मीका 7:12 - नेवाः बाइबल

¹² उगु दिनय् अश्‍शूर देशं, अले मिश्रया शहर शहरंनिसें कयाः यूफ्रेटिस खुसि तकयापिं व तातापाःगु समुद्रंनिसें व पहाडंनिसें मनूत छिमिथाय् वइ।

मीका 7:12 ပူးပေါင်းရင်းမြစ်များ

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 11:16

मिश्र देशं पितहःबलय् इस्राएलया पुर्खातय्‌गु निंतिं जू थें अश्‍शूरीतपाखें बचय्‌जूपिं इस्राएलया सन्‍तानतय्‌गु निंतिं नं वयेत थ्‍व छपु मू लँ जुइ।

यशैया 43:6

जिं उत्तर देशयात धाये, ‘इमित छ्व।’ दच्‍छिन देशयात जिं धाये, इमित पने मते। जिमि काय्‌पिन्‍त तापाकंनिसें व जिमि म्‍ह्याय्‌पिन्‍त पृथ्‍वीया कुंकुलामंनिसें हजि,

यशैया 49:12

स्‍व, इपिं तापाक्‍कंनिसें वइ, गुलिं उत्तरपाखें, गुलिं पच्‍छिमपाखें व गुलिं दच्‍छिनय् आश्‍वानया देशं वइ।”

यर्मिया 23:3

“जिगु बथांया ल्‍यनाच्‍वंपिन्‍त जिं इमित लिनाछ्वयागु फुक्‍क देशं मुंकाः जिं थःम्‍हं हे इमित इमिगु थःगु हे ख्‍यलय् लित हये। अले हानं इपिं च्‍वन्‍ह्याइ अले इमिगु ल्‍याः अप्‍वयावनी।

यर्मिया 3:18

अबलय् इस्राएलया मनूत यहूदाया मनूतलिसें मिलय् जुइ, इपिं छकलं उत्तरय् च्‍वंगु देशं लिहां वयाः जिं इमि पुर्खातय्‌त न्‍ह्याबलेंया निंतिं बियागु देशय् वइ।

यर्मिया 31:8

स्‍व! जिं थःम्‍हं हे इमित उत्तरयागु देशं हयेत्‍यनागु दु। जिं इमित पृथ्‍वीयागु ताताःपाःगु थासं मुंके। इमिगु दथुइ कांपिं, लंग्रात, प्‍वाथय् दुपिं व मचा बुइकूपिं मिस्‍त नं दइ। इमिगु छगू तःधंगु पुचः थन लिहां वइ।

यर्मिया 46:27

“हे जिम्‍ह दास याकूब, छ ग्‍याये मते। हे इस्राएलयापिं मनूत, नुगः क्‍वतुंके मते। जिं थःम्‍हं हे छिमित तापाःगु देशं व छिमि सन्‍तानयात ज्‍वनाः यंकातःगु देशं त्‍वःतकाहये। याकूबया सन्‍तानतय्‌त हाकनं शान्‍ति व सुरक्षा दइ। सुनानं वयात ख्‍याये फइ मखु।

इजकिएल 29:21

“उखुन्‍हु जिं इस्राएलया घरानाया निंतिं छपु नेकू बुइके, छं नवाइबलय् मनूतय्‌सं छंगु खँ न्‍यनी धकाः पक्‍का याये। अले इमिसं जि हे परमप्रभु खः धकाः सी।”

इजकिएल 37:21

अले इमित धा, ‘परमप्रभु परमेश्‍वरं थथे धयादी – जिं इस्राएलीतय्‌त इपिं वनाः च्‍वनाच्‍वंगु जातितपाखें लिकाये। जिं इमित प्‍यखेंपाखें मुंके, अले इमित थःगु हे देशय् हये।

होशे 11:11

इपिं मिश्र देशं चखुंचा थें व अश्‍शूर देशं सुकुभत्तु थें ग्‍याग्‍यां व थरथर खाखां वइ। जिं इमित थथःगु हे छेँ च्‍वनेबी,” परमप्रभुं धयादी।