मीका 5:6 - नेवाः बाइबल

⁶ इमिसं अश्‍शूर देशयात तरवारं व निम्रोद देशयात नांगागु तरवारं शासन याइ। अश्‍शूरीत झीगु देशय् हमला यायेत वइबलय् अले झीगु सिमानाया दुने पलाः तइबलय् वय्‌कलं झीत अश्‍शूरीतपाखें बचय् यानादी।

मीका 5:6 ပူးပေါင်းရင်းမြစ်များ

२ राजा 15:29

इस्राएलया जुजु पेकहया इलय् अश्‍शूरया जुजु तिग्‍लत-पिलेसेर वल। वं इयोन, हाबिल-बेथ-माका, यानोह, केदेश, हासोर, गिलाद, गालील व नप्‍तालीया फुक्‍क लागा त्‍याका काल। अले मनूतय्‌त ज्‍वनाः अश्‍शूर देशय् यंकल।

१ इतिहास 1:10

कूश निम्रोदया बाः खः, निम्रोद पृथ्‍वीइ न्‍हापांम्‍ह वीर खः।

२ इतिहास 33:11

उकिं इमित हमला यायेत परमप्रभुं अश्‍शूरया जुजुया सेनापतित हयादिल। इमिसं मनश्‍शेयात ज्‍वन, वयागु न्‍हासय् हुक तयाबिल। इमिसं वयात कँय्‌यागु सिखलं चिनाः बेबिलोनय् यंकल।

अय्‍यूब 29:22

जिं न्‍ववाये धुंकाः इमिसं छुं खँ तनी मखु। जिगु खँ इमिगु नुगलय् वा वइबलय् बँ प्‍याथें प्‍याइगु।

भजनसंग्रहया सफू 110:3

छिं थः शत्रुतलिसें लडाइँ याःगु दिनय् छिकपिनि मनूत छिगु हे इच्‍छां न्‍ह्यःने वनी। सुथ न्‍हापांया सुतिलः थें छिकपिनि ल्‍याय्‌म्‍हपिं पवित्र पहाडय् छिथाय् वइ।

भजनसंग्रहया सफू 72:6

घाँय् लयातःगु ख्‍यलय् वा वये थें जुजुं राज्‍य यायेमा, झ्‍वार्र वा वयाः बँयात प्‍याकू थें जुजुं राज्‍य यायेमा।

यशैया 14:2

यक्‍व जातितय्‌सं इस्राएलया घराना परमप्रभुं इमित बियादीगु देशय् लिहां वयेत ग्‍वाहालि याइ। अले पिने वःपिं मनूत इमिगु निंतिं च्‍यः जुयाः सेवा याइ। इस्राएलीतय्‌त ज्‍वनायंकूपिन्‍त इमिसं ज्‍वनाः कुनी। इस्राएलीतय्‌त मभिं यानाः क्‍वत्‍यलातःपिन्‍त इमिसं हे शासन याइ।

यशैया 14:25

जिं अश्‍शूरीतय्‌त जिगु हे देशय् नाश याये, जिं इमित जिगु पर्वतय् पालिं न्‍हुत्तुन्‍हुयातये, अश्‍शूरीतय्‌गु जुवां व इमिसं क्‍वबिया च्‍वंगु ब्‍वःझं जिमि प्रजायात मुक्त याये।”

यशैया 33:1

धिक्‍कार, छ नाश याइम्‍हय्‌सित, गुम्‍ह थः हे नाशय् लाःगु मदुनि! धिक्‍कार, छ विश्‍वासघातीयात, सुयात मेपिं सुनानं विश्‍वासघात याःगु मदुनि! गुबलय् छं नाश यायेगु दिकी, उबलय् छन्‍त नं नाश यानाछ्वइ। गुबलय् छं विश्‍वासघात यायेगु दिकी उबलय् छन्‍त नं विश्‍वासघात याइ।

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

यशैया 37:37

उकिं अश्‍शूरयाम्‍ह जुजु सनहेरीबं छाउनी स्‍यंकाः निनवेय् लिहां वन। व वनाः अन हे च्‍वन।

यशैया 6:13

छुं जुयाः व देशय् झिब्‍वय् छब्‍व ल्‍यं दसां जिं इपिं फुक्‍कसित नाश याये। तर गथे तारपीनया सिमा व स्‍वसिमा पालिबलय् थुथा ल्‍यंदयाच्‍वनी। अथे हे व देशय् पवित्र पुसा धाःसा थुथा थें जुइ, व हाकनं बुया वइ।”

यर्मिया 14:22

जात जातिया द्यःत मध्‍ये सुनां वा वय्‌के फइ? अथवा आकाशं थःम्‍हं हे वा वय्‌के फइ ला? हे परमप्रभु, जिमि परमेश्‍वर, छिं हे वा वय्‌कादी। उकिं जिमित छिगु हे आशा दु, छाय्‌धाःसा थ्‍व फुक्‍क यानादीम्‍ह छि हे खः।

नहूम 2:11

ल्‍याय्‌म्‍हपिं सिंहत यक्‍व दुगु व तःधंगु निनवे शहर आः गन दु? थ्‍व थासय् सिंह व सिंहनी थः मस्‍तनापं याउँक व मग्‍यासे चाःहिला जुइगु खः।

सपन्‍याह 2:13

उत्तरपाखे थःगु ल्‍हाः ल्‍ह्वनाः वय्‌कलं अश्‍शूरयात न्‍हंकाबी। वय्‌कलं निनवेयात झिजांमिजां दंगुथाय् व मरुभूमि यानाबी।

सपन्‍याह 3:12

तर जिं छंगु दथुइ क्‍वमिलु व चिधंपिं मनूत त्‍वःता तये सुनां परमप्रभुया नामय् भलसा काइ।

लूका 1:71

वय्‌कलं झीत मयःपिनिगु ल्‍हातं व शत्रुतय्‌गु ल्‍हातं बचय् यानादी।

लूका 1:74

उकिं शत्रुतय्‌गु ल्‍हातं झीत बचय् याका दीगुलिं वय्‌कःयात लय्‌लय्‌तातां मानय् यानाच्‍वनेमा।

लूका 24:27

अले वय्‌कलं मोशांनिसें कयाः फुक्‍क अगमवक्तातय्‌सं धर्मशास्‍त्रय् च्‍वया थकूगु वय्‌कःयागु हे खँ ध्‍वाथुइकादिल।

व्‍यवस्‍था 32:2

जिं स्‍यनेकने यायेगु खँ वा वः थें कुहां वइ अले वाउँगु घाँसय् च्‍वंगु सुतिलः थें च्‍वनी, वाउँगु घाँसय् फुति फुति वःगु वा थें, क्‍यातूगु माचाय् झ्‍वार्र वःगु वा थें।