6 परमप्रभुं घोषणा यानादी, “उगु दिनय् जिं लँगडातय्त मुंके, अले ज्वनाः मेगु देशय् यंकूपिन्त व जिं दुःखय् लाकाबियापिं मनूतय्त मुंके।
वय्कलं यरूशलेमयात हानं दय्कादी, ज्वनाः परदेशय् यंकूपिन्त वय्कलं यरूशलेमय् लित हयादी।
जि क्वदलेत्यंगु दु, मदिक्क जितः स्यानाच्वंगु दु।
ज्वनायंकूपिं त्वःतकाः हःम्ह परमप्रभु परमेश्वरं थथे घोषणा यानादी, “छथाय् मुनाच्वंपिं बाहेक जिं मेपिन्त नं इपिंनापं हे छथाय् मुंके हये।”
अबलय् इस्राएलया मनूत यहूदाया मनूतलिसें मिलय् जुइ, इपिं छकलं उत्तरय् च्वंगु देशं लिहां वयाः जिं इमि पुर्खातय्त न्ह्याबलेंया निंतिं बियागु देशय् वइ।
स्व! जिं थःम्हं हे इमित उत्तरयागु देशं हयेत्यनागु दु। जिं इमित पृथ्वीयागु ताताःपाःगु थासं मुंके। इमिगु दथुइ कांपिं, लंग्रात, प्वाथय् दुपिं व मचा बुइकूपिं मिस्त नं दइ। इमिगु छगू तःधंगु पुचः थन लिहां वइ।
“‘जिं जाति जातितपाखें छिमित पित हये। फुक्क देशं छिमित मुंके, अले छिमित छिमिगु थःगु हे देशय् लित हये।
“हे याकूब, धात्थें हे जिं छिपिं फुक्कसित मुंके। इस्राएलयापिं ल्यंदुपिन्त जिं धात्थें हे मुंके। जिं इमित फैगालय् फैतय्त थें छथाय् हे मुंके। व थासय् ग्वाः ग्वाः मनूत दइ।
उबलय् छन्त क्वत्यला तःपिन्त जिं सजाँय बी, जिं खुत्यांकाःपिन्त बचय् याये, अले छ्यालब्याल जूपिन्त जिं मुंके। जिं इमिगु लज्यायात हीका पृथ्वी न्यंक इमिगु नां जाय्काबी।
मनूया काय् तनाच्वंपिन्त मालेत व उद्धार यायेत वःगु खः।”
जिमि फैत थ्व फैगलय् जक मखु, मेथाय् नं दु। इमित नं जिं हयेमानि। इमिसं नं जिगु सः ताइ। थुकथं फुक्क फैत छथ्वः जुइ, अले इमि फैजवाः नं छम्ह हे जुइ।