मीका 4:2 - नेवाः बाइबल

² अले यक्‍व जातित वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

मीका 4:2 ပူးပေါင်းရင်းမြစ်များ

भजनसंग्रहया सफू 110:2

परमप्रभुं छिगु बल्‍लाःगु राज्‍य यरूशलेमं तःधं यानादी। छि छिकपिनि शत्रुतय् जुजु जुयादी।

भजनसंग्रहया सफू 119:1

धन्‍य खः दोष मदय्‌क म्‍वानाच्‍वनिपिं व परमप्रभुया स्‍यनातःगु खँ कथं जुइपिं मनूत।

भजनसंग्रहया सफू 119:171

जिगु म्‍हुतुसिं छिगु प्रशंसा यायेमा, छाय्‌धाःसा छिं जितः छिगु व्‍यवस्‍था स्‍यनादीगु दु।

भजनसंग्रहया सफू 122:1

इमिसं जितः “परमप्रभुया देगलय् झीपिं वनेनु” धकाः धाःबलय् जि लय्‌ताया।

भजनसंग्रहया सफू 25:12

परमप्रभुया ग्‍याःभय काइपिं सु दु? वय्‌कलं इमित इपिं वनेमाःगु लँपु क्‍यनादी।

यशैया 2:3

अले यक्‍व मनूत वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

यशैया 56:7

जिं जिगु पवित्र पर्वतय् हया। जिगु प्रार्थना यायेगु छेँय् लय्‌ताय्‌केबी। इमिसं जिगु वेदीइ छाःगु होमबलि व बलित जिं यय्‌के। छाय्‌धाःसा जिगु छेँ फुक्‍क जातितय्‌गु निंतिं प्रार्थनाया छेँ जुइ।”

यर्मिया 31:6

एफ्राइमया पहाडी देशय् पिवाः च्‍वनीपिं थथे धाधां हाःगु दिं वइ, ‘वा, झीपिं सियोनय् परमप्रभु झी परमेश्‍वरयाथाय् वनेनु।’”

यर्मिया 42:3

परमप्रभु छिकपिनि परमेश्‍वरं जिमित गन वनेगु खः, जिमिसं छु यायेमाःगु खः, व क्‍यनादीमा धकाः प्रार्थना यानादिसँ।”

होशे 6:3

वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

जकरिया 14:16

अनं लिपा यरूशलेमय् हमला याःपिं जाति जातितपाखें म्‍वाःपिं सकलें दक्‍व शक्ति दुम्‍ह परमप्रभुयात जुजु भाःपियाः आराधना यायेत व बल्‍चाबाय्‌या नखः हनेत दँय्‌दसं यरूशलेमय् वनी।

जकरिया 2:11

“उखुन्‍हु यक्‍व जातित परमप्रभुलिसे मिलय् जुइ अले जिम्‍ह मनूत जुइ। जि छिमिगु हे दथुइ च्‍वने। थुकिं यानाः छिमिसं दक्‍व शक्ति दुम्‍ह परमप्रभुं हे जितः छिमिथाय् छ्वयाहयादीगु खः धकाः सी।

जकरिया 9:10

परमप्रभुं धयादी, एफ्राइमं जिं लडाइँया रथ चीकाबी, अले यरूशलेमं लडाइँया सलत यंके, लडाइँया धनुष त्‍वाःथला बी। वय्‌कलं जाति जातितय्‌त शान्‍तियागु खँ न्‍यंकादी। वय्‌कःया राज्‍य समुद्रंनिसें समुद्र तक अले यूफ्रेटिस खुसिंनिंसें पृथ्‍वीया सिथ तक न्‍यनावनी।

मर्कूस 16:20

लिपा चेलातय्‌सं फुक्‍कभनं वनाः भिंगु खँ न्‍यंकाजुल। प्रभु थः नं इपिं नाप जुयाः इमिगु ज्‍याय् ग्‍वाहालि यानादिल। अजू चायापुगु चिं क्‍यनाः इमिसं न्‍यंकाजूगु खँयागु दसि बियादिल। आमेन।

लूका 24:47

अले ख्रीष्‍टयागु हे नामं पश्‍चाताप यानाः पाप क्षमा जुइगु खँ यरूशलेमंनिसें फुक्‍क संसारय् न्‍यंकेमाः।

यूहन्‍ना 6:45

थुपिं फुक्‍कं परमेश्‍वरं स्‍यना तःपिं जुइ धकाः अगमवक्तातय्‌सं च्‍वया थकूगु दु। बाःयागु खँ न्‍यनाः सय्‌का सीका काःपिं फुक्‍कं जिथाय् वइ।

यूहन्‍ना 7:17

सुनानं परमेश्‍वरयागु इच्‍छा पालन यायेगु मतिइ तःसा व मनुखं जिं स्‍यनाच्‍वनागु खँ परमेश्‍वरयागु खः ला कि जिगु थःगु हे खँ खः धकाः सीके फइ।

प्रेरित 1:8

पवित्र आत्‍मां छिपिं जायेवं छिमिके शक्ति दइ। अले छिपिं यरूशलेमय्, यहूदियाय् व सामरियांनिसें सारा संसार न्‍यंक जिगु साक्षी जुइ।”

प्रेरित 13:42

पावल व बारनाबास धर्मशास्‍त्र स्‍यनीगु छेँनं पिहां वयाच्‍वंबलय् मनूतय्‌सं वइगु विश्रामबार खुन्‍हु नं कं झासँ धकाः बिन्‍ति यात।

रोमी 15:19

जिं अजू चायापुगु चिं व ज्‍या नं याना, पवित्र आत्‍मायागु शक्तिं यरूशलेमंनिसें इल्‍लुरिकन तक फुक्‍कभनं ख्रीष्‍टयागु भिंगु खँ न्‍यंकागु दु।

व्‍यवस्‍था 6:1

छिमिसं यर्दन छिनावनाः अधिकार यायेत्‍यंगु देशय् मानय् यायेमाः धकाः छिमित स्‍यनेत परमप्रभु छिमि परमेश्‍वरं जितः धयादीगु आज्ञा, विधि व नियम थुपिं हे खः।