सीबलय् जि लय्‌ताइ ला? परमप्रभु परमेश्‍वरं थथे धयादी। बरु थःगु पहः त्‍वःताः इपिं म्‍वाःगु जितः स्‍वयेमास्‍ति मवइ ला?


उकिं छं इमित थथे धा, ‘गथे जि धात्‍थें म्‍वाःम्‍ह खः, जि, परमप्रभु परमेश्‍वर न्‍ववानागु दु, मभिंपिं मनूत सीगु खनाः जि लय्‌ताय् मखु, तर इमिसं थःगु मभिंगु पहःचहः त्‍वःताः इपिं म्‍वाःगु जितः स्‍वयेमास्‍ति वः। थःगु मभिंगु पहःचहः त्‍वःति! अय् इस्राएलया घराना छिपिं छाय् सीगु?’


वं याःगु न्‍ह्यागु नं पाप वयागु विरोधय् लुमंकीगु जुइ मखु। वं न्‍याय व खःगु ज्‍या याःगु दु, व धात्‍थें हे म्‍वाइ।


छिगु खँ मन्‍यंसे जिपिं विरोधी जुयागु दु। अथे जूसां परमप्रभु जिमि परमेश्‍वर, छि दयादुम्‍ह व क्षमा यानादीम्‍ह खः।


थःगु पाप मानय् यानाः परमप्रभुयाथाय् लिहां वा। वय्‌कःयात धा, “जिमिगु दक्‍व पाप क्षमा यानादिसँ, जिमिगु प्रार्थना न्‍यनादिसँ, अले जिमिसं छितः प्रशंसाया बलि छाये।


जि इस्राएलया निंतिं सुतिलः थें जुये। व लिली स्‍वां थें ह्वइ, अले लेबनानया देवदार सिमात थें वं हा काइ,


अबलय् परमप्रभुयागु नां काइपिनिगु उद्धार जुइ।”


परमप्रभुं थथे धयादी, “एदोमया मनूतय्‌सं तःक्‍व हे पाप यात, जिं इमित सजाँय मब्‍यूसे त्‍वःते मखु! इमिसं थः दाजु, इस्राएलीतय्‌त भतिचा नं दया माया मयासें तरवार ज्‍वनाः लिनाछ्वल, इमिगु तच्‍वःगु तंया कारणं याना, इमित झन अप्‍वः तं पिहां वल।


परमप्रभुं जितः धयादिल, “आमोस, छं छु खनाच्‍वना?” जिं लिसः बिया, “छगू का दुगु गँचा।” अले परमप्रभुं धयादिल, “स्‍व, जिं थः मनू इस्राएलीतय्‌गु दथुइ छगू का दुगु गँचा तयाबी। आः जिं इमित बाकि तये मखुत।


वय्‌कलं जितः न्‍यनादिल, “आमोस, छं छु खनाच्‍वना?” जिं लिसः बिया, “पाके जूगु फलं जाःगु छगः दाला नयेत तयार दु।” अले परमप्रभुं जितः धयादिल, “जि थः प्रजा इस्राएलयात सजाँय बीत तयार दु। जिं इमिगु पापयात हाकनं मखंछु याये मखुत।”


वं परमप्रभुयात धाल, “प्रभु, जिं थःगु देश त्‍वःते न्‍ह्यः थ्‍व हे खँ धयागु मखु ला? उकिं हे ला जि तार्शीशपाखे बिस्‍युं वनेत्‍यनागु खः। छि दया माया दीम्‍ह, तंचायेत लिबाकादीम्‍ह, नुगः क्‍यातुम्‍ह व सजाँय बी मयःम्‍ह खः धकाः जिं स्‍यू।


“हे याकूब, धात्‍थें हे जिं छिपिं फुक्‍कसित मुंके। इस्राएलयापिं ल्‍यंदुपिन्‍त जिं धात्‍थें हे मुंके। जिं इमित फैगालय् फैतय्‌त थें छथाय् हे मुंके। व थासय् ग्‍वाः ग्‍वाः मनूत दइ।


लँगडातय्‌त जिं ल्‍यंकातये, तापाक लिनाछ्वःपिन्‍त जिं छगू बल्‍लाःगु जाति दय्‌के। परमप्रभुं इमित सियोन पर्वतय् न्‍ह्याबलें राज्‍य यानादी।


अथे जुयाः मचाबू ब्‍यथा जूम्‍ह मिसां मचा मबुइकूतले इस्राएलयात शत्रुया ल्‍हातय् त्‍वःता तइ। अले वया दाजुकिजापिं लिहां वयाः इस्राएलीतलिसें मिलय् जुइ।


हे परमप्रभु, छिं कथि ज्‍वनाः थः प्रजायात ज्‍वयादिसँ, नायुगु ख्‍यलय् व गुँइच्‍वनीपिं छिगु सर्बयया फैच्‍वलय्‌त ज्‍वयादिसँ। कर्मेल डाँडाया गुँइ याकःचा च्‍वंनाच्‍वंसां इपिं न्‍हापा थें हे बाशान व गिलादय् च्‍वंगु घाँय्‌ख्‍यलय् वनाः ज्‍वयेमा।


परमप्रभु छिमि परमेश्‍वर छनापं दु। वय्‌कः वचय् याये फुम्‍ह खः। वय्‌कः छनापं तस्‍सकं लय्‌ता। वय्‌कलं थःगु प्रेमय् छन्‍त शान्‍त याइ। अले छंगु कारणं ततःसलं म्‍ये हालाः वय्‌कः तसक्‍कं लय्‌ताइ।”


याकूबय् छुं मभिंगु खने मदु। अले इस्राएलय् छुं दुःख खने मदु। परमप्रभु इमि परमेश्‍वर इपिं नापं दी, इमिसं इमि जुजुया जय जुइमा धकाः च्‍वय्‌काच्‍वंगु दु।


थौं ला भ्‍वय् न्‍याय्‌काः लय्‌ताय् माःगु दिं खः, छाय्‌धाःसा छं किजा सी धुंकूम्‍ह हानं म्‍वानावल, तने धुंकूम्‍ह हानं लुल।’”


अले ख्रीष्‍टयागु हे नामं पश्‍चाताप यानाः पाप क्षमा जुइगु खँ यरूशलेमंनिसें फुक्‍क संसारय् न्‍यंकेमाः।


परमेश्‍वरं वयात छु लिसः बियादिल? “बालद्यःयात पुजा मयाइपिं न्‍हय्‌द्वः मनूतय्‌त जिं ल्‍यंकातयागु दु।”


“येशूरुनया परमेश्‍वर थें जाःम्‍ह मेम्‍ह सुं मदु। वय्‌कः इमित झःझः धाय्‌क आकाशं झायादी। वय्‌कः सुपाँचं गयाः छिमित ग्‍वाहालि बीत झायादी।


छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।


अले इमिसं मेपिं द्यःतय्‌त त्‍वःताः परमप्रभुयागु आराधना यात। अले परमप्रभुं इस्राएलीतय्‌गु अप्‍वः दुःख जूगु स्‍वयादी मफुत।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ