मीका 4:5 - नेवाः बाइबल

⁵ देश देशयापिं फुक्‍क मनूत थथःगु द्यःया ल्‍यूल्‍यू वंसां झीपिं धाःसा न्‍ह्याबलें परमप्रभु झी परमेश्‍वरया ल्‍यूल्‍यू वने। जिपिं धाःसा न्‍ह्याबलें न्‍ह्याबलें परमप्रभु जिम्‍ह परमेश्‍वरयागु नां कयाः जुयाच्‍वने।

मीका 4:5 ပူးပေါင်းရင်းမြစ်များ

उत्‍पत्ति 17:1

अब्राम गुइगुदँ दुबलय् परमप्रभु अब्रामयाथाय् खनेदय्‌कः झाल। अले वयात धयादिल, “जि दक्‍व शक्ति दुम्‍ह परमेश्‍वर खः। जिं धाःथें या, अले दोष मदय्‌क जु।

२ राजा 17:29

अय्‌नं सामरियाय् तःपिं मनूतय्‌सं थथःगु शहरय् थःथः द्यःतय्‌गु मूर्तित दय्‌काः उमित सामरियाया मनूतय्‌सं दय्‌कूगु पुजा याइगु थासय् तयाबिल।

२ राजा 17:34

इमिसं थौं तक नं थःगु पुलांगु थितिकुति यानाच्‍वंगु दु। इमिसं न परमप्रभुयात आराधना यात, न इमिसं वय्‌कलं इस्राएल नां बियादीम्‍ह याकूबया सन्‍तानयात बियादीगु आज्ञा, नियम व विधि मानय् यात।

भजनसंग्रहया सफू 20:6

आः जिं सिल, परमप्रभुं थःम्‍हं अभिषेक यानादीम्‍ह जुजुयात ग्‍वाहालि यानादी। वय्‌कलं पवित्र स्‍वर्गं वयात लिसः बियादी। अले थःगु शक्तिं वयात बचय् यानादी।

भजनसंग्रहया सफू 48:14

छाय्‌धाःसा परमेश्‍वर न्‍ह्याबलें झी परमेश्‍वर खः। वय्‌कलं झीत न्‍ह्याबलें लँ क्‍यनादी।

भजनसंग्रहया सफू 71:16

हे परमप्रभु परमेश्‍वर, छिं यानादीगु तःधंगु ज्‍याया जिं प्रशंसा याये। जिं सकसित छिगु हे जक धार्मिकताया खँ न्‍यंके।

यशैया 2:5

अय् याकूबया सन्‍तानत, वा, झीपिं परमप्रभुया जःलय् न्‍यासि वनेनु।

यशैया 26:13

हे परमप्रभु जिमि परमेश्‍वर, मेपिन्‍सं जिमित राज्‍य याःगु दु, तर छिगु नांयात जक जिमिसं हनाबना तये।

यशैया 26:8

खः, परमप्रभु, जिपिं छिगु इच्‍छा कथं जुइ अले थःगु आशा छिके हे तये, जिमिगु मनया इच्‍छा छिगु नांयात तःधंकेगु खः।

यर्मिया 32:40

जिं इपिं लिसे न्‍ह्याबलेंया निंतिं बाचा चिने। इमिगु भिं जुइगु ज्‍या यायेगु जिं गुबलें त्‍वःते मखु। इपिं जिपाखें फस्‍वया मवनेमा धकाः जिं जिगु भय इमिगु मनय् तयाबी।

जकरिया 10:12

जिं थःम्‍हं हे थः मनूतय्‌त बल्‍लाके, अले इपिं जिगु नामं जिगु लँपुइ जुइ।” जि परमप्रभुं थ्‍व खँ धयाच्‍वना।

प्रेरित 14:16

न्‍हापा न्‍हापायापिं मनूतय्‌त परमेश्‍वरं इमि यःथें याकेबियादिल।

व्‍यवस्‍था 27:10

परमप्रभु छिमि परमेश्‍वरया खँ न्‍यँ, अले जिं थौं बियाच्‍वनागु वय्‌कःया आज्ञा व विधि बांलाक मानय् या।”

कलस्‍सी 2:6

गथे ख्रीष्‍ट येशूयात छिमिसं “प्रभु” धकाः मानय् यात, अथे हे वय्‌कलं धयादी थें याना च्‍वँ।

कलस्‍सी 3:17

छिमिसं न्‍ह्यागु याःसां, न्‍ह्यागु धाःसां प्रभु येशूयागु नामं या, अले वय्‌कःया नामं परमेश्‍वर बाःयात सुभाय् ब्‍यु।

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”