मीका 7:11 - नेवाः बाइबल

¹¹ हे इस्राएल, छिमिगु पःखाःत दय्‌कीगु दिं वइ, छिमिगु सिमाना तापाक तक अप्‍वय्‌केगु दिं वइ।

मीका 7:11 ပူးပေါင်းရင်းမြစ်များ

नहेम्‍याह 2:17

अनंलि जिं इमित धया, “झीत गज्‍याःगु दुःख जुयाच्‍वंगु दु व खँ छिमिसं बांलाक स्‍यू। यरूशलेम तहसनहस जूगु दु, अले थुकिया ध्‍वाखा मिं नःगु दु। झीसं यरूशलेमया पखाः हाकनं दय्‌केनु। थुकिं झीपिं लिपा मछाय्‌का च्‍वने मालि मखु।”

नहेम्‍याह 2:8

अले देगःया रक्षाया निंतिं दय्‌कूगु किल्‍लाया ध्‍वाखा दय्‌केत, शहरया पखाः दय्‌केत व जि च्‍वनेगु छेँ दय्‌केत माःगु सिँ बीत सरकारी गुँया पिवाः आसापया निंतिं नं उजं पौ बियादिसँ।” जिमि परमेश्‍वरया दया दुगु ल्‍हाः जिके दुगुलिं जिं फ्‍वनागु फुक्‍क खँ जुजुं बिल।

नहेम्‍याह 4:3

वया लिक्‍कसं दनाच्‍वंम्‍ह अम्‍मोनी तोबियां धाल, “थुमिसं न्‍ह्यागु हे दय्‌का च्‍वंसां छम्‍ह ध्‍वँचा ल्‍वहंयागु उगु पखालय् गल धाःसा व दुनी।”

नहेम्‍याह 4:6

थुकथं गपाय् जाः यानाः पखाः दय्‌के माःगु खः जिमिसं उकियागु बच्‍छि जाः थ्‍यंक पखाः दय्‌का, छाय्‌धाःसा मनूतय्‌सं मन बियाः ज्‍या यात।

यशैया 54:11

“हे दुःखय् लानाच्‍वंम्‍ह, ग्‍वःफसं पुइकाः छ्वावाःम्‍ह अले सान्‍त्‍वना काय् मखंगु शहर, स्‍व, जिं फिरोजाया थीनं छन्‍त दय्‌के, नीरं छंगु जग स्‍वने।

यशैया 54:2

“छंगु पालया थाय् अप्‍वय्‌कि। छंगु पालया पर्दात साला ताहाय्‌कि। छंगु खिपः ताहाकय्‌कि, अले छंगु कीत बल्‍लाकि।

यशैया 58:12

छिमि मनूतय्‌सं दुनाच्‍वंगु छेँत हाकनं दय्‌की। यक्‍व पुलांगु जगत इमिसं ल्‍ह्वनी। छिमित ‘दुनाच्‍वंगु पःखाःत दय्‌कीपिं,’ अले ‘च्‍वनीगु छेँया निंतिं हाकनं न्‍हूगु लँपु दय्‌कीपिं’ धकाः धाइ।”

यशैया 61:4

इमिसं न्‍हापांनिसें नाश जुयाच्‍वंगु शहरत हाकनं दय्‌की। नाश जुयाच्‍वंगु थाय्‌त हाकनं दय्‌की, पुस्‍तौं पुस्‍तांनिसें दुनाच्‍वंगु छेँत दुगु शहरतय्‌त इमिसं हाकनं न्‍हूगु यानाः दय्‌की।

दानिएल 9:25

“थ्‍व सीकि अले थुइकि, यरूशलेमयात हाकनं दय्‌केत थ्‍व आज्ञा पिकाःगु इलंनिसें अभिषेक जूम्‍ह मनू, छम्‍ह शासक मवतले न्‍हय्‌गू वाः अले खुइनिगू वाः जुइ। दुःखया इलय् थ्‍व शहरयात लँ व चाकःछिं ताहाःगु गाःनापं हाकनं दय्‌की।