मीका 5:3 - नेवाः बाइबल

³ अथे जुयाः मचाबू ब्‍यथा जूम्‍ह मिसां मचा मबुइकूतले इस्राएलयात शत्रुया ल्‍हातय् त्‍वःता तइ। अले वया दाजुकिजापिं लिहां वयाः इस्राएलीतलिसें मिलय् जुइ।

मीका 5:3 ပူးပေါင်းရင်းမြစ်များ

१ राजा 14:16

यारोबामं याःगु पाप व वं इस्राएलीतय्‌त याकूगु पापं यानाः परमप्रभुं इस्राएलयात त्‍वःतादी।”

२ इतिहास 30:7

छिपिं थः पुर्खा व छिमि थःथितिपिं थें जुइ मते। इमिसं ला परमप्रभु इमि पुर्खातलिसे विश्‍वासघात याःगु खः। परमेश्‍वरं इमित ग्‍याइगु कारण दय्‌कादिल। व छिमिसं थःपिन्‍सं हे खंगु दु।

भजनसंग्रहया सफू 67:3

हे परमेश्‍वर, जात जातितय्‌सं छितः तःधंकेमा, खः, फुक्‍क जात जातितय्‌सं छितः तःधंकेमा।

यशैया 11:11

उखुन्‍हु परमप्रभुं अश्‍शूर, क्‍वय् व च्‍वय् मिश्र, कूश, एलाम, बेबिलोनिया, हमात व समुद्रया टापुतपाखें थः प्रजाया ल्‍यंदुपिन्‍त त्‍वःतकेत निक्‍वः खुसि थःगु ल्‍हाः हाकनं ल्‍ह्वनादी।

यशैया 49:6

वय्‌कलं थथे धयादी, “याकूबया मनूतय्‌त हाकनं थापं यायेत व इस्राएलयापिं ल्‍यंदुपिं फुक्‍क लित हयेत छ जिमि दास जुइगु खँ चिचाधंगु खँ खः ला? पृथ्‍वीयागु कुन्‍चाय् कुन्‍चाय् तक जिं जिगु उद्धार थ्‍यनेमा धकाः यहूदीमखुपिनिगु निंतिं जिं छन्‍त जः नं दय्‌काबी।”

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

यर्मिया 31:1

परमप्रभुं धयादी, “उबलय् जि इस्राएलया फुक्‍क कुलया परमेश्‍वर जुइ, अले इपिं जि प्रजा जुइ।”

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

होशे 11:8

“अय् एफ्राइम, जिं छन्‍त गथे यानाः त्‍वःते फइ? अय् इस्राएल, जिं छन्‍त गथे यानाः दुष्‍टतय्‌गु ल्‍हातिइ लःल्‍हाये फइ? जिं छन्‍त गथे यानाः अदमायात थें नाश याये फइ? जिं छन्‍त गथे यानाः सबोयीमयात थें स्‍यंके फइ? जिगु मन जिगु दुने हिले धुंकल। जिगु मन दया मायां जाये धुंकल।

होशे 2:14

“अथे जुयाः जिं वयात ह्यय्‌काः हाकनं मरुभूमिइ यंके, अले वलिसें नाइसे च्‍वंक खँ ल्‍हाये।

होशे 2:9

“अथे जुयाः जिं थःगु अन्‍न बाली लयेगु इलय् अन्‍न व दाख खायेगु इलय् सःगु दाख दाखमद्यया निंतिं काये, अले पुनेत जिं बियातयागु वसः लाकाकाये।

आमोस 5:15

मभिंगु फुक्‍क त्‍वःताछ्व, छु छु भिंगु खः व हे जक यय्‌की। अदालतय् न्‍याय ल्‍यंकाः तयाति, सके दक्‍व शक्ति दुम्‍ह परमप्रभु परमेश्‍वरं योसेफया ल्‍यंदनिपिं मनूतय्‌त दया यानादी ला।

मीका 4:4

दक्‍व मनूत थःगु दाखमाया क्‍वय् व थःगु यःमरिमाया क्‍वय् च्‍वनेगु याइ। सुनानं इमित ख्‍याइ मखु, छाय्‌धाःसा दक्‍व शक्ति दुम्‍ह परमप्रभुं हे न्‍ववानादीगु दु।

मीका 4:7

लँगडातय्‌त जिं ल्‍यंकातये, तापाक लिनाछ्वःपिन्‍त जिं छगू बल्‍लाःगु जाति दय्‌के। परमप्रभुं इमित सियोन पर्वतय् न्‍ह्याबलें राज्‍य यानादी।

मीका 5:7

यक्‍व मनूतय्‌गु दथुइ याकूबया ल्‍यंदुपिं परमप्रभुं छ्वयाहयादीगु सुतिलः व घाँसय् द्यःने लाःगु लः थें जुइ। इमिसं सुयात नं पियाच्‍वनी मखु, वा न मनूतय्‌के भलसा तइ।

मीका 5:8

यक्‍व जात जाति व यक्‍व मनूतय् दथुइ याकूबया ल्‍यंदुपिं मनूत जंगलय् च्‍वंपिं पशुतय्‌गु दथुइ सिंह थें अले फैतय्‌गु दथुइ च्‍वंम्‍ह ल्‍याय्‌मम्‍ह सिंह थें जुइ। इमिसं थुखे उखे वनाः झाताझिति यानाः जुइ, अले इमित सुनानं बचय् याये फइ मखु।

मीका 6:14

छिमिसं यक्‍व हे नःसां छिमिगु प्‍वाः गुबलें हे जाइ मखु। अले न्‍ह्याबलें छिपिं नयेपित्‍याकाः च्‍वनेमाली। छिमिसं सम्‍पत्ति मुंका तःसां उकियात छिमिसं ल्‍यंकातये फइ मखु। छाय्‌धाःसा छिमिसं छु ल्‍यंका तइ उकियात जिं तरवारयात बी।

मीका 7:13

तर इमिगु ज्‍यायागु कारणं व अनयापिं मनूतय्‌गु कारणं पृथ्‍वी सुनसान हे जुयावनी।

जकरिया 10:6

“जिं यहूदाया घरानायात बल्‍लाकाबी अले योसेफया घरानायात बचय् याये। जिं इमित हाकनं लित ब्‍वनाहय्। छाय्‌धाःसा जितः इपिं प्रति दया दु। जिं इमित गुबलें नं मत्‍वःतागु थें च्‍वंक इपिं न्‍हापा गथे खः अथे हे यानाबी। छाय्‌धाःसा जि इमि परमप्रभु परमेश्‍वर खः, अले जिं इमिगु प्रार्थनाया लिसः बी।

मत्ती 1:21

मरियमं काय् छम्‍ह बुइकी, अले छं व मचायागु नां येशू ति, छाय्‌धाःसा वय्‌कलं थः मनूतय्‌त इमिगु पापं छुतय् यानादी।”

मत्ती 12:50

छाय्‌धाःसा सुनां स्‍वर्गय् च्‍वनादीम्‍ह जिमि बाःनं धाःथें याना जुइ व हे जिमि किजा, जिमि केहेँ व जिमि मां खः।”

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

रोमी 8:29

परमेश्‍वरं न्‍हापांनिसें म्‍हस्‍यूपिन्‍त वय्‌कःया काय् थें यानादीत न्‍हापांनिसें हे ल्‍यया तयादिल। वय्‌कः यक्‍व किजापिं मध्‍ये जेठाम्‍ह जुइमा धकाः थुकथं यानादीगु खः।