मीका 4:4 - नेवाः बाइबल

⁴ दक्‍व मनूत थःगु दाखमाया क्‍वय् व थःगु यःमरिमाया क्‍वय् च्‍वनेगु याइ। सुनानं इमित ख्‍याइ मखु, छाय्‌धाःसा दक्‍व शक्ति दुम्‍ह परमप्रभुं हे न्‍ववानादीगु दु।

मीका 4:4 ပူးပေါင်းရင်းမြစ်များ

१ राजा 4:25

सोलोमनयागु जिवंकाछि हे उत्तरय् दानंनिसें कयाः दच्‍छिनय् बेर्शेबा तक यहूदा व इस्राएल याउँक च्‍वन, फुक्‍क मनूत थथःगु दाखमा व यःमरिमाया क्‍वय् याउँक च्‍वन।

१ राजा 5:5

स्‍वयादिसँ, परमेश्‍वरं जिमि अबु दाऊदयात थथे धयादीगु खः, ‘जिं छंगु थासय् सिंहासनय् तयाम्‍ह काय्‌नं हे जिगु नांया निंतिं देगः दय्‌की।’ आः जिं जिमि परमप्रभु परमेश्‍वरया इज्‍जतया निंतिं उगु देगः दय्‌केगु क्‍वःछिनागु दु।

अय्‍यूब 11:19

छि छुं खनाः ग्‍याये म्‍वायेक ग्‍वारातुलादी, यक्‍व मनूतय्‌सं छिगु दया कायेत स्‍वइ।

भजनसंग्रहया सफू 72:3

पहाड पहाडं मनूतय्‌गु निंतिं भिं हयेमा! जमिन जमिनय् न्‍ह्याथासं धार्मिकतां जायेमा।

हितोपदेश 3:25

दुष्‍टतय्‌त आकाझाकां वइगु विपत्तिपाखें छ ग्‍यायेमाली मखु।

यशैया 1:20

तर छिमिसं मानय् मयात व जिगु विरोध यात धाःसा छिमित तरवारं पालाः स्‍यानाछ्वइ। परमप्रभुं हे थ्‍व खँ धाःगु खः।”

यशैया 17:2

अरोएरया शहरत न्‍ह्याबलेंया निंतिं झिजांमिजां दंगु जुइतिनि। उपिं फै-च्‍वलय् ज्‍वयेगु थाय् जुइतिनि अले अन इमित ख्‍याइपिं सुं नं दइ मखु।”

यशैया 22:25

दक्‍व शक्ति दुम्‍ह परमप्रभुं धयादी, “व दिंखुन्‍हु व तसकं बल्‍लाःगु थासय् तानातःगु की लिहां वइ। व त्‍वधुलाः बँय् कुतुं वनी, उकी यग्‍गानाच्‍वंगु कु नाश जुइ,” परमप्रभुं धयादी।

यशैया 26:16

परमप्रभु, छिं थः प्रजायात सजाँय बियादीगु दु। अले मनय् दुःखकष्‍ट जुयाः इमिसं छितः बिन्‍ति यात।

यशैया 32:17

धार्मिकताया फल शान्‍ति जुइ अले धार्मिकताया लिच्‍वः धाःसा सदांया निंतिं शान्‍ति व भरोसा जुइ।

यशैया 36:16

“हिजकियायागु खँ न्‍यने मते। अश्‍शूरयाम्‍ह महाराजं थथे धयादी – छिपिं जिनापं मिलय् जूवःसा अले पिहां वयाः जिथाय् वःसा, छिपिं फुक्‍कसिनं थथःगु दाखमाया फल व यःमरिमाया फल नयेखनी, अले थथःगु तुंपाखें लः त्‍वनेखनी।

यशैया 40:5

अनंलि परमप्रभुया महिमा खने दइ, संसारया फुक्‍क मनूतय्‌सं छक्‍वलं व खनी, छाय्‌धाःसा परमप्रभुया म्‍हुतुं हे थथे धयादीगु खः।”

यशैया 54:14

धार्मिकताय् छन्‍त थापं याइ। क्‍वत्‍यलिपिंपाखें छ तापाक्‍क हे च्‍वनी, छ सुं खनाः नं ग्‍यायेमाली मखु। भयपाखें छ तापाक्‍क हे च्‍वनी, आतंक छंगु लिक्‍क वइ मखु।

यशैया 58:14

छिपिं जि परमप्रभुपाखें लय्‌ताय् खनी, व जिं छिमित देशया तःधंपिं जुइगु थासय् वनीपिं यानाबी अले जिं छिमित छिमि पुर्खा याकूबया अधिकारपाखें भ्‍वय् नकिपिं यानाबी।” परमप्रभुया म्‍हुतुं हे थथे धयादीगु दु।

यर्मिया 23:4

जिं इमिगु लागि फैजवाःत तये। इमिसं इमित बिचाःसंचाः याइ। जिमि मनूत गुबलें ग्‍याइ मखु। इपिं मध्‍ये सुं नं तनी मखु,” परमप्रभुं धयादी।

यर्मिया 30:10

“‘उकिं परमप्रभुं धयादी, हे जिम्‍ह दास, याकूबया सन्‍तान, ग्‍याये मते। हे इस्राएलयापिं मनूत, नुगः क्‍वतुंके मते। जिं थम्‍हं हे छिमित तापाःगु देशं व छिमि सन्‍तानयात ज्‍वनायंकातःगु देशं बचय् यानाः हये। याकूबयात हाकनं शान्‍ति व सुरक्षा दइ। सुनानं वयात ख्‍याये फइ मखु।’

इजकिएल 34:25

“‘जिं इपिंलिसें शान्‍ति व सुरक्षाया बाचा ची, अले इपिं ढुक्‍क जुयाः मरुभूमिइ च्‍वनेदयेमा व गुँइ द्येने दयेमा धकाः गुँपशुतय्‌त देशं पितिना छ्वयाबी।

इजकिएल 34:28

इमित जाति जातितय्‌सं हाकनं लुटपाट याइ मखु, न गुँपशुतय्‌सं इमित नइ, इपिं याउँक च्‍वनी, अले इमित सुनानं ख्‍याइ मखु।

इजकिएल 38:11

छं थथे धाइ, “पःखाः मदुगु गांत दुगु देशयात जिं हमला याये। पःखाःत, मू ध्‍वाखा व गजबार मदय्‌क शहरय् याउँक च्‍वनाच्‍वंपिं व शंका मयाइपिं जातियात जिं हमला याये।

इजकिएल 39:26

इमित ख्‍याइपिं सुं मदयाः थःगु देशय् याउँक च्‍वने धुंकाः इमिसं न्‍हापायागु लज्‍या व विश्‍वासघातया जिम्‍मा काइ।

लेवी 26:6

“‘जिं छिमिगु देशय् शान्‍ति बी। छिपिं याउँक द्येने फइ। अले छिमित ख्‍याइपिं सुं दइ मखु। जिं देशं ग्‍यानापुपिं पशुत ख्‍याना छ्वये, अले छिमिगु देशय् लडाइँ जुइ मखु।

मीका 5:3

अथे जुयाः मचाबू ब्‍यथा जूम्‍ह मिसां मचा मबुइकूतले इस्राएलयात शत्रुया ल्‍हातय् त्‍वःता तइ। अले वया दाजुकिजापिं लिहां वयाः इस्राएलीतलिसें मिलय् जुइ।

सपन्‍याह 3:13

इस्राएलयापिं ल्‍यंदुपिं मनूतय्‌सं गुगु कथंयागु नं द्वं याइ मखु। इमिसं मखुगु खँ ल्‍हाइ मखु। न इमिगु म्‍हुतुइ ध्‍वंलाइगु खँ हे दइ। इमिसं नइ अले याउँक ग्‍वार्तुलाच्‍वनी, अले सुनां इमित ख्‍याये फइ मखु।”

जकरिया 3:10

“‘उखुन्‍हु हे छिपिं सकसिनं थः जलाःखलाःयात थः दाखमा व यःमरिमाया क्‍वय् च्‍वनेत सःती,’ दक्‍व शक्ति दुम्‍ह परमप्रभुं धयादी।”