मीका 6:3 - नेवाः बाइबल

³ “हे जिमि प्रजा, जिं छिमित छु याना? गथे यानाः जिं छिमित झ्‍यातुगु कु क्‍वबिकागु दु? जितः लिसः ब्‍यु।

मीका 6:3 ပူးပေါင်းရင်းမြစ်များ

भजनसंग्रहया सफू 50:7

“हे जिमि मनूत न्‍यँ, जिं नवाये, हे इस्राएल, जिं छंगु विरोधय् साक्षी बी, जि परमेश्‍वर खः, छिमि परमेश्‍वर।

भजनसंग्रहया सफू 51:4

हे परमेश्‍वर, छिं मभिं धकाः धयादीगु ज्‍या हे जिं यानागु दु, जिं छिगु विरोधय् जक पाप यानागु दु, उकिं छिं जिगु न्‍याय यानादीगु पाय्‌छि जू अले जितः दोषी ठहरय् यानादीगु पाय्‌छि ताय्‌के।

भजनसंग्रहया सफू 81:13

“जिमि मनूतय्‌सं जिगु खँ न्‍यंगु जूसा इस्राएल जिं धाःथें जूगु जूसा

भजनसंग्रहया सफू 81:8

हे जिमि मनूत, न्‍यँ, जिं छिमित ख्‍याच्‍वः बिया थके। हे इस्राएल, छिमिसं न्‍यना जक ब्‍यूगु जूसां गाः

यशैया 5:4

जिं थःगु दाखक्‍यबया निंतिं मयानागु छु दु धकाः? जिं ला भिंगु दाखया आशा यानागु खः। छाय् वं मभिंगु फल जक सयेकल?

यर्मिया 2:31

“हे थ्‍व पुस्‍तायापिं मनूत, परमप्रभुयागु वचनय् ध्‍यान ब्‍यु। “छु जि इस्राएलया लागि मरुभूमि वा तसकं खिउँगु देश जुल ला? छाय् जिमि प्रजां थथे धाइगु, ‘जिपिं थःयत्‍थे वने दु। आः छिथाय् गुबलें वये मखुत।’

यर्मिया 2:5

परमप्रभुं थथे धयादी, “छिमि पुर्खातय्‌सं जिके छु दोष खन? छुकिं यानाः इपिं जिपाखें तापात? इमिसं ज्‍यालगे मजूपिं मूर्तित पुजा यात, अले थः हे ज्‍यालगे मजुल।

मीका 6:5

हे जि प्रजा, मोआबया जुजु बालाकं छु सल्‍लाह याःगु खः? अले बओरया काय् बालामं वयात छु लिसः बिल व लुमंकी। शित्तिमंनिसें गिलगाल तकयागु यात्रायात लुमंकी। अले छिमिसं परमप्रभुया धार्मिकताया ज्‍या सीके फयेमा।”

रोमी 3:19

आः झीसं थ्‍व खँ सिल, व्‍यवस्‍थाय् च्‍वया तक्‍व फुक्‍कं व्‍यवस्‍था पालन याःम्‍हय्‌सित जक धयातःगु खः। अय्‌जूगुलिं सुनानं छुं धाय्‌थाय् मदु। जिं हानं धाये – संसारयापिं फुक्‍क मनूत परमेश्‍वरया न्‍ह्यःने दोषी ठहरय् जुइ धुंकल।